БРАЈАН ЈА УБИЛ АНА ВОЛШ ЗА ПАРИ И СЕ ОСЛОБОДИЛ ОД НЕЈЗИНИОТ ТРУП?! Многу докази за мотивите, но нема директни за злосторството
На 29 декември лани, нејзиниот сопруг Брајан го продал станот на Ана во предградието во Бостон за 220.000 долари, а таа потоа исчезнала во новогодишната ноќ од семејната куќа во Кохасет, каде што живеела со сопругот и трите сина.
Американските новинари дојдоа до полицискиот извештај, според кој исчезнатата Ана Волш го пријавила сопругот Брајан Волш дека ѝ се заканувал дека ќе ја убие.
Брајан Волш е во притвор од неделата, а мистеријата за исчезнатата Белграѓанка трае веќе 12 дена. Ана Волш, како што откриваат американските медиуми, рекла дека Брајан ѝ се заканувал по телефон дека ќе ги убие неа и нејзините пријатели.
Бостонските иследници пронајдоа и информации кои фрлаат сосема ново светло на мистериозното исчезнување на Србинката Волш (39) во Кохасет, Масачусетс.
Утврдено е дека на 29 декември лани, нејзиниот сопруг Брајан (47) го продал станот на Ана во предградието во Бостон за 220.000 долари, а таа потоа исчезнала во новогодишната ноќ од семејната куќа во Кохасет, каде што живеела со сопругот и трите сина.
Според американските медиуми, Ана во јануари 2020 година купила стан од 62 квадратни метри во Ревир, предградие на Бостон, за 137.000 долари, а потоа го огласила на продажба во ноември минатата година.
Сето тоа укажува дека Брајан веројатно ја убил за пари и се ослободил од нејзиниот труп, шпекулираат медиумите.
На социјалната мрежа се појави и фотографија од Ана Волш со маж, за кој на Твитер вели дека е нејзиниот прв сопруг Марк Книп. Според Твитер, фотографијата првпат била објавена во октомври 2012 година. Ана е прегрната од сопругот. Двајцата се во ресторан, а момчето е облечено во костим на готвач. Презимето на исчезнатата Белграѓанка беше Љубичиќ Книп во првиот брак. Ана немала деца со првиот сопруг, а од него се развела во 2014. Една година по разводот се омажила за Брајан Волш.
За потсетување, Ана Волш исчезна на 1 јануари, а нејзиното исчезнување беше пријавено на 4 јануари. Според извештаите на нејзиниот сопруг Брајан, таа морала да замине за Вашингтон на деловен план.
Брајан беше под обвинение за попречување на истрагата за исчезнувањето на неговата сопруга. Исто така, тој беше во домашен притвор поради претходно сторено кривично дело продажба на лажни уметнички дела.