ДАВАЛА СОВЕТИ ЗА РОДИТЕЛСТВО, А ДОМА ГИ ВРЗУВАЛА ШЕСТЕ ДЕЦА Позната јутјуберка во САД се соочува со затвор

Руби Френке, мајка на шест деца и позната јутуберка од Јута во САД беше уапсена заедно со нејзинaта деловна партнерка откако нејзиниот неухранет син избегал од дома. Со рани од селотејпот со којшто бил врзуван малолетникот се искачил низ прозорецот и истрчал до куќата на соседот за да побара храна и вода, пишува Би-Би-Си.

„По пристигнувањето, органите на редот забележаа дека раните и неухранетоста на (момчето) се тешки“, се вели во соопштението од Одделот за јавна безбедност на Санта-Клара Ивинс.

Момчето морало да биде однесено во болница „поради неговите длабоки рани од врзување со јаже и поради неговата неухранетост“. Во болница е пренесена и 10-годишната ќерка.

Службениците подоцна добиле налог за претрес во врска со инцидентот, а вкупно четири деца беа згрижени во семејните и детските служби.

Госпоѓа Франке (41) стана позната на Јутјуб во 2015 година со нејзиниот канал наречен „8 патници“, кој разговараше за родителството на нејзините шест деца. Каналот се здоби со над 2 милиони претплатници пред да биде деактивиран претходно оваа година.

Влогерката во минатото се соочи со бурни реакции за нејзините строги родителски мерки опишани на каналот, вклучително и нејзиниот син тврдејќи дека спиел на вреќа со грав неколку месеци како казна.

Што се однесува до слабите оброци, мајката го опишала тоа како уште една дисциплинска мерка.

Најстарата ќерка на госпоѓа Франке, Шари Франке, сподели објава на Инстаграм по апсењето на нејзината мајка, велејќи дека таа и нејзиното семејство „се радуваат што правдата е задоволена“, објавија американските медиуми.