Иран изјави дека неговиот последен предлог до Оман за повторно отворање на Ормускиот Теснец е едниот воден пат да остане целосно под иранска контрола, а дел од другиот воден пат, исто така, да биде контролиран од Иран.

Ова го изјави заменик-министерот за надворешни работи на Иран, Казем Гарибабади.

Гарибабади за иранската државна телевизија рече дека Оман предложил привремена бродска рута што ќе ги замени сегашните северни и јужни рути низ теснецот. Според тој предлог, рутата ќе биде поделена така што 50 проценти ќе биде контролирана од Иран и 50 проценти од Оман. Техеран одби.

– Нашиот предлог е едниот воден пат низ теснецот да биде целосно под иранска контрола, а дел од другата рута, исто така, да биде под иранска контрола. Тоа е нашата конечна позиција и Иран нема да прифати никаква друга формула – рече Гарибабади.

Додаде дека теснецот ќе остане затворен доколку Оман не го прифати предлогот на Иран.

Тој, исто така, нагласи дека Техеран е подготвен за можност за обновен конфликт.

Иран тврди дека предлогот на Оман за еднакво споделување на рутите не ја решава загриженоста за безбедноста, сè додека не се постигне долгорочна регионална стабилност.

Ормускиот Теснец е еден од најважните морски премини во светот. Голем дел од глобалната трговија со нафта поминува низ него, поради што секоја закана за затворање или ограничување на пловидбата веднаш предизвикува страв од прекини во снабдувањето и зголемување на цените на енергијата.

Преговорите меѓу Иран и Оман се во тек, додека медијаторите се обидуваат да го смират конфликтот меѓу САД и Иран и да отворат простор за продолжување на пошироките разговори. Волстрит журнал објави дека Оман се обидува да организира безбедно поминување на комерцијални бродови низ Ормус, со цел да се обноват мировните преговори врз основа на рамковниот договор меѓу Вашингтон и Техеран во јуни.

САД инсистираат на слободна пловидба низ Ормус, додека Иран сака да ја задржи контролата врз условите за поминување и транзит.

Во позадина на преговорите се американската поморска блокада на Иран и неодамнешното прекинување на американските воздушни напади, со што претседателот Доналд Трамп ѝ даде простор на дипломатијата, но предупреди дека нападите би можеле да продолжат ако преговорите не успеат.

Оман го информира Вашингтон за разговорите со Иран, иако САД формално не се директен учесник во преговорите меѓу Иран и Оман.

The post ИРАН ИЗДАДЕ УЛТИМАТУМ ЗА ОРМУС Техеран не го прифати предлогот на Оман за поделена контрола врз теснецот appeared first on plusinfo.mk.

Претседателот на Соединетите Американски Држави, Доналд Трамп денеска се сретна со премиерот на Израел, Бенјамин Нетанјаху, во Белата куќа, што е прва нивна средба по војната со Иран што двете земји ја почнаа на 28 февруари.

Средбата беше посветена на војната со Иран, а се одржа без никакви јавни знаци на несогласувања што ги обележаа односите на двајцата претседатели во изминатите неколку недели, пишува  Аксиос.

Американскиот портал оценува дека, земајќи го предвид незадоволството на Трамп од израелскиот лидер поради војната, што американскиот претседател дури и јавно го истакна непосредно пред пристигнувањето на Нетанјаху во Белата куќа, фактот што двете страни ги оценија разговорите позитивно претставува успех за Нетанјаху.

„Состаноците на претседателот Доналд Трамп со украинскиот претседател Володимир Зеленски и со израелскиот премиер Бенјамин Нетанјаху беа позитивни и продуктивни“, напиша портпаролката на Белата куќа, Каролин Ливит на Икс.

Претходно денеска Трамп одржа состанок со украинскиот претседател Володимир Зеленски во Овалната соба за билатерални разговори. Фотографиите од средбите покажуваат дека присутвувале и американскиот државен секретар Марко Рубио и американскиот секретар за одбрана Пит Хегсет.

