Во рамки на програма за терапија со животни која привлече внимание во Франција и пошироко, магариња им помагаат на пациенти со ментални проблеми во психијатриска болница недалеку од Париз. Лекувањето се одвива во Вил-Еврар, кој се смета за единствена институција со ваков метод во Франција.

Основен дел од терапијата е пациентите да се грижат за животните, водејќи ги на прошетка. Дел од учесниците ја завршија сесијата со прегратка на животните. Терапевтите ваквата постапка ја опишале како смирувачка и поттикнувачка за емоционална поврзаност.

Според водичите на програмата потребни се дополнителни научни истражувања за ефектите од терапиите со животни, кои веќе се применуваат во различни форми низ светот. Тие нагласуваат дека би сакале психијатриската и медицинската заедница формално да го признае овој пристап како комплементарен облик на нега, додавајќи ги сопствените искуства со пациентите и здравствените работници.

– Животните имаат позитивно влијание врз пациентите, особено во подобрување на емоционалната состојба, комуникација и социјалната интеракција. Пациентите учествуваат во сесиите бесплатно. Терапијата е дел од нивното лекување. Ваквиот начин на закрепнување е финансиран од францускиот јавен здравствен систем – објаснува персоналот од психијатриската болница.

The post 🎥 МАГАРИЊАТА СЕ ПОКАЖАА КАКО ОДЛИЧНИ ПСИХИЈАТРИ!? Помагаат во лекувањето душевни болести appeared first on plusinfo.mk.

оИсчезна зад Марс и никогаш повеќе не се јави. По 6 месеци без каков било сигнал, НАСА потврди дека леталото Мавен повеќе не може да се врати во функција, со што заврши една од најважните мисии за проучување на Црвената планета.

Мисијата траеше повеќе од 13 години.

Леталото беше лансирано во 2013 година со задача да ја проучува атмосферата на Марс од орбита. Контактот бил изгубен на почетокот на декември кога Мавен се нашол зад планетата.

Се заврте, батериите се испразнија

Податоците покажале дека леталото влегло во состојба на брзо ротирање. Тоа ја нарушило неговата орбита и довело до целосно празнење на батериите.

Истражната комисија на НАСА заклучила дека леталото повеќе не е оперативно и дека не постои можност повторно да биде ставено во функција. Истрагата за причините за дефектот сè уште продолжува.

Марс, комета, ровери

Мавен не ја проучуваше само атмосферата и временските услови на Марс. Минатата година леталото набљудуваше и залутана меѓуѕвездена комета.

Имаше и важна улога во пренесувањето податоци од роверите „Кјуриосити“ и „Персеверанс“, кои и натаму ја истражуваат површината на Марс.

Науката продолжува, мисијата заврши

Главната истражувачка на мисијата од Универзитетот Колорадо во Болдер Шенон Кари изјави дека Мавен помогнал научниците подобро да ја разберат атмосферата на Марс и начинот на кој таа се менувала низ времето.

– Мавен навистина го унапреди нашето разбирање на атмосферата на Марс и на неговата еволуција – изјави Кари.

Според експертите, станува збор за една од најуспешните мисии на НАСА посветени на Марс. Податоците што ги собра леталото ќе продолжат да се користат во идните научни истражувања.

The post 📽️ МОЛК ОД ЦРВЕНАТА ПЛАНЕТА Се одјави леталото што 13 години го набљудуваше Марс appeared first on plusinfo.mk.

Поправките на лансирната рампа во вселенскиот комплекс Кејп Канаверал што беше оштетена минатата седмица при експлозија на ракетата „Њу Глен“ ќе потраат, а не е исклучено работите да се пролонгираат и до 2028 година, изјави директорот на НАСА, Џеред Исакман.

Моќната двостепена ракета „Њу Глен“ експлодираше при статички тест на погонските мотори на лансирната рампа.

Според извори од индустријата, лансирната рампа во експлозијата била речиси целосно уништена, а првичните проценки предвидуваа најмалку шест месеци за поправка.

