КОЈ ГО ЧУВА ГРБОТ НА ПУТИН? Четири тимови „тешкаши“ со натчовечки вештини

Нема голема разлика меѓу обезбедувањето на рускиот со тоа на американскиот претседател, а во случајот со Путин стои служба од 50.000 вработени. Од снајперисти и телохранители до хеликоптери, распоредени во четири тимови, овие луѓе прават цела стратегија недели пред рускиот шеф воопшто да стапне на некоја средба, поставуваат бубачки и сензори, а според јутјуб-видео, подготовките за рускиот се многу поголеми од тие за американскиот претседател, поради неговиот контроверзен имиџ.

Се анализираат неколку нешта: претседателот не смее да патува по патишта познати на банди и криминалци, се избегнуваат протести, природни катастрофи, а мора да се мисли и на тврдата машка слика на Путин во планирање на сценариото. Сето ова е причина зошто, на пример, Си Џинпинг не патуваше низ Хонг Конг во време на протестите или зошто Бајден го избегнува градот Фергусон.

Кога се работи за Путин, четири тимови го чуваат мирот. Еве кои се тие.

Првиот круг

Во првиот круг околу Путин се елитните телохранители кои се секогаш присутни до него, а се да се стават себе директно на патот на напаѓачот и да примат куршум за рускиот претседател доколку е потребно. Носат панцири по целото тело, но и специјални актовки отпорни на куршуми. Имаат пиштоли и автомати со домет до 50 метри и чадори-панцири.

Вториот круг

Вториот круг е најважниот. Овие лица обично се невидливи и не личат на агенти. Се мешаат во толпите за да ги утврдат заканите одвнатре. Потоа тие на радио-врска ќе им пренесат на другите за евентуалната закана.

Третиот круг

Третиот круг на заштита работи долж периметарот на толпата и внимателно проверува дали има закани однадвор. Овие се облечени како вистински телохранители.

Четвртиот круг

Четвртиот круг на заштита е составен од елитни набљудувачи и снајперисти сместени во тактички поволни точки околу локацијата на претседателот. Нивната работа не е само да внимаваат на толпата и да дејствуваат соодветно, туку уште поважно е да дејствуваат како контра-снајперисти.

Има и една посебна група „тешкаши“ кои дури знаат и да користат противтенковско и противвоздушно оружје. Тие се наменети за екстремно сложени ситуации.

Бубачки во хотел и сензори за експлозив месец дена претходно

Откако ќе се предвидат овие нешта, се преминува на самата локација. Се проверува хотелот, собата, местото на престој месец дена претходно, но и безбедносни стандарди: има ли објектот противпожарна заштита, на пример. Ако сè е во ред, почнува инсталацијата на бубачките, сензорите и направите со кои ќе се следи претседателот, а кои ќе можат да детектираат потенцијален експлозив поставен преку радио или преку мобилен телефон.

На телохранителите им е дозволено да користат хардвер и софтвер за прислушување на кој било електронски уред за кој веруваат дека ќе биде во близина на претседателот. Тие исто така добиваат дозвола да пристапат до која било зграда или да одземат возило во случај Путин да е загрозен, за да го заштитат.

Што ви треба за да станете телохранител на Путин?

За да бидете телохранител треба да имате над 21, а помалку од 35 години. Само оние во врвна физичка форма можат да размислат да се пријават. Следно, мора да бидете високи меѓу 175 и 190 сантиметри. Ова е направено за вие да сте физички доволно големи за да го заштитите претседателот со сопственото тело, но не до толку високи за да доживеете тешкотии при некои тесни премини или врати, а и за да не привлечете внимание кон себе.

Условите за приклучување кон Претседателската служба за безбедност се изненадувачки слични на оние на американската тајна служба. Не е потребно борбено искуство. Тоа е затоа што, како што објасни поранешен вработен, војникот треба да нападне, но телохранителот треба да брани и заштити.

Ненаметливи, културни, издржуваат на секакви услови

Работата на претседателскиот телохранител не е да фати или елиминира напаѓач, туку да го заштити претседателот дури и по цена на сопствениот живот. Се работи за мирни и рамнодушни поединци кои мораат да ги почитуваат правилата на бонтонот, но и да знаат повеќе светски јазици. Еднаш Путин се сретна со Конор Мек Грегор, познат борач, а еден телохранител побара од Мек Грегор да ја тргнете раката од рамото на Путин на ненаметлив начин.

Деталите се многу оскудни со оглед на тајноста на руската влада, но познато е дека слично како и нивните американски колеги, руските претседателски телохранители се експерти за борба од рака и имаат неверојатна издржливост и толеранција на екстремна топлина и студ.

Лесни мантили и амфетамини

Дури и во најстудените услови, овие мажи мора да бидат способни да го толерираат времето само со лесни мантили, бидејќи тешките мантили ќе ја попречат нивната агилност и способност за брзо движење.

Гласините дури велат дека телохранителите на рускиот претседател земаат различни лекови кои директно влијаат на нивната физиологија. Ова може да вклучи употреба на амфетамини за будност, или можеби дури и човечки хормони за раст или стероиди за зголемување на силата и на издржливоста.