МАЈЧИНОТО МЛЕКО Е ПРВА И НАЈВАЖНА ВАКЦИНА ЗА БЕБЕТО Ова е мотото на кумановската болница-пријател на бебињата
Мотото на кумановската општа болница и одделението за гинекологија и акушерство е дека мајчиното млеко е прва и најмоќна вакцина за новороденчето. Таму, стандардно, а не само за време на Светската недела на доење, ги поттикнуваат и ги едуцираат мајките за придобивките од доењето.
Кумановската болница е прогласена за „Болница, пријател на бебињата“ уште пред 22 години и оттогаш посветува исклучително внимание на промоција на доењето, како во едукација на мајките од поволностите од доењето, така и во едукација на персоналот (педијатри, неонатолози, медицински сестри) на актуелни теми поврзани со доењето, како што се, правилно воспоставување на доењето, справување со најчестите проблеми при доење, важноста на психосоцијалната поддршка на доилките.
Раководителката на одделот, примариус специјалист д-р Лидија Јовчевска вели дека кумановската болница има долга традиција како пријател на бебињата. Таа ги повика мајките и порача дека доењето треба да биде ексклузивно најмалку шест месеци од раѓањето.
„Од 1990 година кога е донесена декларацијата на невините, препорачано е од Светската здравствена организација сите новородени да го добијат она што го заслужуваат, мајчиното млеко. Од 1992 година, од 1-ви до 7-ми август, се одбележува, Светската Недела на доењето. Кумановската болница од 2000 година е болница пријател на бебињата. Ние веќе 22 години во континуитет, работиме, инсистираме, ги обучуваме мајките кога ќе си заминат да дојат, инклузивно шест месеци. Сите мајки сакаат да дојат, особено затоа што промоцијата е повеќе од две децении, тие знаат дека нема ништо подобро за почеток од мајчиното млеко за бебињата. Особено во првите шест месеци, тоа е им е храна, вода, заштита, топлина“, вели д-р Јовчевска.
Целиот текст побарајте го на порталот „Мајка и дете“.