КОЛКУ БИ ИЗДРЖАЛА ЕВРОПА БЕЗ РУСКИОТ ГАС? Најмногу до доцна наесен, еве го планот за енергетската независност
Магацините низ цела Европа се само една третина полни, па континентот би издржал без руски гас најмногу до доцна наесен. И во најоптимиситчкото сценарио, ЕУ ќе биде независна од гасот за пет години. Во меѓувреме, Германија сака да ја намали потрошувачката за две третини до крајот на годината, но тоа би значело отпуштање на пола милион работници во енергетскиот сектор.
Најмногу до доцна наесен би издржала Европа ако Русија реши да го сопре проток на гас за сите земји наеднаш, велат аналитичарите на германската Беренберг банка. Тоа е затоа што магацините се полни само 32 отсто, односно една третина. Додека Полска во моментов мора да позајмува руски гас од Германија, а Бугарија од Грција, работите не се одвиваат добро. Дури и во најоптмистичното сценарио Европа би била независна од рускиот гас дури во 2027 година, пишува Нова.
Планот е следен. До крајот на годинава ЕУ да ја намали потрошувачката на руски нафта и гас за две третини, односно 66 отсто, а тоа да го надомести со течен гас(ЛНГ) од САД. За оваа цел Германија почна да гради нови терминали, а Италија потпиша договори со Египет и со Алжир. Всушност, Германија и Италија се клучни земји кои снабдуваат други помали земји, па доволно би било Путин нив да им го сопре гасот.
Во моментов, дури половина, односно 45 отсто од гасот во Европа доаѓа од Русија. Целта е магацините да се наполнат до 80 отсто до крајот на годината за „црни денови“. Во меѓувреме, земјите пробуваат да ја намалат потрошувачката. Германија успеа да го намали увозот од 55 на 40 отсто за неколку недели. Тоа би можело да ја чини 550.000 работни места и пад од 6,5 отсто на економското производство, тврдат петте водечки економски институти во земјата.
Меѓу другото, Германија веќе направи план во три фази за „разумно“ користење на гасот. Планот предвидува домаќинствата да користат помалку гас за греење и за ладење, а предност на користење на гасот да имаат болниците пред бизнисите. Исто така ќе се побара луѓето да се греат на други начини, на пример со топлински пумпи или на струја.