„Разговорот на Трамп со Нетанјаху траел нешто помалку од час и половина, а се очекувало дека главната тема ќе биде Иран, со оглед на разликите во ставовите на двајцата лидери за понатамошниот тек на војната“, соопшти Белата куќа.

Според Трамп, израелскиот премиер се обидува да ги убеди Соединетите Држави да не ѝ свртат грб на војната.

Нетанјаху по средбата изјави дека била една од „најдобрите разговори што двајцата лидери некогаш ги имале“. Рече дека состанокот се одржал во атмосфера на „целосна соработка, меѓусебна поддршка и разбирање“.

– Разговаравме за заедничката цел на Иран да не му биде дозволено да има нуклеарно оружје под никакви околности, како и за други важни прашања – рече Нетанјаху во видеопорака.

Според него, состанокот бил можност за размена на идеи и координација по прашања што се важни за безбедноста и иднината на Израел.

Во соопштението на израелската влада се нагласува дека двајцата лидери се во тесна координација кога станува збор за војната и дека нема несогласувања меѓу нив.

Според израелските медиуми, Нетанјаху останува посветен на соборувањето на иранското раководство.

Во последниве месеци, некогаш блискиот однос меѓу двајцата лидери се сметаше за затегнат поради нивните разлики околу војната со Иран. Додека Израел сака да ја продолжи војната, Трамп неколку месеци бара дипломатско решение.

ЗЕЛЕНСКИ И ТРАМП РАЗГОВАРАЛЕ ЗА ЛИЦЕНЦИ ЗА РАКЕТИТЕ ПАТРИОТ Можна обнова на дипломатските напори за мир во Украина

The post ИЗРАЕЛ ПОСАКУВА САД ДА НЕ Ѝ СВРТАТ ГРБ НА ВОЈНАТА Прва средба на Трамп со Нетанјаху по конфликтот со Иран appeared first on plusinfo.mk.

Пожарникарите ги користат сите расположливи средства за да ги стават под контрола шумските пожари што беснеат долж атлантскиот брег на Франција, додека нов топлотен бран го зафаќа регионот.

Поголемиот од двата пожари во близина на Бордо на одделни места повторно се разгоре и предизвика евакуација на уште илјадници туристи, додека помалиот пожар југозападно од Бордо беше ставен под контрола синоќа, овозможувајќи им на 15.000 евакуирани лица да се вратат во своите домови.

Поради заканувачката ситуација со пожарите во близина на познатото крајбрежно одморалиште Лакано, префектурата во Бордо утрово нареди евакуација на камповите и на туристичките паркови во Лакано и во Лакано Осеан, што засегна околу 4.000 луѓе. Градот Лакано и неговите постојани жители првично не беа опфатени со наредбата за евакуација.

Властите нагласија дека евакуацијата е превентивна мерка со оглед на прогнозираните временски услови. Се очекува новиот топлотен бран да донесе зголемување на температурите и пад на влажноста на воздухот.

Firemen are brave.

France
Witness deadly wildfire this year in Spain and France.
Absolutely insane courage facing a monstrous flames in the fire line.
pic.twitter.com/CJJaOpKHRv

— bhabis bhitria (@BhitriaBhabis) July 28, 2026

Пожарникарите денеска изјавија дека жештината и ветерот ги отежнуваат напорите за борба против пламените јазици, кои не се проширија дополнително од викендот. За да се спречи ширењето на пожарот, на бројни места во шумата беа исечени противпожарни појаси.

Oh mon Dieu On dirait la fin du monde. #France #fire pic.twitter.com/lTFKpcFhOv

— Haja Ravo (@christina_89445) July 28, 2026

Вкупно 2.750 пожарникари од цела Франција и дел од други европски земји се распоредени на терен, заедно со 18 авиони за гаснење пожари, 1.500 војници и 1.440 полициски службеници.

Вчера попладне, во регионот пристигнаа два транспортни хеликоптери и еден транспортен авион А400М со залихи од Германија.

