ИНКЛУЗИЈАТА НЕ Е САМО ЛИФТ, РАМПА И ДЕЛЕЊЕ ЛЕНТИ СО СОНЧОГЛЕДИ! Потребни се обуки кои ќе помогнат да разбереме, да прифатиме и да сакаме
Инклузијата не значи само да се обезбеди физичка достапност и да им се поделат ленти со сончогледи на лицата со невидлива попреченост. Иницијaтивата „Сончогледи кон сонцето за невидлива попреченост“, вели Ирена Лозана, која е дел од оваа иницијатива и мајка на дете со аутизам, главниот фокус го става на обуките на јавната администрација која треба да се сензибилизира за инклузивната свесност.
Пред три години кај нас беше покрената иницијативата „Сончогледи за невидлива попреченост“, а јавноста се запозна со значењето на тогаш, зелените ленти со сончогледи, како симбол што се користи претежно на фреквентни места (железнички станици, аеродроми, итн.) за дискретно предупредување на вработените дека патникот може да има посебни потреби.
На пример, ако видите мајка која го држи за рака своето дете и го носи овој симбол во супермаркет, тоа може да значи дека детето има невидлива попреченост.
Значи, тривијални нешта, како што е чекањето ред на каса, може да биде невозможно за да ги разбере едно дете со аутизам. Оттука, ако видите дека некој носи видлива лента со сончоглед, значи дека таа личност или лицето кое го придружува може да има скриена попреченост, физичка или психичка, па можеби ќе им оставите малку повеќе простор и ќе им пружите повеќе разбирање.
Повеќе за ова прочитајте на порталот „Мајка и дете“.