ДОДЕКА ВО ФИОКА НИ СТОЕЈА ДОКУМЕНТИТЕ ЗА ШЕСТОТО ИН-ВИТРО, ДОЗНАВ ДЕКА СУМ БРЕМЕНА Сонот ни стана јаве!
„19 октомври 2022 е најсреќниот датум во мојот и во животот на мојот сопруг. На 43 години, после 8 години постојано обидување да забременам на сите начини, вклучувајќи ја и ин витро постапката, го родив нашиот син Михаил. После пет неуспешни ин-витро постапки и бројни интервенции, останав бремена сосема неочекувано, на природен начин“, раскажува новинарката Ружица Аџикотарева Ѓоршевска
Со Ружица Аџикотарева Ѓоршевска се запознавме пред речиси две години за време на едно дводневно новинарско патување во Битола и битолското село Дихово. Тогаш, кога комбето со нас, новинарите кои патувавме заедно од Скопје, застана за да ни се придружи уште некоја новинарка од Битола која требаше да престојува со нас во Дихово, беше моето прво запознавање со Ружица.
Иако е таа познато ТВ-лице, со долгогодишна водителска и новинарска кариера, за неа не знаев ништо. За време на дводневниот престој, како што мислев на почетокот, на нејзин терен, се запознавме малку подобро па ми раскажа дека е всушност скопјанка која во Битола ја донела љубовта, односно, се омажила за битолчанец. Меѓудругото, ми раскажа и за нивната најголема болка, односно, дека веќе со години таа и нејзиниот сопруг безуспешно се обидуваат да станат родители. Сепак, дури ни после толку години и неуспеси после секој нов обид и после сите разочарувања кои следеле по надежта што ја носела со себе секоја ин-витро постапка, таа не делуваше обесхрабрено и безнадежно. Мислам дека во тој момент се потпираше само на верата во Господ. Имено, Ружица е верник па можеби затоа и покрај сѐ, веруваше дека кога-тогаш таа ќе стане мајка, а нејзиниот сопруг татко.
Целиот текст прочитајхте го на порталот „Мајка и дете“.