Во второто тромесечје од 2026 година градежништвото порасна за големи 21,9% споредено со истиот период минатата година, објави на својот Фејсбук профил, заменик претседателот на Владата и министер за транспорт Александар Николоски.

Тој истакнува дека се завршени работи во вкупна вредност од 14,9 милијарди денари или приближно 242 милиони евра и оти растот на градежништвото е добар поддржувач на домашната економија.

„Овие бројки покажуваат дека политиките на Владата даваат резултати, инвестициите во: автопати, експресни патишта, железница, над 1200 проекти во општините, аеродроми ќе продолжат со уште позасилено темпо. Ја поставуваме државата вистинска стратешка раскрсница на Балканот. Ја градиме Македонија“, напиша заменик претседателот на Владата, Николоски.

The post РАСТОТ ОД 21,9% НА ГРАДЕЖНИШТВОТО Е ДОБАР ПОДДРЖУВАЧ НА ЕКОНОМИЈАТА Завршени се работи во вредност од 242 милиони евра appeared first on plusinfo.mk.

Во изминатите 10 квартали македонската економија бележи континуиран раст, а највисок раст е забележан во вториот квартал од годинава од 4,3% што зборува дека политиките што ги води владата се добри, изјави денеска на прес-конференција министерката за финансии Гордана Димитриеска Кочоска која додаде дека со овој раст македонската економија е петта по раст во Европската унија.

Државниот завод за статистика денеска објави дека ДВП во второто тримесечје од годинава порасна за 4,3% во однос на истиот период од 2025 година.

Таа оцени дека токму тој континуитет на растот е доказ дека економијата се движи во позитивна насока.

– Ако ја погледнеме целата патека, од 1,6% раст во првиот квартал од 2024 година денес сме на 4,3%. Уште поважно е што во сите десет последователни квартали во овој период економијата бележи позитивен раст, а во најголемиот дел од периодот стапките се движат околу и над 3 проценти. Тоа е суштината на овие податоци. Не зборуваме за раст во еден изолиран квартал, туку за континуитет на економскиот раст – рече Димитриеска- Кочоска.

Структурата на БДП, појасни, покажува дека растот има широка основа и е поддржан од повеќе сегменти на економијата.

– Особено силен импулс доаѓа од инвестициите. Бруто-инвестициите во вториот квартал бележат реален раст од 16,5% што укажува на засилена инвестициска активност во економијата. Позитивни се движењата и во надворешната трговија. Извозот на стоки и услуги реално е зголемен за 10,4%, што претставува дополнително забрзување во однос на растот од 6,2% во првиот квартал. Истовремено, увозот на стоки и услуги бележи раст од 12,5%. Растот на извозот е особено значаен, ако се има предвид дека се остварува во услови на релативно умерена европска економска активност и покажува зголемена активност на домашниот извозен сектор – рече министерката.

Позитивни резултати, дополни таа, се забележуваат и на производната страна.

-Градежништвото бележи силен раст од 21,9%, преработувачката индустрија расте за 4,1%, трговијата, транспортот и угостителството за 4,1%, а информациите и комуникациите за 4,3%.  Растот е поддржан и од домашната потрошувачка. Финалната потрошувачка реално расте за 2,8%, при што потрошувачката на домаќинствата е зголемена за 3,3% – информира Димитриеска – Кочоска.

Таа посочи дека според достапните податоци за вториот квартал од 2026 година, со економски раст од 4,3 проценти, Македонија е петта по стапка на раст меѓу европските земји за кои се објавени податоци. Повисоки стапки бележат Словенија со 5 проценти, Данска со 4,7 проценти и Малта со 4,5 проценти.

– Истовремено, растот на македонската економија е значително над просекот на Европската Унија од 1,2 проценти и еврозоната од 1 проценти. И во регионот нашата стапка на раст е меѓу повисоките. Растот од 4,3 проценти е повисок од растот во Србија од 3,8 проценти, Бугарија од 2,5 проценти и Хрватска од 1,7 проценти. Овој резултат добива дополнително значење ако се погледне поширокиот економски контекст – рече Димитриеска-Кочоска.