Ракетната проба е дел од проектот на приватната вселенска компанија „Блу Ориџин“ на милијардерот Џеф Безос, како обид да се конкурира на програмата „Спејс Икс“ на Елон Маск во областа на комерцијални лансирања во орбитата.

Во несреќата нема повредени лица, а ниту еден од планираните сателити не бил поставен на ракетата-носач во моментот на инцидентот. Ракетата „Њу Глен“ треба да има клучна улога во идните мисии во рамки на програмата „Артемис“.

Експлозијата на ракетата се случи еден ден откако администраторот на американската вселенска агенција НАСА, Џаред Исакман, ја пофали компанијата „Блу ориџин“ за нејзината значајна улога во програмата „Артемис“, која има за цел да ги врати американските астронаути на површината на Месечината во 2028 година.

Исакман, исто така, во средата изјави дека НАСА ѝ доделила на компанијата договор од 188 милиони долари за помош во изградбата на база на Месечината.

По експлозијата на ракетата, Исакман изјави за Икс дека НАСА е свесна за инцидентот и дека ќе објави информации за можното влијание врз програмите за Артемис и базите на Месечината штом ќе станат достапни.

The post 🎥 ЕКСПЛОЗИЈАТА НА РАКЕТАТА НА БЕЗОС ГО УНИШТИ КОСМОДРОМОТ НА ФЛОРИДА Поправките на Кејп Канаверал ќе траат најмалку 6 месеци appeared first on plusinfo.mk.

Пред Земјата да стане Земја, а Марс да добие своја орбита, зад планетата Јупитер можеби работела огромна космичка фабрика. Не произведувала автомобили или машини. Произведувала планети.

Токму до таков заклучок дошол тим научници од Институтот Макс Планк за истражување на Сончевиот систем во Германија. Во студија објавена во списанието The Astrophysical Journal, тие опишуваат регион зад орбитата на Јупитер кој можеби бил едно од главните „родни места“ на планетите во нашиот Сончев систем.

Сè почнало со облак од прашина

Научниците веруваат дека Сончевиот систем настанал пред околу 4,5 милијарди години од огромен облак од гас и прашина.

Дел од материјалот се собрал во центарот и го формирал Сонцето. Остатокот останал да кружи околу него.

Со текот на времето, ситните честички почнале да се судираат, да се лепат една со друга и да создаваат сè поголеми тела. Тие објекти се познати како планетезимали и претставуваат градежни блокови на идните планети.

Јупитер можеби ја одиграл клучната улога

Според истражувачите, Јупитер веќе бил формиран кога Сончевиот систем бил стар само неколку милиони години.

Неговата огромна гравитација создала нешто што научниците го нарекуваат „стапица за прашина“. Зад орбитата на гасниот џин се формирал прстен со повисок притисок каде се собирале огромни количества материјал.

Таму прашината не се расфрлала низ вселената. Наместо тоа, останувала заробена и продолжувала да создава нови генерации планетезимали.

– Постојат силни докази дека стапиците за прашина биле привилегирано место за раѓање на планетезимали во нашиот Сончев систем – изјавила Јоана Дражковска од Институтот Макс Планк.

„Бебиња планети“

Со помош на компјутерски симулации, научниците ја реконструирале раната историја на Сончевиот систем.

Откриле дека во истиот регион се создавале различни видови планетезимали, но во различни периоди.

Едната група била составена од покршлив материјал. Другата содржела многу поцврсти и постабилни честички.

– Јасно е дека различни видови планетезимали се формирале во истиот регион на раниот диск од прашина и гас, само во различно време – вели Дражковска.

Приказна за потеклото на Земјата

Наодите не зборуваат само за Јупитер.

Тие можат да помогнат да се објасни како настанале Земјата, Марс и другите планети во Сончевиот систем.

Колку повеќе научниците ја разбираат улогата на овие древни „стапици за прашина“, толку подобро можат да ја реконструираат приказната за настанувањето на светот во кој живееме денес.

