КИСЕЛИНИ, ЗАПЕК, ОТОЦИ, АМА И ЕНДОРФИН! Какви промени се случуваат во телото за време на бременоста?
Бременоста е состојба во која секој дел од телото претрпува големи или помали промени. Можеби понекогаш се чувствувате како целото ваше битие да го заземало вонземјанин. Но, има причина за тоа…
Без оглед дали планирате наскоро бебе, дали чекате бебе или внуче, секогаш ќе ви биде интересно да слушнете нешто за промените што ги доживува женското тело за време на бременоста.
Сигурно има многу работи кои не сте ги знаеле или сте ги заборавиле, но сеедно, можат да ви бидат интересни.
Веројатно знаете дека за време на бременоста крвта на мајката не се меша со крвта на бебето. Плацентата создава бариера меѓу нив и апсорбира кислород, минерали и мали молекули од крвта на мајката и ги ослободува во крвта на бебето преку папочната врвца.
Бременото тело сега мора да излачува двојно поголема количина на отпадни производи. Така се зголемува количината на урина, што ги објаснува честите посети на тоалетот.
Како што расте малиот човек, така внатрешните органи (цревата, белите дробови и желудникот) се стискаат, што предизвикува отежнато дишење, киселина и запек.
Повеќе за ова на порталот „Мајка и дете“.