ЌЕ ОРГАНИЗИРАМЕ ВТОР ПУЧ Платениците „Вагнер“ бурно реагираат по веста дека Пригожин загинал

„Отворено кажуваме дека главните осомничени за смртта на Пригожин седат во Кремљ. Државниците на чело со Владимир Путин се обидоа да го убијат. Ќе ви кажам само едно – подгответе се за нас! Ќе организираме втор напад на Москва.“

Вака на Телеграм беше обајвено на еден од каналите на платеничката група „Вагнер“. На социјалната мрежа се множат реакциите по веста дека лидерот Евгениј Пригожин загинал во авион кој се урна во близина на Москва.

„Шефот на групата Вагнер, херој на Русија, вистински патриот на својата татковина, Евгениј Викторович Пригожин почина како резултат на дејствијата на руските предавници. Но, дури и во пеколот, тој ќе биде најдобар! Слава на Русија“, стои објавено на каналот Сива зона.

Додека медиумите блиски до „Вагнер“ шпекулираат дека руски проектил намерно го соборил авионот, други тврдат дека Пригожин намерно ја лажирал сопствената смрт откако на радарот бил виден друг авион, поврзан со „Вагнер“.

“Many discussions of what Wagner will do in this situation. We’ll say one thing – we’re starting off. Expect us!” – reported announcement of Wagner PMC. pic.twitter.com/pzfB5ZO2CT

— Anton Gerashchenko (@Gerashchenko_en) August 23, 2023

Медиумите го исчекуваат официјалниот коментар на Кремљ во врска со случајот.

Не му е првпат на „шефот на Путин“, како што некои го нарекуваа Пригожин, да исчезне. Тој беше официјално прогласен за мртов во Африка во 2019 година, пред повторно да се појави пред руската инвазија на Украина.

Да потсетиме, авионот се урна во регионот Твер додека летал меѓу Москва и Санкт Петербург. На снимката објавена на интернет се гледа како малиот млаз заостанува зад облак чад пред да удри во земјата и да се запали.

Самиот Путин не ја спомна несреќата за време на говорот во Москва по повод 80-годишнината од победата во битката кај Курск за време на Втората светска војна. Наместо тоа, тој ги поздрави сите војници кои се борат „храбро и решително“ во Украина.