КИНА Е СПОСОБНА ЗА ПОМОРСКА БЛОКАДА НА ТАЈВАН Американски вицеадмирал признава дека Кинезите ги имаат сите потребштини за тоа
Тие веќе ги имаат сите бункери што им се потребни, тие веќе го имаат целиот капацитет за складирање гориво што им е потребен, способност да сместат војници, ги имаат проектилите, радарите, сензорите, вели вицеадмиралот Томас.
Кина е целосно способна да наметне поморска блокада на Тајван, призна командантот на седмата американска флота, вицеадмирал Карл Томас, во интервју за Волстрит Џурнал објавено во понеделникот, пренесува РТ.
– Тие имаат многу голема морнарица и ако сакаат да малтретираат и да постават бродови околу Тајван, тие баш можат да го направат тоа – рече адмиралот.
Кина веќе создаде голема и модерна морнарица, изјави Томас, при што бројот на воени бродови со кои располага Пекинг продолжува да расте брзо. Адмиралот рече дека, сепак, не знае дали Кина се обидува да преземе каква било акција против Тајван, без разлика дали преку сеопфатна инвазија или поморска блокада.
– Тие веќе ги имаат сите бункери што им се потребни, тие веќе го имаат целиот капацитет за складирање гориво што им е потребен, способност да сместат војници, ги имаат проектилите, радарите, сензорите – рече тој.
Тајван веќе со децении е главен проблем во односите меѓу САД и Кина, а тензиите дополнително се влошија со неодамнешната посета на претседателот на Претставничкиот дом на САД, Ненси Пелоси на островот.
Пелоси отпатува за Тајван на почетокот на август, игнорирајќи ги повторените предупредувања од Пекинг да го избегне тоа, со што стана највисокиот американски функционер што го посетил островот во повеќе од 25 години.
Тајван е самоуправен од 1949 година, кога кинеските националисти побегнаа од копното откако ја загубија граѓанската војна од комунистите и поставија своја администрација на островот. Иако формално го признава суверенитетот на Пекинг над островот и принципот „Една Кина“, Вашингтон одржува блиски неформални врски со островската држава.
Кина смета дека Тајван е дел од нејзината суверена територија која е привремено заземена од сепаратистите. Пекинг постојано изјавува дека ќе бара „повторно обединување“ и не ја отфрла воената опција за постигнување на оваа цел.