Во поплавте во Албанија досега се поплавени 1.587 домови и други објекти, евакуирани се 339 лица и 51 семејство, а под вода се 13.211 хектари земјоделско земјиште, соопшти претседателот на Албанија Еди Рама на состанок на Меѓуресорниот комитет за цивилни вонредни ситуации.

– Моментно врнежите од дожд се намалени низ целата земја, освен во Драч. Досега, низ целата земја се пребројани 1.587 поплавени домови и други објекти. Евакуирани се 339 лица и 51 семејство. За жал регистрирана е и една жртва од поплавите, вработен во комуналната служба на општина Драч, за што изразувам длабоко сочувство до семејството – рече Рама, ветувајќи дека секому ќе му биде надоместена штетата.

Исто така, нагласи дека под вода се 13.211 хектари земјоделско земјиште.

– Имаме поплави и во некои здравствени центри или образовни установи. Количината на врнежи од дожд е голема, до 300 милиметри на квадратен метар, или повеќе од просечната количина на врнежи од дожд што паѓаат во текот на целиот месец – нагласи Рама.

Според министерката за внатрешни работи Албана Кочиу низ целата земја се распоредени околу 5.500 службеници на државната полиција, со околу 700 возила на располагање. Во меѓувреме, според Кочиу, противпожарната служба распоредила над 720 службеници, 55 противпожарни возила и 22 пумпи во најпроблематичните области.

 

View this post on Instagram

 

A post shared by Albana Vokshi (@vokshialbana)

The post 🎥 ПОД ВОДА ПОВЕЌЕ ОД 13.000 ХЕКТАРИ ЗЕМЈОДЕЛСКО ЗЕМЈИШТЕ Во Албанија поплавени 1.587 домови и други објекти appeared first on plusinfo.mk.

Голем пожар зафати земјоделско земјиште кај селото Ложани, во општина Струга, при што биле зафатени околу 20.000 метри квадратни посеви со пченица, јачмен и со други земјоделски култури, информираше денеска СВР Охрид.

Пожарот избувнал на 19 јули околу 13:13 часот, а местото на настанот било сопственост на повеќе жители од селото.

Во интервенцијата учествувала Територијалната противпожарна единица Струга, но тројца пожарникари добиле респираторни проблеми поради вдишување чад. Тие биле пренесени и задржани на лекување во Општата болница во Струга.

Пожарот бил целосно изгаснат, а причините за неговото избувнување се сѐ уште непознати.

The post ПОЖАР ВО СТРУШКО, ЗАФАТЕНИ 20.000 МЕТРИ КВАДРАТНИ Тројца пожарникари завршиле во болница со респираторни проблеми appeared first on plusinfo.mk.

– Откако сум министер со помош на Владата се поведе една сериозна акција во делот на злоупотребата на земјоделското земјиште. Се раскинаа и неколку договори, се ослободија над 2.000 хектари земјоделско земјиште кое што беше злоупотребувано од претходната власт – појасни министерот.

Во првите месеци од мојот мандат, додаде тој, се поделени 967 договори за распределба на земјоделско земјиште.

– Во моментов тече Јавен повик којшто се работи, во кое ќе биде ставено сето преостанато земјоделско земјиште коешто се наоѓа ширум Република Македонија. И сето тоа се работи само во интерес на сите оние земјоделци кои што сакаат да обработуваат земјоделско земјиште – истакна тој.

Тој додаде дека тренд на правична распределба на земјоделско земјиште додека е тој министер ќе продолжи.

– Државното земјиште треба да биде ставено во функција кај вистинските земјоделци – посочи министерот Трипуновски.

Во делот на сточарското производство, посочи министерот, во наредните месеци ќе има наменски огласи за сточарите каде што ќе имаат предност при добивање на земјоделско земјиште.

– На сточарите им е потребно земјиште за производство на храна, за да ги намалат загубите во делот на производство на храна, но и да имаат сигурен прилив на храна кој што им потребен – истакна тој.

Министерот Трипуновски најави дека утре ќе го посети Пелагонискиот регион за да оствари средби со земјоделците.

– ЗК Пелагонија е во фаза на склучување на Анекс на договор каде што се ослободуваат околу 1.600 хектари државно земјоделско земјиште и ќе се стави на располагање на сточарите од Пелагонија – нагласи министерот.

The post САМО ВИСТИНСКИ ЗЕМЈОДЕЛЕЦ МОЖЕ ДА ДОБИЕ ДРЖАВНО ОБРАБОТЛИВО ЗЕМЈИШТЕ Трипуновски им става крај на злоупотребите appeared first on plusinfo.mk.

