40 Ф16-КИ ПАЗАРИЛ ЕРДОГАН ЗА ЧЛЕНСТВОТО НА ШВЕДСКА ВО НАТО? Извори за Би-Би-Си откриваат што го предомислило турскиот претседател

Турција чека 40 воени авиони Ф-16 од САД кои биле одобрени за продажба веднаш откако Турција го одобри членството на Финска во НАТО во април годинава. Но, што го натера турскиот претседател да се премисли за ветото за Шведска? Висок турски извор за Би-Би-Си вели дека се работи телефонски повик од страна на американскиот претседател Џо Бајден, заедно со уште три разговори меѓу министрите за надворешни работи на земјите во последните неколку дена.

Во повикот било речено дека „САД сакале да го решат прашањето за членството на Шведска во НАТО“. Изворот вели дека приоритет во телефонскиот разговор била токму испораката на четириесетте Ф-16ки.

Сега Турција ги чека новите авиони за да може да ја модернизира својата авијација. Турција првпат побарала да купи авиони Ф-16 од САД во 2021 година. Вчера Ердоган рече дека има резерви околу фактот што се ограничува продажбата на оружје за Турција и дека има потреба од одбранбена соработка. Пред да појде во Вилнус Ердоган напиша дека прво Турција треба да влезе во ЕУ, па потоа Шведска во НАТО, за часови подоцна генсекот на НАТО, Јенс Столтенберг да обзнани дека Турција го кренала ветото.

Но, според изворот и Шведска направила неколку дополнителни ветувања во последен момент: дека ќе се укине ембаргото за продажба на оружје на Турција, потоа дека ќе го поддржи долгоочекуваното барање на турските граѓани за безвизно патување во земјите на Шенген, привилегија што им се дава на повеќето земји кандидати.

Минатата недела, лице кое беше прогласено за виновно за финансиска поддршка на ПКК, прокурдска вооружена група која Турција ја смета за терористичка група, беше осудено на затворска казна.

ПРЕСВРТ – ТУРЦИЈА ЈА ПУШТИ ШВЕДСКА ВО НАТО? Столтенберг вели дека има радосна свет