ХРВАТСКИ РЕСТОРАН ЈА ВРАТИ МИШЕЛИН ЅВЕЗДАТА „Таа ни ги избрка гостите“
Во текот на целиот процес се изгуби почетната идеја околу концептот, а статусот на ресторан со ѕвезда стана своевиден товар. Во октомври минатата година го затворив ресторанот и донесов одлука дека повеќе не сакам да биде оптоварен со награди и статуси. Решив да ја вратам ѕвездата, вели Кристијан Николац, сопственик на ресторанот.
Драга ди Ловрана, ресторан во местото Ловранска Драга кој стана првиот ресторан на Кварнер со Мишелин ѕвезда во 2019 година, повеќе не го сака тоа признание. Ова за Добра храна го најави Кристијан Николац, сопственик на ресторанот.
„Пред точно пет години, нашиот ресторан беше вклучен во водичот Мишелин и награден со Мишелин ѕвезда, која гордо ја носевме следните години. Тие години беа предизвикувачки и возбудливи, беше многу важно да го потврдиме нашиот статус и многу креативна енергија отиде во исполнување на некои непостоечки правила за одржување на статусот во друштво на најдобрите“, објаснува тој.
„Во текот на целиот процес се изгуби почетната идеја околу концептот, а статусот на ресторан со ѕвезда стана своевиден товар. Во октомври минатата година го затворив ресторанот и донесов одлука дека повеќе не сакам да биде оптоварен со награди и статуси. Решив да ја вратам ѕвездата. Мојата ќерка Кели Николац, младата сила на семејството, изрази желба да води хотел и ресторан, но според сопствените идеи, неоптоварена со статуси и успеси, реши да создаде своја приказна, како логично продолжение на идејата на нејзините родители и да го врати познатото чувство на гостопримство како што беше првично замислено“, додава тој.
Повеќе за ова на „Арт кујна“.