„ЕЛИКСИРОТ ЗА БОГАТИТЕ“ СЕ ПРОДАДЕ ЗА 52.650 ЕВРА Станува збор за шише вода
Ова посебно шише вода е наполнето од три извори на Земјата, т.е. од три различни држави - Фиџи, Франција и Исланд. Но, и „секоја капка“ се вели дека содржи „по три златни честички“ за да биде поалкална и поздрава од обичната вода.
Несекојдневно е да се наиде на шише вода продадено за 52.650 евра. Сепак, овој „еликсир за богатите“ наречен „Аква ди кристало трибуто“ (Acqua di Cristallo Tributo), со волумен помал од еден литар, на наддавање во ресторан во Мексико Сити го постави Гинисовиот рекорд за најскапа вода во светот.
Ова посебно шише вода е наполнето од три извори на Земјата, т.е. од три различни држави – Фиџи, Франција и Исланд. Но, и „секоја капка“ се вели дека содржи „по три златни честички“ за да биде поалкална и поздрава од обичната вода.
Стакленото шише со 750 милилитри вода, прекриено со злато, пак, е дизајнирано според уметничките дела на италијанскиот уметник Амадео Модиљани. Дизајнот е потпишан од Фернандо Алтамирано кој го осмислил и најскапото шише коњак во светот – „Дудоњон еритаж Анри IV“ (Dudognon Héritage Henri IV).
Средствата собрани од аукцијата беа донирани на Фондацијата „План-3-т“ (Plan3t Foundation A.C.) за борба против глобалното затоплување.