– Ќе победиме во оваа борба – изјави францускиот претседател Емануел Макрон, заблагодарувајќи ѝ се на Турција за испраќањето два авиони за гаснење пожари.

Europe faces two megafires

Spain and France are battling massive wildfires that have forced the evacuation of hundreds of thousands of people. In Spain, two fires merged to form a single large blaze, while in France, the fire in Gironde continues to threaten the Bordeaux region.… pic.twitter.com/KNOm0KeuGV

— France Safety Travel (@francesafetytra) July 28, 2026

Новоименуваниот селектор на националната фудбалска репрезентација на Франција, Зинедин Зидан, исто така им оддаде признание на службите за итни случаи при своето прво јавно појавување во таа улога.

– Прво би сакал да им изразам поддршка на сите пожарникари – многу семејства минуваат низ многу тежок период во моментов – рече тој.

Од средата, повеќе од 220.000 луѓе се безбедно евакуирани од туристичкиот регион на атлантскиот брег, кој е популарен кај туристите од цела Европа.

Пожарот се доближи на 15 километри од градот Бордо и уништи околу 42.000 хектари шума и нискостеблеста вегетација, што е површина од 420 квадратни километри.

Во Шпанија, службите за итни случаи известуваат за значителен напредок во борбата против неколкуте катастрофални шумски пожари.

ALERT IN EUROPE!

Fires in Spain and France have merged into a MEGAFIRE. More than 60 cities have already been evacuated. pic.twitter.com/8GBtNdVndP

— France Safety Travel (@francesafetytra) July 28, 2026

– Можеме да видиме светло на крајот од тунелот. Владата ќе ги распореди сите расположливи ресурси додека не се изгасне и последниот пламен – рече премиерот Педро Санчез по состанокот на кризниот комитет во Мадрид..

Подрачјата погодени од пожарите сега се прогласени за зони на катастрофа, со што се активира ослободувањето на првичната помош.

Тој го повтори својот повик за натпартиски климатски пакт.

– Негирањето на климатските промени предизвикани од човекот беше „најлошото гориво“ во борбата против пожарите и климатската криза – предупреди Санчез.

Напорите за гаснење на пожарите во меѓувреме стануваат трка со времето, бидејќи националната метеоролошка служба АЕМЕТ го најави почетокот на четвртиот топлотен бран за ова лето за во среда, а кој се очекува да трае најмалку до недела.

Температурите до 42 степени Целзиусови и падот на влажноста би можеле значително да ги отежнат операциите.

Unprecedented wildfire in Spain Spain is currently facing the largest forest fire in its history.

Nearly 50,000 hectares have already been devastated in the province of Ávila.

The fires in Ávila, Madrid, and Toledo have now merged into a massive front, forcing authorities… pic.twitter.com/wHYuhJppZ3

— Liberty Pinnacle (@LibertyPinnacle) July 28, 2026

Шумските пожари најтешко ја погодуваат покраината Авила, западно од Мадрид, и соседните региони Мадрид и Толедо, каде што пламените јазици заедно досега уништија речиси 80.000 хектари шума и нискостеблеста вегетација. Сепак, ширењето на пожарите значително забави од викендот.

Околу 90.000 луѓе во областа околу шпанскиот главен град се погодени од евакуации или ограничувања на движењето.

Само во Авила, првичните официјални проценки ја проценуваат уништената површина на речиси 50.000 хектари, односно 500 квадратни километри. Ова го прави најголемиот пожар во модерната историја на Шпанија, откако почна да се води евиденција во 1968 година.

Пожарите продолжуваат и во покраината Кастељон во источна Шпанија. Во областа Вал д’Уишо, пламените јазици досега зафатија околу 8.500 хектари. Таму вкупно беа евакуирани околу 16.000 луѓе, но околу 6.000 успеаја да се вратат дома во понеделникот, бидејќи ситуацијата се смири.