Можно е токму зад Јупитер, во еден невидлив космички прстен од прашина и гас, да започнала приказната за планетите што милијарди години подоцна ќе станат наш дом.

The post ЗАД ЈУПИТЕР ОТКРИЛЕ „ПОРОДИЛИШТЕ“ ЗА ПЛАНЕТИ Научниците следат приказна стара 4,5 милијарди години appeared first on plusinfo.mk.

Компјутерите наскоро би можеле да добијат улога многу поголема од денешната. Nvidia го претстави новиот чип RTX Spark и најави нова генерација персонални компјутери што ќе работат со напредни АИ агенти и локални модели за вештачка интелигенција.

– Оваа реинвенција на компјутерот е исто толку голема работа како и реинвенцијата на телефонот во она што сега го знаеме како паметен телефон – изјави извршниот директор на Nvidia, Јенсен Хуанг, на отворањето на саемот Computex во Тајпеј.

Од алатка до соиграч

Според Nvidia, RTX Spark е создаден за новата ера на лични АИ агенти. Компанијата тврди дека компјутерите повеќе нема да бидат само алатки за работа, туку ќе станат активни дигитални соиграчи.

Новиот чип ќе биде вграден во компјутери произведени од Lenovo, HP, Dell, Microsoft Surface, Asus и MSI. Првите модели треба да се појават на пазарот наесен, а подоцна ќе следат и уреди од Acer и Gigabyte.

Суперкомпјутер на работната маса

Според техничките информации објавени по презентацијата, RTX Spark се темели на истиот GB10 чип што Nvidia го користи во својот DGX Spark, уред што компанијата го претставува како личен АИ суперкомпјутер.

Водечкиот модел располага со 20 процесорски јадра, 6.144 графички јадра и 128 гигабајти LPDDR5X меморија. Наместо еден производ, Nvidia сега најавува цело семејство чипови базирани на истата архитектура.

Предизвик за Apple и за Intel

Со новата стратегија Nvidia директно навлегува на терен каде со години доминираат Apple и Intel. Компанијата се обидува да го искористи бумот на вештачката интелигенција и во сегментот на персоналните компјутери.

Пазарот останува огромен. Lenovo, HP, Dell и Apple заедно контролираа речиси три четвртини од светскиот пазар на персонални компјутери во првите три месеци од годинава.

Бумот на центрите за податоци и АИ системите веќе ја претвори Nvidia во една од највредните компании во светот. Нејзината пазарна вредност надмина пет трилиони долари.

Вашингтон ја стега контролата

Објавата на RTX Spark доаѓа во момент кога САД дополнително ги заоструваат правилата за извоз на најнапредните АИ чипови. Американските власти се обидуваат да го ограничат пристапот на кинеските компании до технологија што се смета за стратешка.

Новите правила појаснуваат дека лиценца ќе биде потребна и за испорака на најмоќните ВИ чипови до подружници на кинески компании што работат надвор од Кина. Вашингтон сака да спречи заобиколување на постојните ограничувања преку компании регистрирани во трети земји.

The post НОВИОТ ЧИП „СО МОЗОК“ НА NVIDIA ЌЕ НАПРАВИ АИ РЕВОЛУЦИЈА „Ова е како појавата на паметниот телефон“ appeared first on plusinfo.mk.

Дознајте што предвидува вашиот неделен хороскоп, што ве очекува во следните седум дена на работа, во љубовта, во вашиот дом и семејство, дали ќе се сложувате со вашето семејство и пријатели, како ќе ви служи вашето здравје.

Овен (21.3 – 20.4)

Работа: Полната Месечина во деветтата куќа на 1 јуни ви носи успех во високото образование, решавање на правни проблеми и патувања во странство. Ако планирате кратко патување, потпишување договор, полагање испит или купување возило, направете го тоа на 2 јуни. Влегувањето на Месечината во 11-та куќа на 4 јуни носи успешни социјални или политички ангажмани за некои, а пензионирање за други.