Историски, како што посочи, македонската економија повисоки стапки на раст остварувала во периоди на посилна европска економија, имајќи ја предвид силната трговска поврзаност на нашата економија со европскиот пазар. Денес растот од 4,3% на реална, односно 8,3% на номинална основа го остваруваме во поинакви услови – при умерен раст на европската економија, глобални неизвесности и геополитички ризици. Тоа, наведе таа, е особено значајно за мала и отворена економија како нашата, силно поврзана со европскиот пазар.

– Македонската економија забрзува и покрај предизвикувачкото надворешно окружување – нагласи Димитриеска Кочоска.

Таа потенцираше и дека позитивните движења има и кај индустриското производство и оти во услови на бројни надворешни ризици и ценовни притисоци, имаме значително смирување на инфлацијата.  Годишната стапка на инфлација од 4,8% во мај се намали на 3,4% во јуни и на 2,3% во јули. Тоа, укажа, е намалување од 2,5 процентни поени за само два месеца.

– Значи, од една страна имаме забрзување на економскиот раст, а од друга намалување на инфлацијата и смирување на ценовните притисоци. Тоа е големата слика што сакам денес да ја видиме – оцени министерката.

Таа рече дека Владата е посветена да постигне повисоки стапки на раст и уште подобри резултати за сите граѓани.

– Инвестираме во капитални проекти, го поддржуваме приватниот сектор и инвестициите, работиме на создавање подобро и попредвидливо деловно окружување и одговорно управуваме со јавните финансии. Бројките денес покажуваат дека економијата расте, економската активност забрзува и политиките што ги спроведуваме даваат резултати. Целта е економскиот раст да се преточува во повисок животен стандард за граѓаните, повеќе можности за компаниите, повеќе инвестиции и посилна и поконкурентна македонска економија – рече  Димитриеска Кочоска.

The post МАКЕДОНИЈА 10 КВАРТАЛИ БЕЛЕЖИ КОНТИНУИРАН РАСТ НА ЕКОНОМИЈАТА И Е МЕЃУ ПЕТТЕ ВО ЕВРОПА Димитриеска-Кочоска оцени дека растот на БДП е поддржан од повеќе сегменти на економијата appeared first on plusinfo.mk.

Според анкета на Светскиот совет за злато спроведена на 73 централни банки покажа дека се очекува 95% од нив  планираат  да ги зголемат своите резерви на злато во текот на следните дванаесет месеци, додека речиси три четвртини се очекува да ги намалат своите резерви во долари.

Особен интерес за купување злато пројавуваат централните банки во Азија и на Блискиот Исток.

Извештајот на Советот за вториот квартал од годинава покажува дека Централните банки во овој квартал го намалиле  темпото на купување злато. Тие купиле 166 тони во вториот квартал од 2025 година.

„И покрај ова забавување, купувањето на централните банки останува на значително покачени нивоа поради тековната економска и геополитичка неизвесност. Нашето годишно истражување на централните банки покажува дека 95% од менаџерите на резерви веруваат дека глобалните резерви на злато на централните банки ќе се зголемат во текот на следните 12 месеци“, се вели во Извештајот.

Вкупната понуда на злато во овој квартал е зголемена за за 3% на 1.249 тони, при што производството во руда достигна нов рекорд.

„Силните текови на инвестиции во злато во голема мера го поттикнаа кварталниот раст, бидејќи сè понепредвидливата геополитичка средина и ценовниот моментум ја одржаа побарувачката“ се вели во Извештајот.

Златото поскапи за 40% само оваа година, што ги одразува геополитичките тензии, очекувањата за висока инфлација и слабеењето на доларот.

Унца злато со тежина од 31,1 грам достигна рекордна  цена од 3.699 долари  пред два дена.