Министерството за внатрешни работи во Мадрид најави ублажување на заштитните мерки. Според соопштението, на жителите од 13 градови ќе им биде дозволено да се вратат во своите домови. Исто така, беше наведено дека ограничувањата за движење се укинати за уште четири градови. Ова ќе им користи на вкупно околу 34.000 луѓе во Мадрид и во Авила.

Вкупно осум големи шумски пожари гореа ширум Шпанија во вторникот.

Во Португалија денеска беа активни 34 шумски пожари ширум земјата, а сите се значително помали од оние во соседна Шпанија. Со нив се борат околу 1.000 припадници на службите за итни случаи, соопштија властите.

France and Spain continue to battle massive wildfires that have already forced the evacuation of hundreds of thousands of people.
Firefighters and troops are still working to contain the blazes as a new heat wave threatens to worsen conditions in the coming days.…

— Braking News (@daft6464) July 28, 2026

Во Франција 23-годишен маж денеска е обвинет за серија намерно предизвикани пожари во департманот Вар, на југот на Франција, соопшти обвинителството во Драгињан. Пожарот кај Гро Бесијон, во департманот Вар, сè уште не е ставен под контрола.

Тој е обвинет за повеќе намерно предизвикани пожари во местата Брињол, Кабас и Ван-сир-Карами, соопшти заменичката обвинителка во Драгињан, Лоранс Барикан.

Осомничениот е уапсен „по опсежна истрага“ за дела сторени меѓу 19 и 24 јули. По апсењето бил задржан во полициски притвор, а потоа изведен пред истражен судија. Против него е покрената истрага за кривично дело уништување со пожар на шуми, шумски подрачја, пасишта или засади што му припаѓаат на друго лице, при што е нанесена неповратна штета на животната средина. Одреден му е притвор до судењето.

Заменичката обвинителка потсети дека станува збор за кривично дело за кое му се заканува казна затвор до 15 години и парична казна до 150.000 евра.

Барикан наведе дека во тек се и други истраги во врска со дополнителни пожари.

– Обвинителството се стреми брзо и одлучно да ја спроведе кривичната постапка – рече таа.

Министерот за внатрешни работи на Франција, Лоран Нуњез, на социјалните мрежи ја пофали „неуморната работа на истражителите од жандармеријата и полицијата за да се стави крај на ваквиот несфатлив и неприфатлив однос“.

The post 🎥 ПИРОМАН СО ДЕНОВИ ПАЛЕЛ ШУМИ ВО ЈУЖНА ФРАНЦИЈА Зони на катастрофа во Шпанија appeared first on plusinfo.mk.

Хутите се подготвени да го прошират обемот на судирот со Саудиска Арабија, рече членот на Политичкото биро на јеменските Хути, Дајфалах ал-Шами. Тој порача дека ќе ги продолжат операциите чија цел е, како што наведе, ставање крај на блокадата на Јемен.

Во интервју за телевизијата „Ал Мајадин“, Ал-Шами ја обвини Саудиска Арабија дека се обидува да ја избегне одговорноста за, како што рече, последиците од повеќегодишната блокада на Јемен.

Тој истакна дека Хутите покренале операции за „разбивање на блокадата“ и дека се подготвени да одат „до нивото што ќе биде потребно“ во тој судир.

Ал-Шами исто така ја обвини Саудиска Арабија дека настојува да наметне контрола над милиони граѓани на Јемен.

Тој го поздрави предлогот на Јордан за воспоставување летови кон Јемен и наведе дека властите во Сана ќе поддржат и други слични иницијативи.

Осврнувајќи се на ставот на Катар, Ал-Шами рече дека Доха требало да ја разбере реакцијата на Јемен, бидејќи и Доха, како што наведе, претходно беше изложена на блокада од страна на Саудиска Арабија.

Неговите изјави уследија откако јеменските вооружени сили изведоа напади врз цели во Саудиска Арабија како одговор на, како што тврдат, саудиските напади врз територијата на Јемен.