Љубов: Меркур, планетата на комуникацијата, влегува во вашата куќа на приватноста на 1 јуни, носејќи недоразбирања и расправии со вашиот партнер. Тригон со Северниот Јазол на Месечината на 3 јуни малку го подобрува вашиот однос со помладите членови на семејството. Напнатиот аспект со Нептун во вашиот знак на 4 јуни ги поттикнува вашите нереални сомнежи за вашиот партнер.

Здравје: Променете ја вашата исхрана.

Бик (21.4 – 21.5)

Работа: Полната Месечина во Куќата на парите на 1 јуни носи добивки преку поделба на имотот, алиментација или стипендија, но внимавајте да не бидете измамени на 4 јуни. Меркур во Куќата на бизнисот од 1 јуни носи профитабилен договор (3 јуни), добивки преку недвижен имот (2 јуни), кратки патувања, полагање странски јазик или возачки испит. Проблеми и конфликти со претпоставени (особено со жени) на 4 јуни.

Љубов: Влегувањето на Месечината, симбол на емоции, која ги регулира вашите комуникации, во деветтата куќа на 2 јуни, укажува на запознавање со харизматична личност во странство, на долго патување, семинар или предавање. Во втората половина од периодот, зафатена личност може да покаже интерес за вас. Слушнете ги советите на Ракот.

Здравје: Опасност во сообраќајот.

Близнаци (22.5 – 21.6)

Работа: Вашиот владетел Меркур влегува во куќата на работата и парите на 1 јуни, каде што веќе се наоѓа Јупитер, носејќи ви профит преку трговија со храна, хортикултура, профитабилен договор или соработка со влијателни луѓе. Квадратот со Нептун во куќата на тајните, на 4 јуни, ве предупредува да внимавате на финансиски измами и лажни пријатели. Добивки преку поделба на имотот на 2 јуни и решавање на финансиски проблеми на 3 јуни.

Љубов: За време на полната месечина во куќата на партнерствата, на 1 јуни, можете да очекувате расправии и расправии со сакана личност, дури и развод или раскинување. Можеби ќе се најдете и себеси како донесувате важна емотивна одлука што ќе означи голема пресвртница во вашиот живот. Слободните Близнаци можат да се сретнат со Лав.

Здравје: Несоница.

Рак (22.6 – 22.7)

Работа: За време на полната месечина во куќата на работата, на 1 јуни, можете да очекувате добивки преку соработка со странци. Меркур во вашиот знак од 1 јуни носи можности за напредување во кариерата (особено на 2 јуни), профитабилен договор и решавање на важни животни проблеми. Околу 4 јуни, внимавајте со што и со кого разговарате. Успех во високото образование, решавање на правни проблеми или патување во странство на 3 јуни.

Љубов: Влегувањето на Меркур во вашата куќа на личноста на 1 јуни ви носи прилив на енергија, шарм и елоквенција, па нема да можете да останете незабележани. Со влегувањето на вашиот владетел Месечината, симбол на емоциите, во куќата на партнерствата на 2 јуни, некои Ракови ќе прекинат емотивна врска или ќе завршат врска што не им одговара долго време.

Здравје: Потребата за осаменост, по 1 јуни.

Лав (23.7 22.8)

Работа: На почетокот на периодот, донесувате важни деловни одлуки. Успех преку високо образование, решавање на правни проблеми, недвижен имот или пензионирање на 2 јуни. Тригонот помеѓу Меркур во 12-та куќа и Северниот јазол на Месечината во куќата на парите носи добивки преку наследство, алиментација или стипендии. Избегнувајте патувања и потпишување важни договори и документи на 4 јуни.

Љубов: За време на полната месечина во куќата на љубовта на 1 јуни, слободните Лавови можат да очекуваат романтична средба на пат или на предавање, која по 4 јуни, кога Месечината ќе влезе во куќата на партнерствата, може да се развие во судбоносна, страсна љубовна врска. Зафатените Лавови можат да очекуваат оживување на емотивна врска или брак.