The post ЦЕНТРАЛНИТЕ БАНКИ НАЈАВУВААТ ЗГОЛЕМУВАЊЕ НА ЗЛАТНИТЕ РЕЗЕРВИ Само во вториот квартал тие купиле 166 тони злато appeared first on plusinfo.mk.

Во вториот квартал од годинава продадени се помалку станови од првиот квартал од годинава. Податоците што ги објави Агенцијата за катастар на недвижности за периодот од 1 април до 30 мај покажуваат дека во овој период продадени се 676 новоизградени станови од инвеститор, што е за 178 станови помалку во споредба со првиот квартал од годинава.

Во фаза на градба се 25.354 станови коишто се очекува да се најдат на пазарот на недвижности.

Најголем број продадени станови, според Регистарот на цени и закупнини на недвижности, има во општина Аеродром каде во вториот квартал се продадени 164 стана, а најголем број продадени куќи има во Битола односно 60 куќи.

Најголемата постигната цена за стан по метар квадратен е во општина Центар каде стан од 96 метри квадратни е продаден по цена од 260.000 евра или 166.563 денари (2708 евра) за квадратен метар.

Во вториот квартал од годинава забележани се и 150 продажби на гаражи и тоа во поголем број општини, а најголем број деловни простории се продадени во општина Центар (28).

Во вториот квартал во Регистарот на цени и закупнини регистрирани се 754 продажби од инвеститор од кои 676 се станови, 71 куќа, 5 гаражи и 2 деловни простора.

The post НАМАЛЕНА Е ПРОДАЖБАТА НА СТАНОВИ ВО ВТОРИОТ КВАРТАЛ Најскапиот стан е продаден во општина Центар appeared first on plusinfo.mk.

Oткупот и продажбата на земјоделските производи во второто тримесечје од 2025 година изнесуваат 3,6 милијарди денари, што во однос на истиот период лани е зголемување за 7,2 %, покажуваат податоците на Сржавниот завод за статистика (ДЗС).

Според овие податоци во  второто тримесечје од 2025 година кај откупот на земјоделски производи од индивидуалните производители е забележано зголемување за 26,4%, а кај продажбата на земјоделски производи од сопствено производство намалување за 5%.

Според податоците годинава е зголемен откупот и продажбата кај доматите. Лани во второто тримесечие биле продадени 6.827 тони, а годинава се откупени и продадени 7. 142 тони. Од овошјето пораст на откупот и продажбата има кај јаболката (191 тон годинава наспроти 88 тони лани во истиот период. Поголем откуп и продажба има и кај свињите. Лани се откупени и продадени  1.995 тон, а годинава 2.690 тони. Зголемување има и кај печурките. Годинава се продадени 60 тони, наспрема 39 тони кои биле откупени и продадени лани во второто тримесечје.

Во ова тримесечје драстичен пад на откупот и продажбата има кај пченицата од полјодлеските производи. Годинава се откупени и продадени 160 тони, а лани во истиот период 675 тони. Намалување има и кај млекото. Лини биле откупени 326.618 хектолитри млеко, а годинава 287. 868 хектолитри.

The post ЗЕМЈОДЕЛЦИТЕ ЗАРАБОТИЛЕ 59,5 МИЛИОНИ ЕВРА Нивните производи главно завршувале кај откупувачите appeared first on plusinfo.mk.

Премиерот Христијан Мицкоски очекува според последните индикатори во економијата во вториот квартал да има висок раст на домашниот БДП.

-Сите индикатори што се објавуваат за првиот месец од вториот квартал се вонредно високи, тоа е четврти квартал од оваа Влада, што може да укаже на тоа дека состојбата е стабилизира во рамките на нула, не велам дека имаме раст, но ако имаме предвид дека бевме длабок минус ние сме дојдени во состојба нула и сега треба да креваме – истакна денеска премиерот Христијан Мицкоски, на новинарско прашање за послдните податоци од Државниот завод за статистика за состојбата во прометот во индустријата.

