МИСТЕРИОЗНОТО ИСЧЕЗНУВАЊЕ ЗАПЛЕТ ВО СЕМЕЈНА ДРАМА Уапсен сопругот на Ана Волш
Брајан Волш (46) е уапсен во неделата навечер и се очекува во понеделник да биде изведен пред окружниот суд. Toj е обвинет дека ја довел во заблуда полициската истрага за исчезнувањето на неговата сопруга, која пораснала во Белград.
Сопругот на исчезнатата Ана Волш вечерва е уапсен поради попречување на истрагата, јавија американските медиуми.
Ана Вoлш (39), мајка на три деца, која порасна во Белград, исчезна пред неполни девет дена.
Окружното обвинителство во Норфолк објави дека Брајан Волш (46) е уапсен во неделата навечер и се очекува во понеделник да биде изведен пред окружниот суд.
– Волш е обвинет дека ја довел во заблуда полициската истрага за исчезнувањето на неговата сопруга. Полицијата има причина да верува дека Брајан Волш го извршил кривичното дело заведување на полициските истражители – изјави окружниот обвинител во Норфолк.
Во неделата инспекторите ненадејно се вратија во куќата на исчезнатата Неколку полициски автомобили, како што пренесуваат локалните медиуми, биле паркирани пред куќата, а истражителите кружеле околу имотот во градот Кохасет, Масачусетс.
Ден претходно локалната полиција соопшти дека пребарувањето на теренот е завршено без резултати и дека ќе продолжи само доколку се појават нови информации.
20 членови на специјалниот тим за итни случаи со три дресирани кучиња два дена ја пребаруваа шумата во близина на куќата на Ана Волш. Инспекторите го испразниле и базенот до куќата и со помош на нуркачи го пребарале блискиот поток, но не била пронајдена трага.
Членовите на семејството последен пат ја виделе Ана на 1 јануари околу 4 часот, кога требало да замине на аеродромот Логан во Бостон, од каде планирала да фати лет за Вашингтон, каде што работи во агенција за недвижности.
Ана, сепак, не стигнала ни до аеродромот, а началникот на локалната полиција рекол дека немаат ни потврда дека влегла во возилото кое требало да оди до Логан.
Полицијата изјавила дека Ана е многу активна на социјалните мрежи, но дека не го користи мобилниот телефон од Нова година, кога исчезнала.
(Извор: kurir.rs)
View this post on Instagram