ПРОНАЈДЕН НЕДОПРЕН ЕМБРИОН ОД ДИНОСАУРУС Еве ја врската меѓу птиците и некогашните рептили
Пред да се испилат пилињата обично прават низа движења: го закривуваат телото ја спуштаат главата под крилото, што веројатно го правел и овој диносаурус. Сега, барем научниците имаат некаква трага што значи ова загадочно движење.
Ембрион од диносаурус долг 27 сантиметри целосно недопрен беше пронајден во јајце во складиштето на еден музеј во Кина. Тој е стар меѓу 66 и 72 милиони години и освен што е првиот некогаш сочуван неиспилен диносаурус во историјата, туку може да им открие на научниците која била врската меѓу денешните птици и диносаурусите, пишува ИФЛ Наука.
Ембрионот е од диносаурус кој припаѓал на групата пердувести, беззаби тероподи познати како овирапторосауруси, а со птиците го поврзува тоа што имал држење на телото типично за денешните птици. Пред да се испилат пилињата обично прават низа движења: го закривуваат телото ја спуштаат главата под крилото, што веројатно го правел и овој диносаурус. Сега, барем научниците имаат некаква трага што значи ова загадочно движење.
Пријавувајќи го своето откритие во списанието „iScience“, авторите на студијата објаснуваат дека нивниот примерок наречен Бебе Јинглијанг бил пронајден со главата „вентрална кон телото, со стапалата од двете страни и со грбот свиткан по тапиот пол на јајцето“. Таквото држење, велат тие, е „претходно невидено кај диносаурус кој не е птичји, но потсетува на модерен птичји ембрион во доцна фаза“.
Овие движења се клучни за испилувањето, а ако не ги направи пилето може да нема да успее да избега од јајцето. Сега, бебето Јинглијанг кое ја направило оваа поза сугерира дека таа првпат ја правеле античките тероподи, кои се сметаат за претци на денешните птици.
Сместен во Историскиот музеј на природата во каменот Јинглијанг, Бебето Јинглијанг е меѓу најкомплетните ембриони на диносаурус што некогаш биле пронајдени, овозможувајќи им на истражувачите редок поглед на недопрено бебе теропод.
Сепак, бидејќи тоа е единствениот примерок од ваков вид, авторите на студијата признаваат дека не може да се извлечат цврсти заклучоци за природата на ембрионите на диносаурусите од нивните набљудувања и дека ќе треба да се проучат повеќе фосили како овој пред да се потврдат какви било хипотези.