ХВАРСКИ ДЕВОЈКИ: ДРУГАРКИ ОД КОЛЕВКА ПА ДО ГРОБ Маринела и Јосипа работат во лето, одмараат во зима
Овие две 25-годишни девојки ги запознавме летово, на Хвар. Родени хваранки, тие цело лето го минуваат работно, но за разлика од повозрасните, наоѓаат време и сила и за на плажа и за на дружба. А на одмор одат на есен или зима
Маринела Заниновиќ и Јосипа Шариќ, нашите две нови познанички од Хвар се најдобри другарки и пример како тоа, односно, другарството, она вистинското, сѐ уште функционира и денес.
„Од колевка па до гроб. Родени сме во ист ден, во иста година и заедно сме цел живот и така и ќе остане“, одлучна вели Јосипа и ја поттикнува скромната Маринела, која е наша колешка, новинарка, да зборува за себе иако таа тврди дека е во професијата многу кратко време, нема искуство и нема што многу да каже.
Маринела и Јосипа ги запознавме на тезгата на нашата стара пријателка Ивка Равлиќ во Хвар. Се враќаа од плажа каде што успеале да отидат и набрзина да се избањаат во паузата од своите обврски. А нивните обврски во лето, велат, се секоја година исти. Маринела помага во семејниот бизнис со издавање на апартмани, раководи со социјалните мрежи и учествува во работата околу нивното домашно производство на вино и маслиново масло кога е за тоа време.
Таа пред една година магистрирала новинарство, а претходно дипломирала на катедрата за португалски јазик и книжевност во Загреб, па последните шест месеци пишува на еден блог за храна и вино. Тоа е и нејзино прво искуство во оваа работа.
Целиот текст прочитајте го на порталот „Мајка и дете“.