📽 64.000 ЛУЃЕ УШТЕ НЕ МОЖАТ ДА ИЗБЕГААТ ОД КАЛТА Фестивалот во пустината во Невада се претвори во хорор

Дури 64.000 посетители на фестивалот „Брнинг мен“ во Невада останаа заглавени во калта откако стивна летниот дожд. Тие со автомобилите пробаа да се спасат од необичната појава откако претходно се дозна дека човек почина во петокот. Организаторите на фестивалот дадоа зелено светло за гостите да го напуштат настанот.

За ова да се случи, беше укината забраната за возење по 20 часот која вжи во тој регион. Но, организаторите ги предупредија луѓето да почекаат калта барем малку да се исуши.

„Ве молиме имајте предвид дека иако условите се подобруваат и патиштата се сушат, плажата е сè уште матна и може да биде тешко да се движите во некои населби и по одредени улици“, објавија тие.

По укинувањето на забраната се формираше редица возила во која се чека и до шест часа.

Burning Man organizers reopened the road leading out of the remote Nevada desert festival, allowing tens of thousands of attendees to escape after they had been trapped for days by mud https://t.co/vX7GQzfOYS pic.twitter.com/wNNUXFKsoT

— Reuters (@Reuters) September 5, 2023

Burning man 2023
Event organizers officially lifted a driving ban Monday afternoon and said “exodus operations have officially begun in Black Rock City,” the city that’s erected annually for the event.#BurningMan2023 #event #UnitedStates #extremeweather pic.twitter.com/4TfxX5htlE

— Genesis Watchman Report (@ReportWatchman) September 5, 2023

Во саботата, посетителот Пол Редер, кој доаѓа на фестивалот 22 години, изјави за Ројтерс дека очекува дека ќе бидат потребни најмалку два дена за областа да се исуши.

На фестивалот имаше повеќе од 70.000 посетители кои беа заробени, а голготата трае.

Фестивалот е познат во Невада. Таму луѓето секоја година се собираат да создаваат уметност, да танцуваат и да се забавуваат. Околу нив обично се поставени уметнички инсталации, а на самиот крај тие палат џиновски човек од дрво по кого фестивалот го добил името – „Човекот што гори“.