The post ХУТИТЕ ЌЕ ГИ ЕСКАЛИРААТ СУДИРИТЕ СО САУДИСКА АРАБИЈА Сакаат крај за блокадата на Јемен appeared first on plusinfo.mk.

Деветнаесет лица се водат како исчезнати во фабрика за хартија и во трговски центар, по силниот земјотрес со интензитет од 7,1 степени во префектурата Кумамото, Јапонија.

Официјално лице од Одделот за управување со катастрофи во префектурата Кумамото за Би-Би-Си изјави дека во фабриката во Јацуширо две лица биле пронајдени во состојба на срцев застој, а 9 лица се водат како исчезнати.

Четири лица се спасени од трговскиот центар „Aeon Mall“ и нивните животи не се во опасност. Како исчезнати во трговскиот центар се водат 10 лица.

Префектурата исто така ги проверува извештаите за истекување на гас, додава официјалното лице.

На социјалните мрежи се споделуваат видеа од силниот потрес во Јапонија и од моментот на голема експлозија во трговскиот центар.

WATCH: The moment an explosion occurred at Aeon Mall in Kumamoto, Japan, following a powerful earthquake. pic.twitter.com/mIA5x23sGc

— Breaking911 (@Breaking911) July 28, 2026

MASSIVE INFRASTRUCTURE COLLAPSE AFTER 7.1 EARTHQUAKE IN JAPAN

It reached a maximum seismic intensity of Shindo 7 (the highest level on Japan’s scale), triggering immediate tsunami alerts & widespread infrastructure shutdowns in Kumamoto Prefecture on the island of Kyushu,… pic.twitter.com/INgJqZ1nzm

— Lord Bebo (@MyLordBebo) July 28, 2026

Japan quake damage seen from the air

Kumamoto fire and police services are assessing damage from the magnitude 7.1 earthquake that struck southwestern Japan on July 28.

Visit our website for updates: https://t.co/bZpiKm94yl pic.twitter.com/9SP7bw7znq

— NHK WORLD News (@NHKWORLD_News) July 28, 2026

BREAKING:

A powerful M7.1 earthquake just hit near Kumamoto, Japan, and a tsunami advisory is now in effect.

The shaking reached the top of Japan’s intensity scale, meaning it was violent right at the epicenter.#japanearthquake #Japan#Earthquake pic.twitter.com/fxXxaOEPgD

— Ravinder Singh (@ravindraJourno) July 28, 2026

The post 🎥 ЕКСПЛОЗИЈА ПО ЗЕМЈОТРЕСОТ ВО ЈАПОНИЈА Исчезнати се 19 луѓе по потресот од 7,1 степени appeared first on plusinfo.mk.

Дење е разгледница од Медитеранот, ноќе станува сцена со музика, алкохол, повраќање, мокрење по улиците и илјадници млади туристи што бараат забава. Додека забавата продолжува по тесните улички до утро, само неколку метри над нив, жителите на Сплит се обидуваат да заспијат во своите станови, пишува хрватски Индекс во репортажа од популарното туристичко место.

„Ноќта ја поминавме во центарот на градот за да видиме дали Сплит навистина изгледа како што е запаметен во бројни вирални видеа во последните години и дали град кој живее од туризам може истовремено да биде една од најпознатите дестинации за забави на Медитеранот и пријатно место за живеење“, пренесе репортерката на Индекс.

Викенд е, помина полноќ, извести таа, а музиката и вревата стануваат сè погласни. Кафулињата и пабовите се полни со туристи кои се загреваат за ноќното излегување кое ќе трае до утрото. Тие нарачуваат пијалоци, прават здравици и се движат од место до место, додека во становите над нив жителите на Сплит се подготвуваат за уште една бессона ноќ.

„Причината зошто центарот не се празни дури ни по полноќ е скриена само на неколку минути пешачење. Во радиус од 300 метри има три ноќни клубови, па забавата од кафулињата продолжува непрекинато во клубовите, каде што трае до изгрејсонце“, извести репортерката.

