📽 КИНЕСКИТЕ АСТРОНАУТИ СЕ ВРАТИЈА НА ЗЕМЈАТА Пекинг има големи планови за својата вселенска станица
Успешната мисија „Шенжоу-18“ го собори кинескиот рекорд за излегување во вселената. Во иднина, Кина има намера да ја прошири својата вселенска станица „Тијангонг“ со додавање три нови модули и вселенски телескоп од класата „Хабл“.
Астронаутите Је Гуангфу, Ли Конг и Ли Гуангсу беа на Кинеската вселенска станица „Тијангонг” од 25 април оваа година и синоќа ја завршија мисијата „Шенжоу-18“. Кинеската вселенска агенција потврди дека астронаутите се во добра здравствена состојба.
Вселенските истражувачи слетале во текот на ноќта во Донгфенг, северна Кина, а тимовите за набљудување, потрага и спасување користеа инфрацрвени термални камери за следење на капсулата.
Командантот Је и неговата посада спроведоа низа научни експерименти за време на нивниот престој на „Тијангонг“, вклучително и проучување прастари микроби.
Во оваа мисија се случи и кинескиот рекорд во поглед на излегување во вселената – во мај. А, потоа следеше уште едно излегување во јуни, со што беше поставен штит од вселенски отпад, пренесе кинеската „ЦЦТВ“.
Је, со својата втора мисија, е првиот кинески астронаут кој мина повеќе од 365 дена во вселената.
Кинеското астронаутско трио спроведе вежба за итни случаи при што го сними Центарот за лансирање сателити „Џијукван“ во пустината Гоби, од каде што и полетаа во април. Меѓу другото, беше извршено и снимање на космодромот „Венчанг“ на островот Хајнан, јужна Кина, од каде што беа испраќани модулите за „Тијангонг“.
Од 30 октомври, на Кинеската вселенската станица има нов астронаутски екипаж.
Кина има намера да го прошири „Тијангонг“ со додавање три нови модули. Идните планови предвидуваат испраќање и вселенски телескоп од класата „Хабл“, којшто ќе може да се приклучи на станицата заради одржување и поправки.