КОГА НЕ МОЖЕШ ДА СЕ СПРАВИШ СО БЕЛОТО – ЛЕГАЛИЗИРАЈ?! Во срцето на ЕУ се размислува за рекреативна продажба на кокаин

Берн, главниот град на Швајцарија размислува да легализира продажба на кокаин за рекреативна употреба, а одлуката на тамошниот парламент наиде на бројни реакции од градските власти. Се смета дека одлуката е поврзана со фактот што Швајцарија тешко се справува со употребата на оваа дрога. Всушност, земји како Шпанија, Италија и Португалија веќе немаат затворски казни за поседување одредени дроги меѓу кои и кокаин, но овој чекор на градот Берн се смета за најсмел досега во ЕУ.

Ако предлогот биде прифатен, тоа значи дека ќе треба да се променат и одредени закони, да се спроведе кампања, но и редовно да се проверува квалитетот на кокаинот кој би бил продаван како лек, објаснува Ева Чен, член на советот во Берн од партијата Алтернативна левица, пишува Ројтерс.

– Војната против дрогата не успеа. Мора да бараме нови идеи. Контролата и легализацијата би можеле да бидат поефективни од обичната репресија – вели таа и додава дека е премногу рано да се зборува за деталите за развојот на пилот-програмата, вклучително и каде ќе се продава или набавува лекот.

– Во моментов во Швајцарија имаме многу кокаин, со висок квалитет и по најевтини цени. Денеска можете да добиете доза кокаин за околу 10 франци, што не е многу повеќе од цената на пивото – изјави Френк Зобел, заменик директор на „Addiction Switzerland“.

Од другата страна на океанот, во американската држава Орегон во 2021 година беше легализирано поседувањето мали количини кокаин како дел од програмата за лекување на зависности во 2021 година. Политиките во разни делови од светот се менуваат.

Експертите во Швајцарија сè уште се поделени за предлогот. Дури и оние кои ја поддржуваат програмата се загрижени за можните негативни и опасни последици.

– Кокаинот е една од супстанците кои создаваат најголема зависност – рече Борис Куеднау од Центарот за психијатриски истражувања на Универзитетот во Цирих.

Од друга страна, Тило Бек од Arud Zentrum für Suchtmedizin, најголемиот центар за медицина на зависности во Швајцарија, смета дека е дојдено време за „зрела“ политика кон кокаинот.

– Кокаинот не е здрав – но реалноста е дека луѓето го користат. Не можеме да го промениме тоа, затоа треба да се обидеме да се погрижиме луѓето да го консумираат на најбезбеден, најмалку штетен начин – рече Бек.