Во одговор на новинарско прашање во врска со засилените контроли на Министерството за земјоделство, шумарство и водостопанство, за распределбата на земјоделското земјиште, Мицкоски рече дека се работи за една од стратешките определби на оваа Влада.

– Тоа е една од стратешките определби на оваа Влада и јас мислам дека во периодот којшто следи ќе има многу случаи за злоупотреба во врска со тоа како се доделувало тоа земјоделско земјиште и од сега натаму тоа земјиште треба да оди онаму каде што е навистина е потребно, тоа е на земјоделците, а не на оние кои што земјоделието им е секундарна, терцијална или можеби и друг тип на работа и приоритет – рече Мицкоски.

The post ЗЕМЈОДЕЛСКОТО ЗЕМЈИШТЕ ЌЕ ОДИ САМО ДО ЗЕМЈОДЕЛЦИТЕ Мицкоски најави зајакнати контроли и санкции. appeared first on plusinfo.mk.

– Една блиска фирма до претходната власт има земено преку 1.600 хектари државно земјоделско земјиште. Замислете во тој договор е вклучено таа фирма три години да биде ослободена од закуп на тоа земјиште коешто ќе го користи. Инаку годишниот закуп би изнесувал некаде околу 21 милион денари и ако за три години пресметаме таа фирма за овие три години направила заштеда од некои милион евра – појасни министерот.

Трипуновски додаде дека истата фирма што го има земено по договор ова земјиште во најголем дел речиси сето не го обработува, за да биде корисник на субвенциите од државата.

– Првичните информации кои што ги добивме и од Платежната агенција се дека истата фирма има добиено субвенции за 2021, за 2022 и 2023-та година некаде околу 27 милиони денари односно некаде над 450.000 евра субвенции кои што се исцицани од Буџетот – нагласи Трипуновски.

Земате земјиште, не го обработувате, не плаќате закупнина на државата, а од друга страна користите субвенции, појасни министерот.

Тој додаде дека тоа е еден од примерите, а ги има многу, на злоупотребата со ресурсот државно земјоделско земјиште изминативе години.

The post ЗЕМАЛЕ ДРЖАВНО ЗЕМЈИШТЕ, НЕ ГО ОБРАБОТУВАЛЕ, А ЛАПАЛЕ СУБВЕНЦИИ Трипуновски открива скандал во кој е вклучена фирма блиска до минатата власт appeared first on plusinfo.mk.

Како што информираат оттаму, преку овие два јавни огласи на располагање се ставени вкупно 3.769 хектари државно земјоделско земјиште, распоредено во повеќе региони низ државата.

– Намената на земјоделското земјиште кое се дава под закуп за првиот јавен оглас е производство на сточна храна (житни, фуражни и индустриски култури) за период до 15 години. Со огласот се опфатени 529 хектари земјоделско земјиште над три хектари, распределени во 10 региони низ државата: Берово, Виница, Гевгелија, Дебар, Делчево, Кочани, Неготино, Свети Николе, Радовиш и Штип, стои во соопштението од МЗШВ.

Вториот јавен оглас е со намена за подигнување на долгогодишни насади (лозја, овоштарници, хмељ) и оранжерии за период до 30 години, подигање на долгогодишни насади со лешник за период до 70 години, подигање на маслинарници за период до 50 години, поставување на пчелни семејства за период до 15 години, ливади за период до 15 години, одгледување на брзо растечки дрвја на земјоделско земјиште кое се наоѓа на надморска висина над 700 метри, за периодот до 30 години, рибници до 20 години и спортско-рекреативни активности и рурален туризам до 30 години.

– Вкупно на располагање под закуп со овој оглас се предвидени 3.240 хекатари, распределени во 22 региони низ државата: Берово, Валандово, Виница, Гостивар, Гевгелија, Делчево, Демир Хисар, Кочани, Куманово, Кавадарци, Неготино, Струга, Струмица, Охрид, Прилеп, Пробиштип, Радовиш, Ресен, Тетово, Велес, Штип и Чаир, дополнуваат оттаму.

Право на учество на јавните огласи имаат домашни физички и правни лица и странски правни лица.

