МЕНОПАУЗАТА КАКО ТРИГЕР ЗА АВТОИМУНИ БОЛЕСТИ Естрогенот понекогаш не води само до валунзи и потење
Одредени студии покажуваат дека жените страдаат од автоимуни болести двапати почесто од мажите. Автоимуните болести се состојби кога имунолошкиот систем погрешно ги напаѓа сопствените здрави ткива
Менопаузата е придружена со пад на нивото на прогестерон и естроген хормони, кои предизвикуваат симптоми како што се ноќно потење, топли бранови и чести промени на расположението.
Ова е природен биолошки процес кога имунолошкиот систем претрпува значителни промени. Менопаузата понекогаш е поттик за развој и/или компликации на автоимуни болести.
Менопаузата е состојба која се дијагностицира со последователно отсуство на менструален циклус кој трае 12 месеци од последниот период.
Причината за овие болести сѐ уште е непозната
Одредени студии покажуваат дека жените страдаат од автоимуни болести двапати почесто од мажите. Автоимуните болести се состојба кога имунолошкиот систем погрешно ги напаѓа сопствените здрави ткива, бидејќи ги препознава како туѓи.
Имунолошкиот систем го штити организмот од бактерии и вируси, а во состојба на закана ги активира клетките кои почнуваат да ги уништуваат бактериите и вирусите.
Во нормални ситуации, имунолошкиот систем прави разлика помеѓу клетките кои го напаѓаат нашето тело и нашите сопствени клетки.
Експертите забележуваат дека автоимуните болести се во пораст, дијагностиката е подобра, но се забележува и дека на појавата на овие болести може да влијаат различни фактори, во некои случаи и хормонални промени кои се јавуваат за време на менопаузата. Сепак, вистинската причина за автоимуните болести сè уште е непозната.
Повеќе за ова на порталот „Мајка и дете“.