Здравје: Потреба за интроспекција.

Девица (23.8 – 22,9)

Работа: Со вашиот владетел Меркур, кој исто така управува со вашата кариера, во куќата на целите и парите од 1 јуни, го решавате вашето пензионирање, правна документација, дипломирате на факултет или се вклучувате во политика. Квадратот со Нептун во куќата на парите, на 4 јуни, носи финансиски и договорни проблеми. Со Месечината во куќата на работата, каде што има и ретро-Плутон, ги завршувате нерешените обврски и работни задачи.

Љубов: За време на полната месечина во куќата на приватниот живот, на 1 јуни, ве очекуваат конфликти, расправии и расправии со членовите на семејството. Месечината во куќата на љубовта, на 2 јуни, носи ново познанство, а тригонот на Меркур и Северниот јазол на Месечината, на 3 јуни, важна љубовна средба. Вашиот сопружник очекува ваша поддршка на 2 јуни.

Здравје: Ви треба одмор.

Вага (23.9 – 22.10)

Работа: Полната Месечина на 1 јуни носи успех преку договори, кратки патувања, а Меркур во куќата на кариерата од 1 јуни носи стагнација во кариерата и конфликти со претпоставените. Почетокот на периодот е добар за решавање на поделбата на имотот, недвижнините, стипендиите, алиментацијата. На 2 и 3 јуни, успех во странство, високо образование и правни прашања, а на 4 јуни во приватниот бизнис или јавната активност.

Љубов: Месечината во куќата на приватноста, на 2 јуни, носи проблеми во семејството. Секстилот на Сатурн во куќата на бракот и Сонцето носи сериозна врска и можност за брак за слободните лица. Квадратот на Нептун во куќата на партнерството и Меркур, на 4 јуни, охрабрува расправии со сакана личност. Поголеми шанси за бременост за Вагите кои планираат потомство на 4 јуни.

Здравје: Подложност на инфекции.

Шкорпија (23.10 – 22.11)

Работа: Полната Месечина во куќата на парите на 1 јуни носи финансиски проблеми, а Меркур во деветтата куќа од 1 јуни носи успех на испити, решавање на важни правни и финансиски прашања, патувања во странство. Профитабилен деловен договор и успех во трговијата на 2 јуни. Квадратот помеѓу Нептун во куќата на работата и Меркур во куќата на контактите со странци, на 4 јуни, предупредува на можни проблеми на патот.

Љубов: Можете да очекувате повеќе излегувања и дружење на почетокот на периодот. Секстилот помеѓу Меркур, планетата на комуникацијата, и Хирон во куќата на партнерските односи, на 2 јуни, го подобрува вашиот однос со вашата сакана личност. Влегувањето на Месечината во куќата на приватниот живот, на 4 јуни, предупредува на проблеми, кавги, недоразбирања во семејните односи.

Здравје: Побарајте второ стручно мислење. Задржување на вода во телото

Стрелец (23.11 – 21.12)

Работа: Со влегувањето на Меркур во куќата на парите, каде што веќе се наоѓа вашиот владетел Јупитер, на 1 јуни, решавате прашања за наследство, поделба на брачен имот или инвестирање на пари, што на 3 јуни може да ви донесе наследство, адаптација или купување недвижен имот. Иако на 4 јуни можете да очекувате можност за потпишување профитабилен договор, бидете повнимателни за да не ве излаже, лаже или измами некој.

Љубов: Полната Месечина во вашата куќа на личноста, на 31 мај, носи расправии со вашиот партнер, но аспектот на Сонцето во куќата на партнерствата и Уран во куќата на љубовта, на 2 јуни, ја подобрува вашата врска. Квадратот помеѓу вашиот владетел Нептун во куќата на љубовта и Меркур, на 4 јуни, предупредува на опасност од заблуди и разочарување кај саканата личност.

Здравје: Ви треба одмор.

