МАЈКА ОБЈАВИ ВИДЕО ОД БЕБЕ СО ФЕБРИЛНИ КОНВУЛЗИИ Дали знаете што треба да правите ако вашето дете добие напад од висока температура?
Ако вашето дете има фебрилен напад, треба да се постави на страна. Останете до детето и обидете се да забележите колку долго трае нападот. Лекарите предупредуваат дека ни случајно не треба да му ставате ништо во уста.
Според анкетата на едукативната страница Tiny Hearts Education, само 31 процент од родителите би знаеле што да прават во случај на фебрилни конвулзии, кои се јавуваат кај едно од 30 деца. Ова е загрижувачки факт бидејќи оваа состојба може да биде страшна и вознемирувачка кога ќе се види.
Затоа една мајка сподели видео од нејзиното бебе како има напад. Како што вели, тоа им се случило првпат, а за 12 часа детето имало две епизоди на фебрилни конвулзии.
„Знаев точно што треба да направиме и останав смирена. Му реков на мојот сопруг да се јави на 911 и го ставив детето во положба за опоравување. Лекарите рекоа дека никогаш не виделе мајка која е толку мирна кога го гледа првиот фебрилен напад на своето дете”, напишала таа.
Видеото можете да го видите на порталот „Мајка и дете“.