Мицкоски посочи дека има раст во преработувачката индустрија од околу 6,6 %, како и дека расте прометот со трговијата во индустријата на меѓународниот пазар.

-Покрај растот на трговијата во индустријата од 6% она што мене ме радува е што расте преработувачката индустрија од 6,6%, расте прометот со трговијата во индустријата на меѓународнот пазар значи извозот тоа е  многу важно за прометот и тој многу повеќе расте од домашниот, домашниот има мислам има околу 1,5 пад, додека пак растот на прометот на трговијата во индустријата надвор е околу 7,5%. Да не го заборавиме параметарот издадени одобренија за градење во ноември има 38,9 % повеќе  во однос на лани во април. Туристите се некаде 20-тина проценти – рече Мицкоски.

Тој оцени дека ова се охрабрувачки сигнали, и рече дека воедно е забележан и раст на кредитите од страна на правните лица.

-Растот на кредитите, исто така од страна на правните лица е поголем за инвестиции во основни средства околу 16% и ова се параметри кои укажуваат дека во вториот квартал би требало да имаме еден извонредно висок раст на БДП. Да не бидам погрешно сфатен кога зборувам за БДП зборувам за нашиот не зборувам дека нашиот по куповна моќ или волумен на пари е трет или четврт, но кога зборуваме за раст процентуално  тогаш ние во првиот квартал бевме четврти во Европа, а ако продолжат овие трендови можеме да бидеме некое место погоре -рече Мицкоски.

The post ЕКОНОМИЈАТА ЌЕ ЗАБЕЛЕЖИ ВИСОК РАСТ ВО ВТОРИОТ КВАРТАЛ Мицкоски вели дека индикаторите укажуваат на тоа appeared first on plusinfo.mk.

И во вториот квартал од годинава банкарскиот сектор ја задржа својата стабилност, со подобрена солвентност, добра ликвидност и со задржан квалитет на кредитното портфолио, оцени Советот на Народна банка.

„Во вториот квартал од 2024 година, банките работеа во поповолно домашно макроекономско окружување, во време кога геополитичкиот контекст сѐ уште е нестабилен и создава неизвесност и зголемени ризици за следниот период. Притоа, во овој квартал растот на депозитите на банките беше поумерен, но тој и натаму е солиден и овозможува одржување на кредитниот раст, којшто малку забрза во вториот квартал од годината“, се вели во оценката.

Народна банка смета дека солвентноста на банкарскиот систем и натаму бележи тренд на подобрување, а стапката на адекватност на капиталот достигна ниво од 19%, коешто е највисоко од 2006 година наваму.

-Задржувањето на добивките остварени во минатата година овозможи натамошно зајакнување на капиталните позиции на банките, додека без малку 40% од сопствените средства на банкарскиот систем отпаѓаат на заштитните слоеви на капиталот или се „слободни” над потребното минимално ниво и може да се употребат за покривање на неочекуваните шокови и загуби. Повисоките показатели за солвентноста главно се темелат на распределбата на добивкaта од минатата година, а во голема мера се поддржани и од повисоките регулаторни и супервизорски барања за одржување повисок капитал од страна на банките, што пред сѐ е поврзано со заштитните слоеви на капиталот и капиталниот додаток утврден врз основа на супервизорска оцена – велат од НБ.

Се оценува и дека солвентноста на банкарскиот систем и натаму ќе се подобрува како резултат на зголемувањето  на противцикличниот заштитен слој на капиталот, што ќе почне да се применува во наредниот период.

Според НБ, ликвидноста на банкарскиот систем и натаму е на задоволително ниво, профитабилноста се подобри, но побавно од лани, додека кредитното портфолио на банките го задржа квалитетот.

Советот предупредува дека условите и натаму се неизвесни, а ризиците за светската и домашната економија на краток и на среден рок сѐ уште постојат.