Јарец (22.12 – 20.1)

Работа: Сонцето во куќата на работата и здравјето, на 2 јуни, прави секстил со вашиот владетел Сатурн во куќата на приватниот живот, носејќи ви успех во бизнисот со недвижности. Тригонот на Меркур и Северниот Јазол на Месечината, на 3 јуни, ви носи профитабилен договор за работа, кратко патување или успех на испит. Месечината влегува во куќата на работата и парите, на 4 јуни, што ќе има поволно влијание врз вашата финансиска состојба.

Љубов: Меркур, планетата на комуникацијата, од 1 јуни во куќата на партнерствата носи конфликт со сакана личност, кој ќе се продлабочи со Месечината во Јарец на 2 јуни. Слободните можат да влезат во прекрасна врска на почетокот на јуни. Квадратот на Меркур и Нептун во куќите на партнерствата и приватноста, на 4 јуни, носи разочарување во семејството и партнерот.

Здравје: Несоница или кардиоваскуларни проблеми.

Водолија (21.1 – 19.2)

Работа: Меркур влегува во куќата на работата на 1 јуни, фокусирајќи ве на работните обврски. Со Месечината во куќата на потсвеста на 2 јуни, послушајте ја вашата интуиција кога е можно да потпишете профитабилен договор, да купите превозно средство или да направите пократко патување. 3 јуни ви носи поголема заработка, а 4 јуни успех во приватниот бизнис или јавната активност. Погрижете се повеќе за вашата финансиска документација.

Љубов: Секстил помеѓу Сонцето, владетел на партнерствата, во куќата на љубовта и вашиот владетел Сатурн во куќата на комуникациите на 2 јуни носи нова, прекрасна врска за слободните. Месечината, симбол на емоциите, во вашиот знак на 4 јуни, носи поголема шанса за бременост за оние кои планираат потомство или проширување на своето семејство.

Здравје: Намален интензитет на хронични заболувања.

Риби (20.2 – 20.3)

Работа: За време на полната месечина во куќата на кариерата, на 1 јуни, ќе има забавување во работата, но веќе на 1 јуни, влегувањето на Меркур во куќата на креативноста носи успех во приватниот бизнис или јавната активност, како и профитабилен деловен договор. Финансиски успех на 2 јуни. Квадратот помеѓу Меркур во куќата на ризикот и вашиот владетел Нептун во куќата на парите на 4 јуни предупредува на претпазливост со финансиите и инвестициите.

Љубов: Меркур, владетел на вашите партнерски односи и приватен живот, по една година, на 1 јуни, влегува во куќата на љубовта и прави секстил со астероидот Хирон, носејќи им на слободните Девици нова љубовна врска и поголема шанса за бременост за оние кои планираат потомство или проширување на своето семејство (особено на 3 јуни).

Здравје: Потребата за интроспекција.

The post НЕДЕЛЕН ХОРОСКОП ОД 1 ЈУНИ ДО 7 ЈУНИ Лавот го чека судбоносна љубов, Стрелецот треба да внимава што потпишува appeared first on plusinfo.mk.

Во срцето на Карара, градот чие мермерно богатство им служело на ренесансните мајстори како Микеланџело и Антонио Канова, денес се раѓа нова револуција во уметноста. Италијанскиот стартап Robotor, основан од вајарите и претприемачи Филипо Тинколини и Џакомо Масари, разви роботски систем способен да создава сложени скулптури од мермер и камен со прецизност што до неодамна изгледаше незамислива.

Наместо традиционалните чекани, длета и облаци прашина, новата технологија користи 3Д скенирање, дигитални модели и специјализиран софтвер кој самостојно ја планира обработката на каменот. Роботската рака анализира како е поставен блокот мермер, ја пресметува најдобрата патека за сечење и потоа денови и ноќи непрекинато ја обликува идната скулптура.

Основачите тврдат дека роботот може да постигне дури 99 проценти од резултатот што би го создал човечки мајстор. Сепак, Масари нагласува дека токму последниот процент е најважен – човечкиот допир, емоцијата и креативната визија што ниту една машина не може да ги замени. Според него, роботот не го оттурнува уметникот од процесот, туку го ослободува од најтешките и најмонотоните фази на работата.

