Пожарникарите во Србија со денови се борат со десетици пожари, во кои едно лице загина, а повеќе лица се повредени. Ситуацијата дополнително може да се влоши бидејќи од денеска во земјата пристигнува нов топлотен бран, проследен со јужен и југозападен ветер.

Ветерот значително им ја отежнува работата на пожарникарите и локалните служби на најкритичните точки, меѓу кои е и специјалниот природен резерват Делиблатско Песочиште. Во текот на ноќта повторно се разгорел и пожарот на планината Столови кај Краљево, каде што има повеќе активни жаришта.

Дополнителен проблем претставува ситуацијата во околината на Кладово. На дел од територијата на општината е прогласена вонредна состојба, откако пожарите почнаа да загрозуваат неколку села. Зафатена е површина од речиси 13 квадратни километри.

Од Републичкиот хидрометеоролошки завод на Србија (РХМЗ) предупредија дека временските услови за гаснење на пожарите значително ќе се влошат поради новиот топлотен бран и засилениот јужен и југозападен ветер.

Според метеоролозите, следува период со изразен недостиг од врнежи, што дополнително ќе придонесе за сушење на вегетацијата. Со тоа се зголемува и опасноста пожарите на отворен простор брзо да се шират и да зафатат нови површини.

Службите остануваат на терен и продолжуваат со гаснење и локализирање на пожарите, додека временската прогноза укажува дека условите во наредниот период нема да им бидат сојузник.

The post ДЕСЕТИЦИ ПОЖАРИ БЕСНЕАТ ВО СРБИЈА Едно лице загина, ветерот повторно ги разгорува жариштата appeared first on plusinfo.mk.

На вториот ден од Божиќ Белград осамна како под волшебна покривка од снег. Од Карабурма до Миријево, од центарот до Медаковиќ, белата тишина го замени вообичаениот градски метеж. Но, зад убавината се крие сообраќаен  хаос.

Повеќе автобуски линии беа пренасочени, а тролејбусите целосно запреа. Луѓето на социјалните мрежи реагираат дека снегот уште не е исчистен.

Возрасните брзаа на работа низ снежни блокади, додека децата се радуваа на снегот.

– Со години не се памети ваков снежен ден во српската престолнина – велат најстарите белграѓани.

Kolaps javnog prevoza na mnogim tačkama u Beogradu.

Ne očekujemo da sav sneg bude istog trenutka raščišćen, ali očekujemo iskrenost, odgovornost i posvećenost. pic.twitter.com/M50X6P9TUe

— Savo Manojlovic (@SavoManojlovic) January 8, 2026

Според информациите од Градското сообраќајно претпријатие, 1.445 возила биле на улиците, но не сите успеале да се движат според редовниот распоред. Делниците по улиците 17 Октомври и Адмирал Гепрат биле непроодни. Линиите 25, 26 и 42 се движеа скратено или по изменета траса, додека 78 и 83 се прилагодија на условите.

Beograd nikad nije bio u većem kolapsu zbog samo 20-30cm snega!
…jer vozila je 60 a radnika 30
pic.twitter.com/HiwpCK45ea

— Deda s leda (@DVangla) January 8, 2026

beograd totalno zatrpan snegom, jeste i dalje neutralni? pic.twitter.com/793D1fNOBT

— aleks (@cccrlybrtz) January 8, 2026

– Неколку линии мораа да бидат прекинати или пренасочени, особено во високите делови на градот – изјавија од ГСП за агенцијата Танјуг.

Од утрово, јави РТС, сообраќајот се нормализирал на некои делови откако возилата биле извлечени од улицата Тодора Дукина. Сепак, тролејбусите не сообраќаа, беа заменети беа со автобуси со исти броеви.

Снегот предизвика огромна штета и во селата низ Србија, кои се без електрична енергија веќе пет дена, а во некои дури и без вода. Вонредна состојба е прогласена на неколку места. И покрај сето ова, премиерот  на Србија вели дека засега нема потреба од итни мерки.

The post ЗИМСКАТА БАЈКА ВО БЕЛГРАД СЕ ПРЕТВОРИ ВО СООБРАЌАЕН КОЛАПС Снегот уште не е исчистен, граѓаните бараат одговорност appeared first on plusinfo.mk.