Шетајќи низ Сплит, таа ја пренесе атмосферата меѓу туристите кои со шишиња во рацете се тетерават по улиците, лежат на калдрмата, се качуваат по фонтаните, повраќаат и уринираат наоколу.

Сите анкетирани туристи одговорија дека дошле во Сплит поради забавата и алкохолот. За дестинацијата слушнале на Тикток.

„Додека Хрватска инвестира милиони во промоција на туризмот, Сплит ја добива својата најсилна реклама бесплатно. Виралните видеа полни со алкохол, забави и ноќен живот привлекоа илјадници млади туристи од целиот свет во последниве години“, вели репортерката во својот прилог.

Таа извести и дека Сплит планира да ја забрани продажбата на алкохол после 21 часот, а на тоа анкетираните одговорија дека „тоа се глупости“ и дека „алкохолот е најважниот производ што го купуваат“.

Овој предлог на Градот Сплит е ставен на јавна консултација, а ќе се одлучи на седницата на Градскиот совет на 29 јули.

„О, ќе се снајдеме. Ќе купиме повеќе алкохол пред 21 часот. И онака нема да одиме во клубот бидејќи влезот е прескап, па ќе пиеме на улица“, вели еден млад турист.

Во три часот наутро, сцените на улиците се токму она што го најави младиот турист.

„Групи млади луѓе ги пијат последните голтки алкохол од шишиња што ги купиле претходно во продавниците. Отворени се само пекарите, па го задоволуваат својот глад со брза храна, а пијанството го лечат лежејќи во несвест на клупи, ѕидови и на патот, каде и да можат да најдат место. Од друга страна, има сè повеќе луѓе кои едвај стојат на нозе. Тие се тетерават по улиците, повраќаат на работ од тротоарот и бараат засолниште во темни агли за да се олеснат. Во пијана состојба, многумина дури и не забележуваат дека уринираат на влезовите на зградите, само неколку метри од становите каде што луѓето се обидуваат да спијат“, известува Индекс.

Со цел да се намали нередот во историскиот центар за време на туристичката сезона, Градот Сплит донесе одлука за јавен ред и мир, која предвидува казна од 300 евра за голем број неприфатливи однесувања на јавни места.

Казните се за пиење алкохол на забранети места, мокрење и вршење нужда, повраќање, оставање траги од валкана храна и пијалоци, како и качување по споменици и пливање во фонтани.

„Сепак, за време на нашата обиколка на центарот на градот, од полноќ до пет часот наутро, не наидовме на општински чувари, ниту пак видовме казни за туристи кои се однесувале несоодветно. Иако самите бевме сведоци на мокрење, повраќање и качување по споменици. Во текот на ноќта наидовме само на тројца обезбедувачи и неколку полицајци. Ги видовме полицајците во неколку наврати како разговараат со посетителите и смируваат одредени ситуации“, извести репортерката на Индекс.

Ноќта поминува во име на забавата, а утрото носи свои последици. Како што градот се буди, смрдеата од алкохол и нечистотија се шири низ тесните улици на стариот град. Трагите од ноќта остануваат на тротоарите – празни шишиња и туристи кои лежат на улицата, несвесни каде се, додека возило за чистење улици поминува покрај нив.

„По пет часот наутро, сонцето изгрева, а првите жители на Сплит излегуваат на улиците за да одат на работа. Наместо мирен почеток на денот, тие ги заобиколуваат трагите од ноќната забава и гостите што спијат во нивните врати пред нивните влезови. И така натаму, ноќ по ноќ, без разлика дали е среда или сабота. Сплит живее во ритамот на дестинација за забава, додека неговите жители сè повеќе се прашуваат колку долго градот може да го издржи тој ритам“, објави Индекс.

 

View this post on Instagram

 

A post shared by Index.hr (@index.hr)

The post 🎥 ПИЈАНИ МЛАДИ ТУРИСТИ УРИНИРААТ И ПОВРАЌААТ НИЗ СПЛИТ Градот ќе забрани продажба на алкохол после 21 часот, на сплиќани им е преку глава од масовниот туризам appeared first on plusinfo.mk.

