МАЈКА МУ МИЛЕНА СИ ГО ВИКА ТОРНАДО, ПРЕЛЕТУВА ДО 7, А СЕ ВИВНУВА НАД 2 МЕТРИ Средношколецот Брајан Авиа е шампион на Македонија во атлетика
Брајан Авиа е шампион на Македонија во атлетика и моментално е носител на пет државни рекорди. Неговиот личен рекорд за скок во височина е 2 метри и 1 цм, а најдолгиот скок досега му е 6 метри и 82 цм. Неговата мајка Милена Милошевска вели дека од секогаш бил брзо, енергично и љубопитно дете па дома си го нарекуваат торнадо. Токму тие карактеристики ги усмерил кон постигнување одлични резултати во спортот
Нашиот соговорник Брајан Авиа има 16 години. Тој е втора година во скопската гимназија „Никола Карев“ и државен шампион во атлетика.
Моментално е носител на пет државни рекорди, од кои два се во категоријата под 16 години и три во категоријата под 18 години. Веќе има учествувано на многу меѓународни натпревари, од кои најзначајни резултати постигнал на финалето на Европскиот младински олимписки фестивал (ЕЈОФ) во 2022 и 2023 година.
Брајан е вистински вљубеник во атлетиката бидејќи, според него, таа нуди многу можности покрај спортот: патувањa, пријателства од целиот свет, запознавање на различни култури. Неговата најголема желба е да застане на подиумот на следните Олимписки игри, оние кои за 4 години треба да се одржат во Лос Анџелес.
Неодамна Брајан им се придружи на зелените спортски амбасадори во климатската акција, помагајќи да се промовира одржливоста и да се создаде реципроцитет помеѓу спортот и заштитата на животната средина.
Целиот текст прочитајте го на порталот „Мајка и дете“.