– Кај огласот за закуп на земјоделско земјиште со намена за производство на сточна храна минималната површина на земјоделското земјиште која може да се даде под закуп на еден учесник изнесува 3 хектари, доколку понудувачот достави потврда од овластена ветеринарна станица за располагање со најмалку 5 грла говеда или копитари, односно 50 овци или кози, односно 20 свињи, односно 500 кокошки, мисирки, гуски, патки или бисерки. Максимална површина на која за овој јавен оглас еден учесник може да аплицира изнесува 20 хектари. Додека, кај вториот оглас со намена за подигнување на долгогодишни насади големината на површината која може да се даде под закуп на еден корисник се утврдува врз основа на минимално материјално-техничката опременосот и бројот на вработени според бизнис планот на понудувачот – појаснуваат од МЗШВ.

Заинтересираните земјоделци и земјоделски стопанства повеќе информации за јавните огласи може да добијат во секторот за земјиште при министерството, подрачните единици на министерството или на веб страната www.mzsv.gov.mk.

The post ПОБРЗАЈТЕ ДА СЕ ПРИЈАВИТЕ Истекува рокот за закуп на земјоделско земјиште appeared first on plusinfo.mk.

Распишаниот јавен оглас беше распореден во 14 региони низ државата и на располагање нудеше земјоделска површина од 5 722 хектари. Овој јавен оглас предизвика голем и до сега рекорден интерес кај земоделците со дури 258 склучени договори за закуп.

– Наменски го објавивме овој оглас за да ги зголемиме обработливите површини под стратешки култури и во тоа успеавме. Токму ова беше нашата цел преку Националниот план за производство на храна, да обезбедиме нови земјоделски површини и да го зголемиме домашното производство за обработка на стратешки култури. Ова е денес прашањето кое целиот свет го мачи, предизвик пред кој секоја земја е исправена, како последица од војната во Украина. Како да се стабилизира домашното производство и да обезбедиме доволно храна – изјави Николовски.

Тој потенцира дека МЗШВ навреме креираше мерки за поддршка, донесувајќи го Националниот план за производство на храна, во кој има мерки за поддршка на земјоделците при набавка на вештачко ѓубриво, мерки за зголемуивање на приносот од стратешки култури, давање на нови дополнителни хектари земјоделско земјиште за обработка, мерки за сточарите, мерки за поддршка до секој еден земјоделец.

– Секој од нас мора да биде одговорен и на висина на својата задача. Мораме да бидеме здружени и обединети бидејќи само така полесно ќе ја поминеме оваа криза. Од вас барам, и на тоа како министерство ќе инситираме цело време, произведените житни култури најпрво да ги дадате во домашни преработувачки капацитети. Така е чесно и одговорно кон сите граѓани, бидејќи мерките кои ги даваме до секој земјоделец се од парите на сите граѓани. Мораме сега сите да си помогнеме. Не оставаме ниту една педа земја необработена и веќе денес истекува и рокот за аплицирање на четирите јавни огласи за доделување под закуп на земјоделско земјиште до 3 хектари за подигнување на долгогодишни насади распоредено во 31 регион низ државата со вкупна површина од 4.294 хектари земјиште кое го ставаме на располагање – рече Николовски.

Активни до 21 јули се и двата јавни огласа за доделување под закуп над 3 хектари земјоделско земјиште за производство на сточна храна и подигнување долгогодишни насади. Вкупно на располагање преку овие два огласа се ставени 3 769 хектари државно земјоделско земјиште.

– Ги повикуваме земјоделците да ги следат јавните повици и максимално да ја искористат секоја мерка која се носи за поддршка на секој еден земјоделец. Она што ќе го произвеме да го зачуваме дома, во нашите домашни преработувачки капацитети. Сплотени заедно да се избориме со оваа криза – апелира Николовски.

Министерот очекува минималната откупна цена на пченицата да биде 20 денари. Смета дека добрите цени за откуп на јачменот ќе се рефлектираат и врз производството на лебно жито.

– Како што имаме рекордна заинтересираност за мерките за земјоделство, како што имаме рекордна цена, еве тоа и земјоделците ќе го кажат, на јачменот од 17 денари јас очекувам минимална цена 20 денари на пченицата нормално да биде. Односно информациите коишто се од самите разговори коишто ги имаме потврдуваат дека 19-20 денари ќе биде токму таа пченица која што нема доволен соодветен квалитет, а дури пченицата со висок квалитет може да надмине и 22 денари. Се зависи од квалитетот и затоа велиме дека навремено презедовме мерки, навремено излеговме со мерки за поддршка на вештачко ѓубриво, знаејќи го растот на сите цени на репроматеријалите, 40 отсто поддршка од државата, 7. 000 апликации имаме од земјоделците коишто на неделна основа, кои добиваат поврат на средства за набавеното вештачко ѓубриво – рече Николовски.