Американскиот претседател Доналд Трамп и украинскиот претседател Володимир Зеленски денеска во Белата куќа во Вашингтон разговараале како да се зајакне противвоздушната одбрана на Украина од руските ракетни напади.

„Добра средба со претседателот Трамп во Овалната соба. Ви благодарам за сè што правиме заедно за да ги заштитиме животите на Украинците и да го унапредиме мирот. Прво и најважно, му упатив сочувство на претседателот Трамп за смртта на Линдзи Греам. Тој беше вистински пријател на Украина. Претседателот и јас разговаравме за лиценци за производство на пресретнувачи на ракети Патриот и неколку други идеи што би можеле да помогнат. Разговаравме и за дипломатијата – важно е дипломатскиот процес да се обнови. Нашите тимови ќе ги договорат деталите за нивната понатамошна комуникација. Благодарен сум на Соединетите Американски Држави за нивната цврста поддршка“, објави зеленски на Икс.

СоединетитеАмерикански  Држави делуваат како медијатор во војната што ја почна Русија во февруари 2022 година, но нивните напори за прекин на борбите паднаа во втор план, делумно и како резултат на конфликтот на Вашингтон со Иран.

Разговорот меѓу Трамп и Зеленски се одвиваше зад затворени врати и, според американските медиуми, траеше нешто повеќе од еден час.

Трамп и Зеленски се сретнаа неколку пати во изминатите недели: на самитот на НАТО во Анкара на почетокот на месецот и на самитот на Г7 во францускиот град Евијан во средината на јуни. На двата самити, САД поддржаа заеднички позиции за војната во Украина.

Во Анкара, Трамп истакна дека има добар однос со својот украински колега.

По средбата со Зеленски, Трамп денеска го прими израелскиот премиер Бенјамин Нетанјаху во Белата куќа. Подоцна се очекува сите тројца лидери да присуствуваат на комеморацијата за покојниот американски сенатор Линдзи Греам, кој се сметаше за еден од клучните поддржувачи и на Украина и на Израел во американскиот Конгрес.

The post ЗЕЛЕНСКИ И ТРАМП РАЗГОВАРАЛЕ ЗА ЛИЦЕНЦИ ЗА РАКЕТИТЕ ПАТРИОТ Можна обнова на дипломатските напори за мир во Украина appeared first on plusinfo.mk.

Ирак од април досега извезе 2,1 милиони тони нафта по копнен пат преку Сирија, а оттаму преку Медитеранот кон Европа, поради блокадата на морскиот пат преку Ормускиот Теснец.

Ахмед Кубаџи, заменик-претседател на сириската државна нафтена компанија, ги откри овие детали во интервју објавено денеска.

Тој рече дека бројот на цистерни се зголемил од првичните 10 на 1.000 дневно, а извозот се состои од тешко гориво (мазут).

Поради повремената блокада на морската рута, земјите со излез на Персискиот Залив со месеци се обидуваат да најдат алтернативни начини за пласман на нафтата и нафтените деривати на светскиот пазар. Неколку стари и нови нафтоводи од регионот кон Црвеното Море и Медитеранот се или во функција или во фаза на планирање.

Ирак е силно зависен од трговијата со нафта. Во нормални околности, извозот чини повеќе од 90 проценти од државните приходи. Заедно со Турција, низ која минуваат нафтоводите, Сирија стана важен транзитен центар.

Копнената рута од Ирак преку соседна Сирија е поскапа и логистички покомплицирана од морската – а воедно и опасна поради можни напади и заседа врз возачите.

– Сирија е клучен транзитен коридор за испорака на енергенси од заливските земји и Ирак кон меѓународните пазари. Не сакаме да ја оспориме улогата на никого. Напротив, се обидуваме да ја вратиме природната улога на Сирија – рече Кубаџи.

Во Сирија 13 години беснееше граѓанска војна, која заврши со соборувањето на долгогодишниот владетел Башар ал-Асад во декември 2024 година.

