📷 ДЕТЕКТИВОТ „ПОАРО“ ЌЕ ГО РЕШАВА СЛУЧАЈОТ СО УКРАДЕНИОТ НАКИТ ОД ЛУВР? Интернетџиите се мајтапат со фотка од вистински човек
Некои корисници коментираат дека фотографијата е генерирана со вештачка интелигенција, а трети едноставно рекле дека „само изгледа премногу француски“. Фотографот Тибо Камис, кој ја направил фотографијата, потврдил дека младиот човек е реален и дека нема никаква врска со истрагата за украдениот накит.
Фотографија од елегантен млад човек во класична облека и шешир и луле налик на детективите од приказните за Шерлок Холмс или за Хектор Поаро, ја збуни француската јавност.
Лицето сликано веднаш до полицајци кои стојат кај музејот Лувр ги наведе интернетџиите да коментираат дека токму тој човек е детективот кој ќе работи на случајот со неодамна украдениот накит вреден милиони од музејот.
Некои корисници коментираат дека фотографијата е генерирана со вештачка интелигенција, а трети едноставно рекле дека „само изгледа премногу француски“.
Actual shot (not AI!) of a French detective working the case of the French Crown Jewels that were stolen from the Louvre in a brazen daylight robbery.
Somehow he looks like he’s smoking even without a cigarette in his hand, but surely everything you know about life is screaming… pic.twitter.com/YaaoGbzSjE
— Melissa Chen (@MsMelChen) October 22, 2025
„За да го решиме случајот, ни треба детектив небричен, изморен, човек во развод. Функционален алкохоличар што целиот оддел го мрази. Нема да успееме со детектив кој сериозно носи (класичен мек шешир) федора“, стои во една духовита објава на платформата Икс, која е прегледана повеќе од 5 милиони пати.
Фотографот Тибо Камис, кој ја направил фотографијата, потврдил дека младиот човек е реален и дека нема никаква врска со истрагата. Фотографијата е дел од фотографиите поделени од Асошиејтед прес.
– Го видов, ми изгледаше интересно облечен и одлучив да го фотографирам – изјавил Камис за „Њујорк тајмс“.