The post ГИ ЗГОЛЕМУВАМЕ ПОВРШНИТЕ ПОД ЖИТНИ КУЛТУРИ Владата склучи 258 договори за закуп appeared first on plusinfo.mk.

Две вили се опожарени од кои едната и целосно изгоре во големиот пожар во атарот на општина Карбинци. Пожарот е почнат пред околу еден час, но поради ветерот зафатена е голема површина на земјоделско земјиште и култури, а во опасност се доведени и објекти.

Градоначалникот на Општина Карбинци Јордан Насев за МИА вели дека од едната вила евакуирано е едно лице со инвалидитет. Пожарот се шири брзо поради ветерот и веќе е пристигнат кај препумната станица за вода во близина на село Радање.

Насев вели дека е ангажирано месното население кое им помага на штипските пожарникари кои веднаш се јавиле и дошле на опожарениот дел. Проблем им создаваат одредени шумски појаси каде што се издигнуваат пламени по неколку метри.

Засега никој не коментира која е причината за овој голем пожар во општина Карбинци.

Инаку, ова е веќе трета голема огнена стихија во општина Карбинци за речиси еден месец. Пред повеќе од половина месец изгореа 300 хектари житни култури, овошни и лозови насади.

Поради пожарот во Карбинци од 16 часот  во прекин е сообраќајот на регионалниот пат Штип-Плачковица од 16 часот е прекинат.

The post Изгоре викенд-куќичка во пожарот што избувна на земјоделски површини во Карбинци appeared first on plusinfo.mk.

Трипуновски нагласи дека самиот закон има недостатоци кои што може да значат злоупотреба и манипулација со продажба на државното земјоделско земјиште, како и дека согласно членот 5 од законот се овозможува по истекот на 10 години тоа да се продаде или да се пренамени во градежно земјиште.

– Има многу скриени моменти во овој закон каде што се дозволува злоупотреба односно манипулација со ова наше природно богатство. Зборуваме за земјоделско земјиште кое што е необновлив извор. Членот 5 од Законот за земјоделско земјиште вели дека по истекувањето на 10 години истото може да биде продадено, дарувано, разменето, дадено под концесија за геолошки истражувања или експлоатација на минерални суровини и пренаменето во градежно земјиште. Тоа пластично значи дека ако некој си купи 10 хектари државно земјоделско земјиште по овие багателни цени кои што се предвидено во законот, по истекот на 10 години кои што е премногу краток период и истото може да го продаде или да врши експлоатација – рече Трипуновски.

The post Трипуновски: Законот за продажба на државното земјоделско земјиште ќе создаде нови олигарси appeared first on plusinfo.mk.

Со овој закон, како што беше најавено, ќе треба да се овозможи продажба на 20 отсто од државното земјоделско земјиште, а за тоа државата да инкасира 2,5 милијарди евра од веќе заинтересирани компании од станство.

И со овој закон, како и со претходните, предвидена е можност за продажба на земјоделско земјиште на странци главно државјани на земји од Европската Унија, но и странски лица и компании под посебни услови, односно преку сопственост на акции или удели во домашно правно лице доколку со сопственост се стекнат преку реализација на стратешки инвестиционен проект одобрен согласно Законот за стратешки инвестиции на земјата или да имаат сопственост во домашниот субјект пониска од 50 отсто.

Со овие инвеститори, како што пишува во Законот, продажбата ќе се врши со непосредна спогодба. Договорот за ваквиот вид на продажба на земјиштето го потпишува министерот за земјодлество под услови и за цена по метар квадратен утврдени со Законот со кој одобрува реализација на стратешки инвестиционен проект.

Иако беше најавено, сепак се отстапува од тоа дека нема да се дозволи новиот сопственик на земјиштето да го пренамени од земјодлеско во градежно. Ограничувањето за тоа, според нацрт-текстот на Законот е 10 години од купувањето иако и во тој период има можност за отстапки предвидени со Законот. Тоа може да се случи само ако новиот сопственик сака дел од земјиштето да намени за изградба на инвестиција поврзана со договорот за продажба. Сопственикот не може да го продава купеното земјиште, не може да го дарува, разменува или да го даде под концесија за геолошки истражувања или за експлоатација на минерални суровини. Но, и тука има отстапки кога се во прашање стечајната постапка, размената во процесот на консолидација на земјиштето или експропријација од страна на државата за објекти од јавен интерес. Притоа државата за експроприраното земјиште ќе треба да ја плати цената по која го продала тоа земјиште.

