ГЕРМАНИЈА ЈА ОТКАЖУВА ПОМОШТА ЗА УКРАИНА? Зеленски вели, „тоа би било опасно“
Наместо девет милијарди, германското „вето“ на одлуката го одложува плаќањето кон Украина, па денеска се одобрени само една милијарда евра како „прва рата“. Ова не е прв пат Украина и Германија да се спречкаат. Неодамна, украинскиот претседател Володимир Зеленски го повлече украинскиот амбасадор во земјата, а од почетокот на војната тој дава неумесни изјави за тоа колку Германија беше спора во испорачувањето на оружје. Последната кавга е околу гасната турбина која треба да стигне од Канада за Германија, што според Зеленски дополнително ќе ја налути Русија и ќе биде опасно за сите земји од демократскиот свет.
Германија се премисли и ја блокираше одлуката Европската Унија да ѝ додели 9 милијарди евра помош на Украина, пишува италијанскиот весник „Кориере дела сера“. Причината за тоа, според германскиот министер за економија е заедничкиот европски долг на чија сметка би одело ова финансирање, а кој ѝ дава прилично поволни услови на Украина да ги врати парите по 25 години без никаква камата.
Наместо тоа, денеска министрите за финансии одобрија само една од деветте милијарди договорени уште во мај. Беше речено дека тоа е „првата рата“.
Ова не е прв пат Украина и Германија да се спречкаат. Неодамна, украинскиот претседател Володимир Зеленски го повлече украинскиот амбасадор во земјата, а од почетокот на војната тој дава неумесни изјави за тоа колку Германија беше спора во испорачувањето на оружје.
Последната голема кавга е околу рускиот гас од гасоводот Северен тек 1, кој моментално е затворен на 10 дена, наводно поради ремонт, а за кој Германците се плашат дека може целосно да сопре. Гасоводот и претходно работеше само на 60 отсто од капацитетот бидејќи Москва се пожали дека не може да реинсталира една од турбините која беше на сервис во Канада, а која не може да допатува во Русија поради западните санкции.
Германија најде решение замолувајќи ја Канада да ѝ ја врати турбината директно, што некои го протолкуваа како повторно кршење на западните санкции. Канада одобри. Но, според украинскиот претседател Зеленски одлуката на Канада „би била многу опасна“.
Според него, ова е многу опасно прашање, не само за Украина, туку и за сите земји од демократскиот свет. Зеленски тврди дека одлуката за изземање од санкции во Москва ќе биде сфатена исклучиво како знак на слабост и дека сега нема сомнеж дека Русија ќе се обиде не само да го ограничи гасот колку што е можно, туку и целосно да ја запре испораката на гас за Европа во најкритичниот момент.
Претседателот на Украина додава дека сѐ уште е можно да се преиспита одлуката за турбината и оценува дека Русија никогаш не играла според правилата во енергетскиот сектор и нема да игра сега ако не ја види силата.