МЕГАН МАРКЛ СЕ СООЧУВА СО ТУЖБА ЗА ПЛАГИЈАТ Една палма, две колибри и многу проблеми

Меган Маркл, сопругата на принцот Хари, би можела да се соочи со тужба за плагијат, откако во вторникот објави дека нејзиниот бренд American Riviera Orchard го менува своето име во As Ever.

Не е проблем новото име на брендот, туку новото лого, на кое сега има палма и две колибри.

Се претпоставува дека Меган со новото лого му оддавала почит на својот сопруг и на нивниот дом во Монтесито. Имено, во нивната градина има неколку палми, а принцот Хари раскажувал дека веднаш по смртта на неговата баба, кралицата Елизабета Втора, во неговата соба влегло колибри.

Но, шпанските медиуми известуваат дека градот Поререс размислува да ја тужи Меган Маркл, бидејќи новото лого наликува на неверојатен плагијат грбот на градот. И на грбот на Поререс има и палма и две птици. Дилема е дали има некакво значење тоа што грбот на Поререс е во портокалово-зелена боја, а логото на новиот бренд на Меган е во темно сива и бела боја.

Градоначалничката на Поререс се сомнева дека Меган можеби посетила некоја агротуристичка локација и го видела грбот, бидејќи фотографијата на нејзината веб-страница изгледа како да е направена во Мајорка.