Законот не дозволува државата да продава земјоделското земјиште во државна сопственост ако е наменето за археолошко истражување, ако е дел од заштитено подрачје или ако го користат АРМ, МВР или Министерството за правда.

Продажбата на земјоделското земјиште во државна сопственост може да се врши преку јавен оглас, јавен повик, потоа преку постапка за продажба на технолошка целина, за консолидација на земјоделско земјиште или по пат на непосредна спогодба за реализација на стратешки инвестиционен проект одобрен согласно Законот за стратешки инвестици.

Почетната цена за продажба на земјоделско земјиште во државна сопственост за секој јавен оглас ја утврдува Владата во зависност од катастарската класа и катастарска општина во која се наоѓа земјиштето и не може да биде пониска од 0,20 евра кавадратен метар ниту повисоко од 1 евро. За земјиштето од прва и втора класа почетна цена се утврдува на 1 евро. Почетна цена од 0,50 евра се утврдува за земјоделско земјиште III и IV катастарска класа и 0,20 евра за земјоделско земјиште од V до VIII катастарска класа. Доколку земјоделското земјиште се наоѓа над 700 метри надморска височина, почетната цена се намалува за 30%.

Продажбата на земјиштето се врши врз основа на тригодишна програма за продажба на земјоделско земјиште во државна сопственост која ја донесува Владата, на предлог на Министерството за земјоделство. Предмет на програмата може да биде максимум 50.000 хектари од слободното земјоделското земјиште во државна сопственост.

„Во програмата треба да се застапени сите катастарски класи на земјоделско земјиште кои согласно евиденцијата во Агенцијата за катастар на недвижности постојат во државна сопственост и тоа на начин што ниту една катастарска класа нема да биде застапена со процент поголем од 50 отсто“, наведено е во нацрт-текстот на законот.

На јавен оглас или повик за продажба на земјодлеско земјиште може да се јави правно и физичко лицеако е државјанин на Република Северна Македонија, потоа правни лица кои се резиденти во кои сопственоста на акциите или уделите во процент од најмалку 51 отсто треба да биде во сопственост на физички лица државјани на земјава или правни лица резиденти кои не се подружници на странски правни лица. Треба да се носители на земјоделско стопанство и да ги имаат подмирено сите долгови кон државата вклучувајќи и даноци и придонеси или фирми што се во стечај и непрофитни организации.

Приходите од продажбата на земјоделското земјите, според Законот, се распределуваат во сооднос 49 отсто за Република Северна Македонија, 2 отсто за Министерството за покривање на трошоците за спроведување на постапките за продажба согласно овој закон и 49 отсто за општините, општините во градот Скопје и градот Скопје, во зависност од местоположбата на земјоделското земјиште кое е предмет на продажба. Општините од подрачјето на градот Скопје и градот Скопје, средствата ги распределуваат во сооднос 25 отсто за општината од подрачјето на градот Скопје и 25 отсто за градот Скопје.

Сумата наплатена од продажбата на земјиштто во тековната година се распределуваат на општините, општините во Град Скопје и Град Скопје кои имаат реализација на приходи од данок на недвижен имот над 80 отсто во однос на планираните во претходната година според податоците од трезорската евиденција. Доколку општините, општините во Град Скопје и Град Скопје ги немаат исполнето условите, средствата стекнати од продажба на земјоделско земјиште во државна сопственост се приход на Буџетот на Република Северна Македонија.

Од вкупно 557.662 хектари се класифицирани како обработливо земјиште 41 отсто односно 228.000 хектари (без пасишта) се во сопственост на државата.

Земјоделските здруженија веќе реагираа и на самата најава за продажба на земјоделското земјиште на таканаречените стратешки инвеститори со очекување да бидат консултирани при подготовка на законското решение.

Од Владата велат дека законското решение кое ќе биде изработено пред да се достави во владина постапка, ќе биде предмет на транспарентна и широка расправа и дискусија на која ќе бидат поканети да учествуваат сите заинтересирани невладини и владини организации.

Законот, велат од Владата, има цел да влијае позитивно врз развојот на земјоделскиот сектор и во никој случај нема да се одрази негативно на домашното земјоделско производство.

The post Странски стратешки инвеститори ќе купуваат земјоделско земјиште по цена од 1 евро за квадрат appeared first on plusinfo.mk.