ЈА СФАТИЈА ЛИ ОХРИЃАНИ ПОГРЕШНО ДОПИСНИЧКАТА НА БИ-БИ-СИ? Нејзиниот твит за езерото ги подели интернетџиите

Гневни коментари на социјалните мрежи во Македонија предизвика твит на дописничка на Би-Би-Си за Охрид кој според некои е навредлив, а според други само ироничен, а всушност е вистинска пофалба за градот и за езерото.

Новинарката Сузан Кианпур на Твитер напиша:

,,Дефинитивно не доаѓајте да го посетите Охридското Езеро. Тоа е апсолутно ужасно место во С. Македонија. Супер скапо. Лоши временски услови. Навистина преполно”, вели новинарката со иранско-италијанско потекло која патува низ 100 земји во светот.

Definitely don’t come to Lake Ohrid. It’s an absolutely terrible place in North Macedonia. Super expensive. Bad weather. Really crowded. pic.twitter.com/0xlqCTOswE

— Suzanne Kianpour (@KianpourWorld) June 27, 2023

Во твитот таа објави видео од возење со чамец по езерото. Објавата ја прегледале најмалку 26.000 луѓе.

Два дена преходно Кианпур пишува дека треба да се посети Охридското Езеро и дури алудираше дека тоа е поубаво од езерото Комо во Ломбардија во Италија.

Твитот тогаш гласеше: „Чувајте си го езерото Комо. Те одбирам тебе, езеро Охридско. Посетете го овој недопрен скапоцен камен пред да стане замка за туристи“.

Терминот „замка за туристи“ во англискиот јазик всушност значи место кое ќе стане пренатрупано со туристи бидејќи станало премногу познато.

Keep your Lake Como 🇮🇹

I raise you, Lake Ohrid 🇲🇰

Visit this untouched gem in North Macedonia before it too becomes a tourist trap

I’m officially into the 70s on my journey to 💯 countries pic.twitter.com/L52w0iDgJe

— Suzanne Kianpour (@KianpourWorld) June 25, 2023