 

View this post on Instagram

 

A post shared by Mona Lisa (@monalisa)

Технологијата веќе се користи за репродукција на историски ремек-дела и за создавање современи уметнички инсталации. Еден од највпечатливите проекти беше изработката на реплика на славниот Палмирски свод од Сирија, уништен од Исламска држава. Роботите на Robotor овозможиле монументот повторно да оживее во мермер за само неколку недели, по што бил изложен во Лондон и Њујорк.

Предностите не се само во брзината. Компанијата наведува дека роботите можат да завршат одредени задачи и до десет пати побрзо од традиционалните техники, со значително помал ризик за работниците и со помало трошење скап мермер. Благодарение на дигиталните симулации, секој рез е однапред пресметан, што го намалува отпадот и ја прави обработката поодржлива.

Но, не сите во уметничкиот свет се воодушевени. Дел од скулпторите предупредуваат дека со автоматизацијата може постепено да исчезнат старите занаетчиски вештини кои со векови се пренесувале од мајстор на ученик. Стравот е дека идните генерации ќе знаат да работат со компјутери и софтвер, но не и со длето и камен.

И покрај дилемите, приказната на Robotor покажува дека вештачката интелигенција и роботиката сè подлабоко навлегуваат и во областите што долго време се сметаа за исклучиво човечки. Во градот каде што Микеланџело ги избирал своите мермерни блокови, денес роботски раце ги обликуваат скулптурите на 21 век, отворајќи ново поглавје во историјата на уметноста.

The post 🎥 ОД ЧЕКАН И ДЛЕТО ДО ВЕШТАЧКА ИНТЕЛИГЕНЦИЈA Италијански робот ваја мермер како Микеланџело appeared first on plusinfo.mk.

Американскиот сликар Џексон Полок конечно влезе во „клубот на бесмртните“ на светскиот арт-пазар. Неговото платно „Number 7A, 1948“, создадено со прочуената техника на прскање и истурање боја, беше продадено во аукциската куќа „Кристис“ во Њујорк за неверојатни 181,2 милиони долари.

По повеќе од 60 жестоки понуди и седумминутна драматична лицитација, Полок стана автор на четвртото најскапо дело некогаш продадено на аукција.

Сликата, широка повеќе од 3 метри, е создадена во 1948 година, во периодот кога Полок експериментирал со својот револуционерен „дрип пејнтинг“ стил. Наместо класично сликање со четка, тој ја поставувал платнената подлога на подот и врз неа фрлал, истурал и прскал боја. Во тоа време многумина го сметале за ексцентричен уметник кој „хаотично ја размачкува бојата“, но денес токму тој пристап се смета за пресвртница во модерната уметност.

Продажбата предизвика вистински потрес во светот на уметноста, затоа што Полок сега официјално застана рамо до рамо со имиња како Пабло Пикасо, Густав Климт, Жан-Мишел Баскија и Енди Ворхол. До неодамна, рекордот за Полок изнесуваше околу 61 милион долари, а новата продажба практично ја утрои неговата аукциска вредност.

Аукцијата беше дел од спектакуларната продажба на колекцијата на медиумскиот магнат С. И. Њухаус, една од највредните приватни колекции во светот. Само таа вечер, во две поврзани аукции на „Кристис“, биле продадени дела во вкупна вредност од над 1,1 милијарда долари – што е еден од најголемите аукциски настани во историјата на уметноста.

Интересно е што Полок со децении бил фигура што ја делела јавноста. За едни – гениј, за други – шарлатан. Неговите платна често биле исмејувани со прашањето: „Зошто ова би вредело милиони?“ Но, арт-критичарите сметаат дека токму тој ја променил историјата на американската уметност, префрлајќи го центарот на светската авангарда од Париз во Њујорк по Втората светска војна.

