СУПЕРКОМПЈУTЕР КОЈ РАБОТИ…НА СВЕТЛИНА? Да, но ќе ви требаат кристали од Намибија

Замислете дека можете наместо стандардни електроди, процесори и транзистори вашиот компјуер да го „возите“ на светлина. Поточно, светлина која ќе пулсира и за миг ќе се претвора во материја и пак назад. Да, такво нешто предвидел уште Ајнштајн, бидејќи материјата и енергија се еквивалентни. Но, за да создадете вакво нешто ќе ви треба една бакарна руда наречан Куприт, која ја има само во рудник во местото Онгања во Намибија, пишува ИФЛ Наука.

Купритот е скапоцен камен, но е премногу мек за да го користат во накит. Тој произведува „вжештени“ честички кои се викаат поларитони, поточно Рајдбергови ексцитони. Тие не се ниту светлина, ниту материја, туку пулсираат меѓу двете. Практично земено, тие се комбинација од електрони и електронски дупки. Тим научници од Универзитетот во Сент Енрјус, предводени од д-р Хамид Охади во Nature Materials објавиле дека ги создале најголемите досега произведени вакви честички.

Истовремено, паралелно извршување супер-тешки задачи

А како во ваквиот компјуер ќе се пренесуваат информациите? Додека се во нивната материјална состојба поларитоните можат да комуницираат едни со други, правејќи вид на квантен компјутер наречен квантен симулатор. Кул е тоа што наместо со единици и нули, квантниот симулатор ќе работи со сите комбинации кои постојат измеѓу овие две опции.

Што добиваме со тоа? Па, за почеток ваквиот компјутер би можел да ги работи сите задачи истовремено, паралелно, без застој. Иако квантните симулатори не можат да извршуваат толку широк опсег на функции како што се теоретски способни другите квантни компјутери, тие се добро прилагодени за решавање на одредени важни научни проблеми.

Се надеваме дека тие можат да ни овозможат да го разбереме однесувањето на атомите на многу ниски температури и структурата на преклопување, на пример, на начини кои би можеле да доведат до откритија во суперспроводливоста и фармацевтскиот дизајн.

Златниот грал на науката на 21 век

Изградбата на квантни компјутери  е еден од најголемите научни проекти на 21-от век, со многу различни дизајни под истрага, сите со предности и недостатоци во споредба со останатите.

– Да се ​​направи квантен симулатор со светлина е светиот грал на науката. Направивме огромен скок кон ова со создавање на Рајдберг поларитоните, клучната состојка на тоа – рече Охади во изјавата .

Поларитоните тимот ги направил со полирање на кристал од куприт од Онгања додека не станал потенок од човечко влакно со дебелина од само 0,03 милиметри и ставајќи го помеѓу две ултра-рефлектирачки огледала. Светлината потоа била заробена помеѓу двете огледала, поминувајќи низ кристалот за да се создадат Радјберг поларитоните широки 0,5 μm (микрометри). Тие честички биле 100 пати поголеми од кои било претходно произведени.

Светлосно, наместо електрично коло

Следниот чекор е да се контролираат поларитоните за да се формираат квантни кола, исто како што нашите компјутери имаат електрични кола.

Рудникот Онгања во Намибија  беше затворен и поплавен  пред многу години, па синтетизирањето на големи камења од куприт сега може да стане приоритет, доколку не се најде друг природен извор.

За среќа, тимот на Охади успеа да купи еден камен на веб-страната eBay.