ДАЛИ ИМАТЕ ДОМА ТИНЕЈЏЕР КОЈ СЕ БУДИ СЕКОЈ ДЕН СО ПОДОЧНИЦИ? Спиењето е повеќе од одмор – тоа е и време за растење и регенерација
Секој просечен тинејџер треба да спие од 9 до 10 часа секоја вечер, бидејќи додека спие се лачат хормоните одговорни за растот и половото созревање. Сепак, многу од нив не го прават ова, туку спијат во просек по околу 7 часа. Поради ова тие се раздразливи, депресивни и лошо расположени.
Спиењето е активност која е многу неопходна за нашето тело. Потребата за сон варира во зависност од возраста на детето, така што бебињата спијат многу подолго (16-18 часа на ден), децата од предучилишна возраст од 10 до 12 часа дневно, а на децата на училишна возраст и на тинејџерите им требаат до 9 часа сон.
Меѓутоа, тинејџерите често спијат 6 или помалку часа, што може да предизвика проблеми во извршувањето на секојдневните активности. Нарушување на спиењето е кога детето често се чувствува уморно поради проблеми со спиењето, поспано е и има тешкотии да се концентрира на учење. Покрај гореспоменатите тешкотии предизвикани од недоволното спиење, тинејџерите кои не спијат доволно имаат поголема веројатност да бидат дебели, да се чувствуваат несреќни и да имаат проблеми со комуникацијата.
Тешкотиите со спиењето особено се јавуваат во адолесценцијата. Ритамот на спиење и будност кај адолесцентите е различен од оној на возрасните. Тинејџерите често легнуваат доцна и имаат потреба да спијат подолго време.
Повеќе за ова прочитајте на порталот „Мајка и дете“.