ЗОШТО БАЈДЕН ЌЕ ЈА ПОСЕТИ АМАЗОНСКАТА ПРАШУМА? Патувањето треба да му испрати порака на неговиот ривал
Бајден стравува дека ќе се остварат најавите на Трамп дека ќе ги повлече САД од Парискиот договор за климата од 2015 година. Ова може да има последици врз Амазонската прашума.
Претседателот на САД, Џо Бајден најави историска посета на амазонската прашума, како дел од турнејата низ Јужна Америка. Ова е прва посета на американски претседател од ваков тип. Посетата на Бајден треба да му испрати порака на новоизбраниот американски претседател Доналд Трамп во врска со климатските промени, пишува Ројтерс.
– Претседателот Бајден ќе ја посети дождовната шума, ќе разговара со локалните лидери, кои работат на зачувување и заштита на овој клучен екосистем – изјави советникот за национална безбедност на Белата куќа, Џејк Саливан.
Бајден стравува дека Трамп драматично ќе ја смени политиката на САД во однос на климатските промени. Според Трамп климатските промени се измама. Тој најави дека ќе ја повлече државата од Парискиот договор за климата од 2015 година.
Иако Трамп доби честитки од актуелниот бразилски претседател Лула Да Силва, се смета дека политиките на Трамп ќе бидат поблиски до оние поранешниот десничарски претседател на Бразил, Жаир Болсонаро.
Болсонаро беше наречен „Трамп на тропските предели“ и ја укина заштитата на животната средина за време на неговиот мандат 2019-2022 година.