ДАЛИ СТЕ СЛУШНАЛЕ ЗА ЧАШКАТА ЗА ЗАЧНУВАЊЕ? Како да се зголемат шансите за бременост?
Најдовме на Интернет реклама за чашка за зачнување, под називот Ферти-Лили (Ferti-Lily) која, наводно, ги зголемува шансите за бременост. Имено, оваа чашка помага во грлото на матката да стасаат повеќе сперматозоиди од она што е возможно инаку и на тој начин ја зголемува веројатноста за зачнување, без притоа да попречува некој од природните процеси на зачнување.
Ако веќе активно „работите на бебе“ или штотуку сте започнале, а сè уште нема позитивен резултат на тестот за бременост, веројатно почнувате да се грижите за отчукувањето на часовникот, размислувате што не е во ред и сакате да пробате сè што можете за да го забрзате зачнувањето. Се разбира, секој барем еднаш слушнал за лежење со нозете кренати на ѕид после секс или за конзумирање на храна која ја поттикнува плодноста.
Без разлика дали е тоа вашата прва бременост или веќе сте биле бремени, сосема е нормално да треба некое време да се обидувате пред да забремените. Всушност, статистички гледано, поголема е веројатноста да забремените откако ќе се обидувате една година отколку ако сте се обидувале само еден месец. На секоја приказна што ќе ја слушнете за жена која забременила без труд, па дури и без намера, има уште најмалку пет жени кои се обидуваат да забременат и не можат.
Повеќе за ова прочитајте на порталот „Мајка и дете“.