АПСТИНЕНЦИЈА ОД ШЕЌЕР После 3 дена јаболкото ќе ви биде слатко како тулумба
Целта на едномесечната апстиненција од шеќер е да се добие контрола врз внесувањето на штетни намирници. Не значи дека никогаш повеќе не треба да изедете сладолед, парче торта, па дури и тулумба или баклава. Само не е лошо да видите како ќе се чувствувате ако барем на 1 месец се откажете од сите слатки задоволства
Научно е докажано дека шеќерот е главниот виновник за дебелината, дека е еден од водечките причини за срцеви заболувања, дека има негативен ефект врз кожата и доведува до предвремено стареење.
Има уште лоши вести: за некои е многу тешко, па и невозможно да се запре со консумирањето шеќер. Луѓето на крајот развиваат зависност од шеќер во вистинска смисла на зборот.
Ние трошиме шеќер, тоа ни дава чувство на благосостојба, нè крева, а потоа и расположенијата и нивото на енергија паѓаат, па посегаме по сѐ повеќе … и повеќе … и повеќе.
Тоа е шема која е присутна во секоја форма на зависност, вклучувајќи ја и зависноста од шеќер. Уште полошо, истражувањата покажаа дека шеќерот предизвикува копнеж и на центрите за задоволство во мозокот, тој делува како награда и тоа на сличен начин и во ист обем како што се случува и со зависноста од дрога.
Она што особено загрижува е количината на додаден шеќер присутен во нашата исхрана, кој е најчесто скриен во намирниците.
На пример, сите знаеме дека сладоледот или тортата содржат многу шеќер, но голем број намирници кои дури и немаат сладок вкус, како што се преливите за салата, сосот од домати или лебот и печивата, се богати со шеќер.
Честопати не ни е ниту на крај од памет дека некоја, на прв поглед, здрава храна е всушност полна со шеќер, па не е ни чудо што потсвесно консумираме шеќер од утро до вечер.
Повеќе за ова на „Арт кујна“.