ИНЖЕНЕР ПРАВИ ЛЕДЕНИ ПИРАМИДИ СРЕДЕ ПУСТИНА Водата е единственото нешто што расте кога е замрзнато (ВИДЕО)

Новости ни доаѓаат од пределите на Хималаите. Инженерот Сонан нашол начин да замрзнува вода во форма на големи пирамидални глечери високи и до 300 метри. Овие ледени објекти не се топат до месец јуни, а тоа е доволно за водата да биде собрана и однесена во непристапните села на Хималаите, кои за време на летниот период се вистински пустини во жега.

– Решението на кое работиме е за замрзнување на водата која не се користи во текот на зимата во големи конуси од лед – вели инженерот добитник на годинешната награда на Ролекс.

Тој ја користи водата од извори и потоци кои надоаѓаат од планината и преку црево ја пушта да избие на големи вертикали забодени од земјата. Гравитацијата го прави своето, а исто и законите на физиката кои велат дека водата е единственото нешто кое се шири кога ќе биде замрзнато, наместо да се собира.

Според Сонан, токму геометриската форма на овие новосоздадени вештачки глечери е клучот зошто тие не се топат до почетокот на летото.

Со парите од наградата инженерот планира да направи уште 20 глечери и со нив да се наводнуваат обработливите површини во селата.