БОРБАТА ЗА ХОЛИВУДСКИОТ ГИГАНТ ДОБИ ДРАМАТИЧЕН ПРЕСВРТ Нетфликс се повлече во последен момент
Нетфликс се откажа од понатамошно наддавање откако понудата од 108,4 милијарди долари на Парамаунт беше оценета како надмоќна. Гласањето на акционерите е закажано за 20 март, а исходот може да ја редефинира американската забавна индустрија.
Борбата за холивудскиот гигант доби драматичен пресврт. Нетфликс соопшти дека нема да ја зголеми понудата за Ворнер Брос Дискавери, откако подобрената понуда на Парамаунт Глобал беше оценета како „надмоќна“.
Стрим-платформата порача дека ревидираната понуда ја прави трансакцијата „повеќе непривлечна од финансиско гледиште“. Иако управата на „Ворнер“ претходно ја опиша понудата на „Парамаунт“ како највисоко прифатлива, препораката за договорот со „Нетфликс“ формално останува во сила до гласањето на акционерите на 20 март.
„Нетфликс“ понуди околу 83 милијарди долари за филмските студија и стрим-операциите на „Ворнер“. Извршните директори Тед Сарандос и Грег Питерс оценија дека договорот ќе донесе вредност и регулаторна извесност.
„Сепак, секогаш сме биле дисциплинирани и по цената што е потребна за да се изедначи со најновата понуда на ‘Парамаунт скајденс’, договорот веќе не е финансиски привлечен… оваа трансакција отсекогаш била ‘убаво да се има’ по вистинската цена, а не ‘задолжителна’ по која било цена“, истакнаа тие.
Неколку дена по обврзувачкиот договор меѓу „Нетфликс“ и „Ворнер“ во декември, „Парамаунт“ директно им се обрати на акционерите со понуда од 108,4 милијарди долари за целата група, вклучувајќи ги и телевизиските мрежи како Си-Ен-Ен.
Разликата е огромна. Исходот може да го редефинира односот на силите во американската забавна индустрија.