The post ИРАК ПРЕКУ СИРИЈА ЈА СНАБДУВА ЕВРОПА СО МАЗУТ И СО НАФТА Поради блокадата на Ормус во игра се копнените патишта appeared first on plusinfo.mk.

Германскиот канцелар Фридрих Мерц ги повика институциите на ЕУ нејзиниот буџет за претстојните години да биде помал за неколку стотици милијарди евра во споредба со предлогот на Европската комисија.

Тој на средбата со ирскиот премиер Михол Мартин во Даблин истакна дека мора да се направат кратења во сите области.

– Овие кратења се од суштинско значење, без оглед на тоа колку ќе напредуваме со новите сопствени ресурси – рече Мерц.

Буџетот на ЕУ е едно од политички најчувствителните прашања во Брисел. Тој се утврдува за период од 7 години, а во моментов се водат преговори за буџетот за периодот од 2028 до 2034 година.

Овој обемен фонд првенствено се финансира со удел од бруто-националниот доход на земјите членки. Како најголема економија во ЕУ, Германија плаќа убедливо најголем придонес.

Европската комисија предлага околу 1,76 трилион евра (1.760 милијарди евра) – приспособени за инфлацијата по цени од 2025 година – да се искористат за разни проекти на ЕУ, вклучувајќи набавка за одбраната, земјоделската политика, струтурното финансирање и програмата за размена „Еразмус“.

Мерц одлучно го одби предлогот на Комисијата и компромисниот предлог што моментално е на маса, а кој предвидува само минимални кратења.

– Вака широко и големо проширување на европскиот буџет за нас е неприфатливо. Бројките не се балансирани – изјави тој.

Ирска во јули го презеде ротирачкото претседателство со ЕУ и затоа е одговорна за дводење на преговорите за буџетот. Се очекува Ирска да претстави нов компромисен предлог во октомври.

– Верувам дека ти, драг Михол, ќе излезеш со реалистичен предлог – рече Мерц, обраќајќи му се на ирскиот премиер.

The post МЕРЦ ПОБАРА ДА СЕ СКРАТАТ СТОТИЦИ МИЛИЈАРДИ ЕВРА ОД ИДНИОТ БУЏЕТ НА ЕУ Не го прифаќа предлог-буџетот од 1,76 трилион евра appeared first on plusinfo.mk.

Словенецот Мирослав Пачник, кој во декември минатата година ја отсекол главата од бронзениот споменик на Јосип Броз Тито во Велење, Словенија, а потоа ја возел во багажникот на автомобил, е обвинет пред Окружниот суд во Целје. Тој се соочува со казна затвор до 5 години, како и парична казна од најмалку 11.254 евра.

Окружното државно обвинителство во Целје го товари за кривично дело Оштетување или уништување предмети од посебно културно значење или природни вредности, согласно член 219 од Кривичниот законик на Словенија.

Покрај затворската казна, Обвинителството бара и парична казна за предизвиканата штета.

Пачник објави на Фејсбук дека го примил обвинението, велејќи дека целата постапка е иронична. Во таа прилика, тој ги повтори своите претходни ставови за Јосип Броз Тито, тврдејќи дека поранешниот југословенски претседател ја задушувал словенечката култура и дека е одговорен за смртта на бројни словенечки културни работници.

Кратко по вандализмот во декември, полицијата го идентификуваше и го пронајде Пачник благодарение на дојава од граѓанин кој видел што се случило. За време на претресот на неговиот автомобил, отсечената глава на споменикот била пронајдена во багажникот.

На почетокот на оваа година, Градот Велење, исто така, поднесе кривична пријава против Пачник и, како дел од постапката, побара отштета од нешто повеќе од 11.200 евра за направената штета на споменикот, висок 6 метри.

The post ЈА ОТСЕКОЛ ГЛАВАТА НА СПОМЕНИК НА ТИТО Словенецот се соочува со 5 години затвор appeared first on plusinfo.mk.