– Оттука, потребна е натамошна претпазливост во управувањето со ризиците и во водењето на политиките, а Народната банка е подготвена да ги употреби сите неопходни инструменти и да презема соодветни мерки со коишто ќе се придонесе за задржување на стабилноста на девизниот курс, ценовните нивоа и на банкарскиот сектор – велат од НБ.

The post НЕ ГРИЖЕТЕ СЕ ЗА ВАШИТЕ ПАРИ ВО БАНКИТЕ Народна банка го оцени банкарскиот сектор за стабилен appeared first on plusinfo.mk.

Во вториот квартал годинава, поголем пораст е забележан во секторите: Уметност, забава и рекреација; Други услужни дејности; Дејности на домаќинствата како работодавачи; дејности на домаќинствата кои произведуваат разновидна стока и вршат различни услуги за сопствени потреби од 9,5%, а 8,7 % во Стручни, научни и технички дејности и Административни и помошни услужни дејности.

Статистичките податоци покажуваат дека финалната потрошувачка на домаќинствата, вклучувајќи ги непрофитните институции кои им служат на домаќинствата, во второто тримесечје од годинава, номинално пораснаа за 4,7%, а нејзиното учество во структурата на БДП изнесува 74,5%.

Во истиот период, извозот на стоки и на услуги номинално е намален за 3,4%, а увозот на стоки и на услуги забележа намалување во номинален раст од 5,2%.

Бруто-инвестициите во второто тримесечје од годинава бележат зголемување во делот на бруто инвестициите во основни средства, а намалување во промената на залихите.

БДП во првиот квартал изнесуваше 1,2%, а со ребалансот на Буџетот владата проектира раст на БДП за годинава од 2,1%.

The post БДП ПОРАСНА ЗА 2,3% ВО ВТОРИОТ КВАРТАЛ Кој е заслужен за растот? appeared first on plusinfo.mk.

Во споредба со крајот на 2019 година, кога започна прибирањето и објавувањето на овие податоци, „зелените кредити” се зголемени за 2,8 пати.

Состојбата на „зелените кредити” во билансите на банките изнесува 20,4 милијарди денари. За споредба, на крајот на 2019 година тие изнесувале 7,2 милијарди денари.

Според податоците на Народна банка, заклучно со второто тримесечје од 2024 година, на компаниите им се одобрени зелени кредити во износ од 19,4 милијарди денари, додека на домаќинствата изнесува 1 милијарда денари.

Расте и уделот на „зелените” во вкупните кредити, иако сѐ уште е на релативно ниско ниво. Oд крајот на 2019 година, заклучно со второто тримесечје од 2024 година, учеството на „зелените” во вкупните кредити е зголемено од 2,2 % на 4,5 %, колку што изнесува во последните три квартали.

„Зелените кредити” се заеми наменети за проекти коишто поддржуваат одржливи, еколошки цели, или цели коишто придонесуваат за зелената транзиција во општеството, како што се инвестиции во нова еколошка технологија.

The post ПОБАВЕН РАСТ НА ЗЕЛЕНОТО КРЕДИТИРАЊЕ ВО ВТОРИОТ КВАРТАЛ Колку се задолжија граѓаните и фирмите кај банките? appeared first on plusinfo.mk.

Според овие податоци, ист раст од 0,3% има и еврозоната.

На годишна основа, економијата на еврозоната во вториот квартал од 2024 година порасна за 0,6%  во однос на истиот квартал лани, а економијата на Европската унија за 0,7%.

Економијата на Германија, која е и водечка во ЕУ, забележа пад од о,1%.

Во Европа е тешко бидејќи потрошувачите никогаш не штеделе повеќе од сега, додека владите исто така ги ограничуваат трошоците за да ги намалат буџетските дефицити.

The post ЕКОНОМИЈАТА НА УНИЈАТА ПОРАСНА ЗА 0,3% Изненадува водечката економија на континентот appeared first on plusinfo.mk.