Во светот на најскапите уметнички дела и натаму убедливо води Леонардо да Винчи со мистериозната „Салватор Мунди“, која во 2017 година беше продадена за околу 450 милиони долари. Зад неа следуваат „Интерчејнџ” од Вилем де Кунинг со цена од околу 300 милиони долари и „Играчите на карти“ на Пол Сезан, продадена за околу 250 милиони долари.

Во таа елитна група веќе се наоѓа и друго дело на Полок – „Number 17A“, кое во приватна продажба достигна цена од околу 200 милиони долари. Но новиот рекорд има посебна тежина затоа што е постигнат на јавна аукција, пред очите на целиот свет.

Светските медиуми забележуваат дека ваквите суми одамна ја надминале класичната логика на пазарот на уметност. За ултра богатите колекционери, ваквите дела стануваат симбол на престиж, политичко влијание и културна моќ. Во време на глобални економски турбуленции, најбогатите очигледно продолжуваат да инвестираат во ретки ремек-дела, третирајќи ги како „злато на 21 век“.

The post ПЛАТНО ШТО НЕКОГАШ ЛЕЖЕЛО НА ПОД НА ШТАЛА СЕ ПРОДАДЕ ЗА НЕВЕРОЈАТНИ 181 МИЛИОНИ ДОЛАРИ Сликарот Џексон Полок влезе во „клубот на бесмртните“ appeared first on plusinfo.mk.

 

View this post on Instagram

 

A post shared by Roberto Navali (@roberto_navali)

The post 🎥 ЈУНАК НА МАТУРСКАТА ВЕЧЕР Дојава на коњ пред „Рагуза“ во центарот на Скопје appeared first on plusinfo.mk.

Масовна венчавка за 1.000 парови е закажана на главните плоштади во Техеран. Настанот се организира под знамето на кампањата „Џан-Фада парови“, а се совпаѓа со 1-ви Зул-Хиџа, датум што во Иран официјално се одбележува како Ден на бракот.

Тој ден ја симболизира годишнината од бракот на имамот Али и Фатима, ќерката на пророкот Мухамед.

Иницијативата ја претстави Рахим Над-Али, заменик-културен функционер на Корпусот на исламската револуционерна гарда во Голем Техеран.

Тој изјави дека програмата има цел да промовира исламски начин на живот, да поттикне „прифатливи бракови“ и да покаже дека секојдневниот живот продолжува и покрај кризите.

Над-Али направи паралела со атмосферата од 1980-тите и периодот на војната меѓу Иран и Ирак.

Tehran held a mass wedding for couples linked to Iran’s military defense campaign. pic.twitter.com/sZty7oCm4j

— Jackson Hinkle (@jacksonhinkle) May 19, 2026

Розови воени возила и ракети

Според организаторите, визуелниот идентитет на свадбата ќе биде силно поврзан со воената симболика.

Воени џипови и опрема ќе бидат украсени со цветни аранжмани и ќе ги превезуваат младенците низ градот.

На фотографиите и најавите се гледаат и розови декоративни елементи поставени врз воени средства, што на социјалните мрежи веќе предизвика огромно внимание.

110 парови ќе се заколнат истовремено

Главната церемонија ќе започне во 17 часот на плоштадот Имам Хосеин.

Таму истовремено ќе бидат прочитани брачните завети за 110 парови пред публика.

Во исто време, на плоштадот Енкелаб ќе се одржуваат дополнителни церемонии за останатите младенци.

Свадбен караван низ Техеран

По завршувањето на првите церемонии, во 20 часот ќе започне голем свадбен караван кон плоштадот Азади.

Долж трасата се планирани вечерни прослави и јавни собири.

Организаторите најавуваат дека моделот подоцна ќе биде проширен и во други ирански провинции.

The post 📽️ 1.000 СВАДБИ ВО ИРАН ПРИДРУЖЕНИ СО ТЕНКОВИ Техеран спрема симболичен караван за Денот на бракот appeared first on plusinfo.mk.