ЧАРЛС ТРЕТИ „ТЕЖИ“ 678 МИЛИОНИ ЕВРА Ова е тајната на богатството на новиот британски крал

Британскиот крал Чарлс Трети, кој ќе биде крунисан на 6 мај, има големо богатство, а на тоа богатство се придодадени и неговите инвестиции од времето кога беше принц.

По неговото крунисување, Чарлс Трети ќе го наследи богатството на неговата мајка, кралицата Елизабета Втора, проценето на 360 милиони фунти (406 милиони евра).

Како што пренесуваат британските медиуми, вкупното богатство на британскиот крал ќе изнесува 600 милиони фунти (678 милиони евра).

Чарлс може да смета на ресурсите на Војводството Корнвол, од кои има корист од доаѓањето на неговата мајка на тронот во 1952 година.

Ова наследство е основано во 14 век за да му даде финансиска независност на кралскиот наследник. Чарлс, како принц, не можел да ги поседува средствата на тој фонд, но ги добива неговите профити додека не се искачи на тронот.

Покрај 260 фарми, Војводството поседува 52.450 хектари земја и изнајмува 345 милиони фунти вреден комерцијален имот.

Тестаментот на кралицата не е јавен, што е специфично за суверенот.

Сепак, замокот Белморал, каде што летува кралското семејство, и замокот Сандрингем, се меѓу имотите што Чарлс ги наследил, за разлика од Бакингем или Виндзор, историските домови на кралското семејство, кои ѝ припаѓаат на државата.

Друг историски симбол на британската монархија, накитот на круната, исто така се во сопственост на нацијата и затоа се исклучени од проценката на кралското богатство, бидејќи само тие претставуваат вредност од неколку милијарди фунти.

Како што пренесуваат медиумите, доколку во богатството се вклучат државните придобивки и вредноста на уметничките слики, меѓу кои има и платна на големи мајстори на сликарството, богатството на Чарлс би изнесувало 1,8 милијарди фунти (2 милијарди евра).