ЈАДЕМЕ ТАРТУФИ ИЛИ „ПИЕМЕ НАФТА“? Дали индустријата со тартуфи е само една голема измама?
Она што се продава како вкус на тартуфи е 2,4-дитиапентан (полно име формалдехид диметил меркаптал), органско сулфурно соединение кое и природно се наоѓа во тартуфите, но додека од тартуфите практично не може да се екстрахира, може од нафтата, вели хрватскиот новинар Матија Бабиќ кој ја разоткрива истарската индустрија за тартуфи како голема измама
Хрватскиот новинар Матија Бабиќ ја разоткрива истарската индустрија за тартуфи како голема измама и вели: Веројатно веќе знаете: „масло со вкус на тартуфи“ не се прави од тартуфи. Тоа е евтино масло со додадена синтетичка арома на тартуфи. Тоа е страшно од неколку причини. Синтетичкото ѓубре кое се продава под име на луксузен гастрономски производ им дава идеја на потрошувачите дека тартуфите имаат интензивен мирис на плин, тоа е измама затоа што ги мами купувачите, односно лажно претставува производ кој нема никаква врска со тартуфите и ги става во неповолна положба сите ресторани кои се трудат да работат чесно: ако не ги ароматизирате јадењата со тартуфи со додадени вкусови на кои се навикнати гостите, наивните гости ќе помислат дека штедите на нив.
Сè што мислите дека знаете за тартуфите е лага
Но, она што не го знаете е дека речиси сè друго што го има името „тартуфи“ е лага: не мислиме само на Мекдоналдс Зиганте хамбургери или чипсови со вкус на тартуфи, туку и на сите тартуфи, спакувани тартуфи во тегли, сирења и колбаси со тартуфи, како и огромното мнозинство тестенини и фритати „со тартуфи“ во рестораните.
И не е срамота што не знаете. Бидејќи најдобрите тартуфи се исклучително тешко достапни, повеќето готвачи, новинари, па дури и „експертите“ кои доделуваат награди на ароматизирано ѓубре со парчиња тартуфи, мислејќи дека навистина консумираат производи од тартуфи, немаат поим за измамата со тартуфи.
Накратко: речиси сè што мислите дека знаете за тартуфите е лага.
Прочитајте го целиот текст на порталот „Арт кујна“.