БАЛКАНЦИТЕ ЈА ИЗБРАА РОЗОВАТА БАРБИКА ПРЕД ОПЕНХАЈМЕР Дали мажите во розовиот филм се прикажани на лош начин?

„Јас сум Барби, уништувач на светови“, гласи една шега на интернет по повод ривалството меѓу филмовите „Барби“ и „Опенхајмер“ кои изглегоа на ист ден во Холивуд. А Балканот, па и поголемиот дел од Европа, според податоците на Гугл-аналитикс кликнале повеќе пати за „Барби“ отколку за филмот за озлогласениот американски физичар кој го сметаат за „таткото на атомската бомба“.

Сепак, анализата е за денот 24 јули, што значи статистиката се менува. Но, што ги тера луѓето повеќе да се интересираат за розовиот и фантастичен свет на куклата „Барби“? Додека филмот за Роберт Опенхајмер веќе ги подгреа контроверзите бидејќи содржи многу секс-сцени, филмот за „Барби“ повлече едно друго прашање: дали розовиот Кен, партнерот на Барби е премногу немажествено прикажан? Критиките на фановите беа насочени токму кон ова нешто. Дејли Мејл во врска со ова напиша:

„Барби е длабоко антимашки филм, продолжување на сиот тој феминизам на ТикТок кој ја прикажува секоја форма на мажественост, освен најанодината, како токсична и предаторска. […] Секој машки лик е или идиот, фанатик или тажен, прилично патетичен губитник“.

Во светот на Барби сѐ е совршено додека еден ден сè не тргне наопаку. Збунетата Барби ѝ се обраќа на Чудната Барбика за помош и таа објаснува дека сите кукли се психички и физички поврзани со нивните сопственици.

Така Барби оди во Лос Анџелес со Кен, каде што и двајцата ги учат радостите и ужасите на патријархатот. Тој се вљубува во машката култура и планира да ја запознае со другите Кенoвци, додека Барби слуша објективизирачки комплименти и се среќава со целосно машкиот менаџерски тим на Мател.

Во критиките на странските магазини се вели дека и во претераниот и намерно пренагласен свет на Барби, речиси секој маж е потенцијален насилник и узурпатор и затоа единствениот среќен пат за куклата која ги сфатила ужасите на патријархатот е да промовира феминистички идеи.