ФОЛКСВАГЕН НАПРАВИ ЕЛЕКТРИЧНА СТОЛИЦА…ЗА УЖИВАЊЕ Има лед светла, сирена, систем за забава…(ВИДЕО)

„Фолксваген” произведе канцелариска фотеља којашто има електричен погон и може да се движи со брзина до 20 километри на час.

Електричниот стол има за цел да го направи работниот ден позабавен, а опремен е со електричен мотор, ЛЕД-светла, сирена, систем за забава, па дури и кука за приколка. Иако изгледа како столица од иднината, таа е всушност дизајнирана за да покаже некои од одликите на комерцијалните возила на германскиот автопроизводител. Системот за забава овозможува прикачување музика и друга содржина, а има и УСБ-полнач.

For the office worker who has a need for speed: Volkswagen Norway has unveiled a chair prototype that has a horn, a seatbelt and a top speed of 12 mph. But don’t whip out your credit card just yet. https://t.co/fyGlnz2wGK pic.twitter.com/rKkqv6iDRI

— CNN International (@cnni) November 21, 2022

Досегот на столчето со едно полнење на батеријата е 12 километри, што значи дека корисникот може да вози „од состанок до состанок” без никакви грижи.

Дел од столот е инфозабавен систем со општи информации за овој технолошки уред, а има и камера со сензори, одговорна за безбедно враќање назад. На задната страна има и простор за „багаж”, на пр. лаптоп или поважни документи. Столот е опремен и со кука за приколка доколку треба да донесете повеќе „багаж” на состанокот, или пак, за превоз на колега / колешка.

Столицата на „Фолксваген” засега нема да се продава, туку ќе биде достапен за демонстрација, во Норвешка.