ДАЈ МИ ДА ОБЛЕЧАМ НЕШТО ТВОЕ! Зошто облеката од втора рака е најдобриот избор?
Годинешниот 29-ти Моден викенд Скопје чие мото е „Модата е вечна: Одржливост и иновации,“ се одржува во знакот на одржливоста и креативноста. Од колекции изработени со минимален отпад, размена на облека, работилници за поправка и обновување на облека до, според нас, највпечатливата ревија „Upcycled Passion Fashion Show“ за која е заслужен Центарот за интеграција и поддршка SIEC и креаторката Лилјана Петров на која ова ѝ беше прва ревија
Дали сте си менувале облека со другарките? Јас да, од секогаш. И не само што си менувавме облека, туку и кога на некоја од нас ќе ѝ здодееше некое парче или пак ќе ѝ станеше премногу тесно или премногу широко, никогаш не одеше во канта, туку секогаш прво се вртеше кругот, го сакаш ти ова?
Сепак, тоа беше само интерна размена меѓу најблиски другарки.
Не постоеја продавници за облека од втора рака, ниту пак имаше расположение да се пазари во такви. Барем не во нашиов дел од светот.
Па дури и јас, кога првпат влегов во продавница за облека од втора рака, кога пред неколку децении бев на гости кај тетка ми во Америка, бев смртно навредена кога сфатив дека е тоа облека од втора рака.
Не сакав дури ни да разгледувам, сѐ до моментот кога ги здогледав црвените Левис пантолони со прерамки (како оние работничките), кои потоа ги носев со години. Отидов во истата продавница уште трипати, но сепак, не им кажав на моите дома дека сум купувала стара облека бидејќи тоа тогаш беше сѐ уште табу.
Но еве конечно, последниве години работите се менуваат.
Повеќе за ова прочитајте ТУКА.