МАСОНИ, ТАЕН КУЛТ, ОКУЛТИЗАМ Што навистина се крие зад контроверзната фотографија на кралицата Елизабета? (ВИДЕО)
Фотографијата предизвикува голема дебата на социјалните мрежи па многумина ја поврзуваат со окултизам. Но што навистина се случува на фотографијата...
Фотографија на кралицата Елизабета Втора од нејзината младост, која предизвика многу мистични теории на заговор, со години кружи на интернет.
На социјалните мрежи луѓето тврдат дека на сликата е прикажана друидска високосвештеничка која ја подготвува британската кралица Елизабета Втора за нејзиното крунисување. Се наведува и дека кралското семејство се обидело да ја цензурира сликата. Која е вистината за таа фотографија? На фотографијата всушност е прикажана тогашната принцеза Елизабета на културен настан во Велс во 1946 година, повеќе од шест години пред нејзиното крунисување. Немало обиди за криење или цензурирање на фотографијата. Нашироко е достапна на интернет, како и на веб-страницата на кралското семејство.
Натписот на оригиналната фотографија објаснува дека тогашната принцеза Елизабета била предводена од „аколит на Архидруид Крвис Вилијамс“ преку нејзината иницијација во Мистичниот круг на бардови во Велс на 6 август 1946 година. Мистичниот круг на бардовите е здружение на поети, писатели, уметници и други луѓе кои дале значаен придонес за Велс, неговата култура и велшкиот јазик. Главната цел на здружението е развивање и промовирање на велшката поезија, литература, музика и уметност. Нив ги предводи „Архидруид“, кој претставува официјален функционер на групата.
Кралицата беше иницирана како „почесна овата“, што е највисок орден за заслуги во здружението. Фотографијата од оваа церемонија во 1946 година беше јавно изложена како дел од Кралската уметничка колекција во сопственост на британското кралско семејство.