А, АКО КИНА ГО НАПАДНЕ ТАЈВАН И САД СЕ ВМЕШААТ? Си-Ен-Ен го анализира можниот „самрак на цивилизацијата“
Не само што Кина ја има најголемата морнарица во светот, туку земјата лесно би имала предност во тајванскиот теснец во пресметка со американските бродови. За разлика од Украина, ќе биде потешко Западот да му носи оружје на Тајван преку морето, а фактот дека сите зависиме од кинески производи и трговија ја прави Кина уште посамоуверена во подвигот од Русија, која за уцена ги има на располагање енергенсите и житото. Дури, во текот на војната, Кина би можела да направи поморска трговска блокада во своја корист.
Прашањето на сите прашања на деценијата, па и на 21 век, за кој мислевме дека ќе биде век на мирот, е што ако Кина ја искористи неизвестноста од војната во Украина и го нападне Тајван, а тоа прерасне во светска војна. Според нова статија на Си-Ен-Ен, Кина има доволно моќ да го окупира островот, а САД и сојузниците веројатно нема да можат да ја спречат. Оваа смела анализа се коси со досегашните благи текстови во врска со темата.
Операцијата ќе трае со недели
Статијата вели дека Кина ја има најголемата морска флота во светот, но и голема крајбрежан стража и поморска полиција. Но, проблемот, како што се наведува, е што напаѓачот мора да има три пати поголема воена сила од тој што се брани. Значи, ако Тајван во моментов има околу 450.000 вооружени војници, Пекинг би морал да префрли најмалку милион војници преку морето, кои, како што понатаму се наведува, не се доволно обучени.
Хауард Улман, поранешен член на американската морнарица и професор на Американскиот поморски воен колеџ, напиша есеј во кој вели дека операцијата ќе трае со недели и дека и покрај поморската моќ, НР Кина „едноставно нема воени способности и ефективност за да започне амфибиска инвазија на Тајван во догледна иднина “. Но, според процените на САД, Кина би можела да ги пополни овие „дупки“ до 2025 година.
Тука настанува проблемот. Што ако во војната влезе и Америка?
САД имаат мала шанса со Кина во теснецот
Прво, Пекинг има 2.000 проектили создадени да ѝ нанесат максимална штета на американската морнарица, а меѓу нив се издвојуваат т.н. „убијци на носачи на авиони“. Потоа доаѓа прашањето за логистичката поддршка на Тајван за време на окупацијата. Украина, на пример, по копно се потпира на своите сојузници, пред сè Полска, преку која пристигнува воена и друга помош.
Кинескиот напад би бил насочен кон западната страна на Тајван, свртен кон континентот, што отвора можност за логистичка поморска линија на источната страна, но оружјето ќе мора да патува од далечната Јапонија или од Филипините. И затоа, се препорачува, владата во Тајпеј да има доволно оружје, храна, лекови и медицински материјали, како и енергија за да може да го издржи првиот напад на кинескиот пуч.
Кинезите ја научија лекција од Украина, но и од Југославија
Во анализата се наведува и дека сигурно е дека Кина многу брзо би воспоставила контрола на воздушниот простор, бидејќи има околу 1.600 борбени авиони, додека Тајван има помалку од 300. Во асиметричната војна важно е Тајван веднаш да пружи отпор додека во операцијата не се вклучат американските воздухопловни сили, како што најави американскиот претседател Џо Бајден.
Не е исклучено Пекинг во првиот бран напади да изврши удари врз американските воздушни бази во Пацификот, по моделот на јапонскиот напад на Перл Харбор во 1941 година. Но, Кинезите извлекоа поука, дури и од бомбардирањето на Југославија во 1999 година. Во тоа време, воздушните одбранбени сили на Белград соборија „невидлив“ американски авион, по што следеше бомбардирање на кинеската амбасада во главниот град на тогашна Југославија.
Понатаму се наведува дека копнената операција би имала голем проблем со локацијата на слетувањето, бидејќи Тајван има дефинирано 18 точки каде што би можеле да слетаат Кинезите и веќе е подготвен за такво сценарио. Исто така, главниот град Тајпеј е на северниот врв на островот, а по пробивањето на одбранбените линии кинеските сили брзо би стигнале до предградијата. Затоа американските инструктори ги обучуваат тајванските сили за урбана борба, а ќе помогне и украинското искуство.
Но, ако има копнена борба, како што покажува ситуацијата во Украина, тајванските сили би имале голема морална предност бидејќи се бранат од сила која сака да им ја одземе слободата и начинот на живот што го изградиле. Ќе бидат подготвени и Кинезите. После сè тие враќаат отцепен дел од татковината, а според статијата, ќе бидат помотовирани од Русите во Украина.
Поморска блокада и окупација на околните острови
По окупацијата на Тајван би следело уште едно интригантно сценарио. Според статијата, Народна Република Кина би продолжила со окупација на островите околу Тајван, или би вовела поморска блокада, што се чини дека е најопасната опција бидејќи нема да има сајбер војна, па прашање е дали САД и Јапонија би ја пробиле блокадата.
Во анализата се наведува и дека Кина можела да научи уште една лекција од ситуацијата во Украина, а тоа е дека заканата од нуклеарно оружје отвора простор за сајбер-војна. Исто така, прашање е дали САД би реагирале како во случајот со Украина, која не е дефинирана како американски витален национален интерес, додека Тајван е, барем засега главен снабдувач на најдобрите полупроводници во светот.
Сите зависиме од Кина, Кина од никого
Потоа, тука е прашањето за санкциите, а Пекинг мисли, иако е дискутабилно, дека поголемиот дел од светот би останал на кинеска страна бидејќи цел свет буквално е зависен од сè што извезува Кина.
Но, на крајот статијата вели дека помала веројатноста Кинезите да ја стават политиката пред трговијата, бидејќи тие се претежно трговци. Но, и тоа не е сигурно, особено ако претседателот на Кина одлучи дека војната ќе му го подигне рејтингот, заклучува анализата.