ГЕРМАНИЈА ПРЕДУПРЕДУВА, НАЈДЕТЕ СИ РУБЉИ Кој го сопре гасоводот „Јамал“ од Русија кон Европа?

Германија утринава објави „рано предупредување“ за можна вонредна состојба во снабдувањето со руски гас, велејќи дека мерката е дизајнирана земјата да се подготви за можен прекин. Одлуката доаѓа откако вчера попладне еден од протоците на гасоводот Јамал кој од Украина носи руски гас кон Европа кај местото Малноу во Германија падна на нула и сѐ уште е на нула од засега неразјаснети причини. За среќа, другите две клучни рути за гас во Европа во моментов се стабилни, пишува Ројтерс.

Истовремено, утринава, Вјачеслав Володин, спикерот на долниот дом на руската Дума денеска на Телеграм ја посоветува Европа да си „најде рубљи“ ако сака руска нафта, жито или метали. Тоа е уште една најава дека Москва до четврток размислува да воведе механизам и практичен аранжман за плаќање во рубљи за европските земји, нешто што Европа и земјите од Г7 го одбија.

„Европските политичари треба да престанат со разговорите, да престанат да се обидуваат да најдат некакво оправдување за тоа зошто не можат да платат во рубли“, напиша Володин на Телеграм.

„Ако сакаш бензин, најди рубли“, додава тој.

„Покрај тоа, би било правилно – онаму каде што е корисно за нашата земја – да се прошири списокот на извозни производи со цени во рубли за да се вклучат: ѓубриво, жито, прехранбено масло, нафта, јаглен, метали, дрва итн“, се вели во објавата.

Се спремаат ли другите европски земји за исто сценарио? Според постојниот германски план за итни случаи за гас, раното предупредување е прва од трите фази и сè уште не подразбира државна интервенција за давање гас. И покрај тоа, министерот за економија Роберт Хабек ги повика потрошувачите и компаниите да ја намалат потрошувачката, велејќи дека „секој киловат час е важен“.

 Кој го сопре Јамал?

Од Ројтерс го контактирале операторот „Гаскад“ за коментар, но досега не добиле одговор. Количината на гасот кој тече во Полска од Германија на самата граница меѓу двете земји последен пат изнесуваше 1.451.155 kWh/h до 13:00 часот по локално време, но оттогаш падна на нула.

Нафтоводот кој вообичаено се движи кон запад има проблеми уште од 15 март бидејќи Полјаците наместо преку „Гаскад“ почнаа да купуваат гас од Германија.

Според агенцијата Интерфакс, рускиот гасен гигант „Газпром“ задржал одреден капацитет за транзит на гас кон запад преку гасоводот Јамал-Европа за вчеравечер и за денес и компанијата не може да ги гарантира испораките на гас, бидејќи не секогаш работи со резервирани капацитети.

Од друга стана, гасоводот „Северен тек 1“ останува непроменет. Таму, протокот преку Балтичкото Море последен пат изнесувал 73.389.870 киловат часови на час (kWh/h), што е слично со претходниот ден.

 

Reuters: gas flows through the Yamal-Europe pipeline have dropped to zero. pic.twitter.com/9ADfKhv3Cn

— NEXTA (@nexta_tv) March 29, 2022

 Скоро половина, односно 40 отсто од гасот во Европа е руски

Европа, која увезува околу 40 отсто од својот гас од Русија и плаќа главно во евра, вели дека рускиот државен гасен гигант „Газпром“ нема право да ги прецртува договорите. Сепак, по санкциите кои Западот ги воведе за Русија, рускиот претседател Владимир Путин побара природниот гас што се извезува во Европа или во САД да се плаќа во валутата на неговата земја.

Иако не беше веднаш јасно дали таквиот потег може да стане официјална руска политика, иако Путин, кога ја објави одлуката за рубљата за природен гас, рече дека тоа е само почеток на процесот.

Русија учествуваше со 55 отсто од увозот на гас во Германија во 2021 година. Иако таа бројка падна на 40 отсто во првиот квартал од 2022 година, министерот за економија Хабек рече дека Германија нема да постигне целосна независност од руските испораки пред средината на 2024 година.