Украинските сили во текот на ноќта на 25 септември, наводно, погодиле руска рафинерија за нафта, која се наоѓа на околу 1.500 километри од границата со Украина, како и фабрика за електронски компоненти, објавија канали што ги следат воените активности.

Рафинеријата за нафта во Перм, според наводи на очевидци што ги пренесе телеграм-каналот „Exilenova Plus“, се запалила откако била цел на напад.

Perm another video pic.twitter.com/Cq6yKmGG2p

— Exilenova+ (@Exilenova_plus) September 25, 2026

Истовремено, во градот Улјановск била погодена фабриката „Искра“, која произведува електронски компоненти за комуникациска и радио-технологија, објави истиот канал.

Експлозии биле пријавени и во Воронеж, каде што руските сили ја активирале противвоздушната одбрана. Според „Exilenova Plus“, во нападот била оштетена фабрика за производство на синтетичка гума.

“I think they make microchips for missiles, actually.”
Sound on!

Lady Bavovna paid a visit to the Iskra plant in Ulyanovsk tonight.

The Iskra plant is a defense enterprise that produces important components for weapons, air defense systems, and military equipment.

Just… pic.twitter.com/UtmK7atOyX

— Natalka (@NatalkaKyiv) September 25, 2026

Рускиот независен портал „Astra“ објави и дека во Луганск била погодена и запалена голема продавница за градежен материјал.

Руските власти засега не се огласиле за наводните напади во овие градови, а „The Kyiv Independent“ наведува дека информациите не можел веднаш независно да ги потврди.

#Voronezh Ozon missed pic.twitter.com/M2MMJpFG5t

— C4H10FO2P (@markito0171) September 25, 2026

Украина редовно изведува напади врз воена инфраструктура длабоко на територијата на Русија, како и на територии под контрола на руските сили, во обид да ја ослаби способноста на Москва да ја продолжи војната.

Во текот на ноќта на 24 септември, украински дронови, според наводи на локалните власти, наводно нападнале складишта за нафта во Ростовската област и во Краснодарскиот крај.

JUST IN:

Ukrainian long-range drones struck Russia’s Perm oil refinery this morning, one of Russia’s largest refineries. The facility is now on fire.

The refinery is located around 1,500 km from Ukraine’s border and is one of 6 major refineries that together produce about half… pic.twitter.com/HDBAfHDzSo

— Current Report (@Currentreport1) September 25, 2026

Ден претходно, на 23 септември, дронови погодиле подрачје во близина на рафинеријата за нафта во Уфа, главниот град на руската Република Башкортостан.

Рускиот независен портал „Astra“, повикувајќи се на локални жители, објави дека нападот се случил во близина на рафинеријата. Уфа се наоѓа на околу 1.200 километри од украинско-руската граница.

The following facilities were attacked overnight:
– The Iskra Plant research and production enterprise in Ulyanovsk.
– The Permnefteorgsintez (PNOS) oil refinery in Perm.
– The Voronezhsintezkauchuk plant in Voronezh.
– The Stroytsentr shopping center in Luhansk. pic.twitter.com/JNcw59nVza

— EMPR.media (@EuromaidanPR) September 25, 2026

Во меѓувреме, Русија продолжува со смртоносните напади врз Киев и други украински градови. Во руски ракетен напад врз Киев во текот на ноќта на 24 септември загинале две лица, а осум биле повредени. Оштетени биле породилиште и станбени згради.

Russia. Voronezh. This is the reality of war. A double-edged sword is a type of edged weapon with blades on both sides, allowing for cutting and thrusting in any direction. The “Neo-Russian” style is characterized by open spaces that ensure free air circulation. Residents are… pic.twitter.com/QRM0oSWVg4

— Jarek (@Jarek2025) September 25, 2026

The post 📽️ РУСИЈА ВО ПЛАМЕН, ОДЕКНУВААТ ЕКСПЛОЗИИ Украински напади на 1.500 километри од границата, погодени погодени рафинерија и фабрики appeared first on plusinfo.mk.

Украина продолжи да ги напаѓа руските рафинерии и покрај предупредувањето од американскиот претседател Доналд Трамп да престане да го прави тоа. Украинските сили синоќа ја погодиле рафинеријата во Јарослављ, како и воен аеродром во Ростовската област.

„Синоќа, во заедничка операција на Безбедносната служба на Украина, Силите за беспилотни системи, Разузнавачката служба на Министерството за одбрана и Службата за надворешно разузнавање, била погодена рафинерија за нафта во Јарослав“, објави украинскиот претседател на социјалната мрежа Икс.

Тој додаде дека Безбедносната служба на Украина извршила напад врз воениот аеродром во Ростовската област, при што е  потврдена штета врз авиони Ан-12 и два Ан-26, како и на три хеликоптери.

Зеленски, исто така, соопшти дека украинските сили постигнале „добри резултати“ во Црното Море.

The post 🎥 ЗЕЛЕНСКИ НЕ ГО СЛУША ТРАМП, УКРАИНА ПАК НАПАДНА РУСКА РАФИНЕРИЈА Дрон ја погоди рафинеријата во Јарослављ appeared first on plusinfo.mk.

Командир на украинска јуришна единица со неоклопен пикап влегол во подрачје под постојана закана од руски дронови за да спаси двајца тешко ранети војници, откако беспилотно копнено возило кое било испратено по нив било погодено и онеспособено.

Украинската Здружена групација на сили на 16 август објави снимка од евакуацијата, наведувајќи дека станува збор за Владислав Полски, командир во 475. одделен јуришен полк „CODE 9.2“.

Двајцата украински јуришници претходно успешно зазеле руски позиции, но при повлекувањето биле нападнати од руските дронови „Молнија“. И двајцата биле тешко повредени и не можеле самостојно да се движат, соопшти украинската Здружена групација на сили.

За нивна евакуација било испратено беспилотно копнено возило (UGV), со што украинските сили се обиделе да ги извлечат ранетите без дополнително да ги изложуваат своите војници на опасност.

Роботизираната платформа стигнала до ранетите, но при враќањето била погодена од руски дрон и онеспособена на отворен терен.

Двајцата ранети војници останале покрај онеспособеното возило, во подрачје изложено на руско воздушно набљудување. Откако евакуацијата со роботизираното возило повеќе не била можна, Полски седнал зад воланот на пикапот и директно се упатил кон нивната позиција.

Снимката што ја објави Здружената групација на сили покажува како пикапот со голема брзина му се приближува на онеспособениот „UGV“ и застанува покрај него.

Полски потоа лично ги префрлил ранетите во возилото и ги извлекол од опасната зона.

Пикапот немал ниту оклопна заштита, ниту опрема за електронско војување која би го штитела од руските дронови. И двајцата ранети војници биле успешно евакуирани.

„Кога командирот на полкот го прашуваат зошто неговите војници ги изведуваат најтешките јуриши додека другите се двоумат, одговорот се наоѓа токму во ваквите постапки: војниците знаат дека нивните команданти не се кријат зад нив, туку се подготвени да дадат сè за да го спасат секој војник“, соопшти украинската Здружена групација на сили.

Украинските сили сè почесто користат беспилотни копнени возила за евакуација од подрачја изложени на руски оган.

Во мај, оператори од 1654. полк на беспилотни системи „Кракен“ користеле копнена роботизирана платформа во рамките на тростепена операција за евакуација на четворица цивили во близина на Лиман.

Цивилите потоа биле префрлени со чамец, по што биле предадени на медицинскиот персонал.

The post 📽️ ВЛЕЗЕ СО НЕОКЛОПЕН ПИКАП ВО ПЕКОЛОТ ОД РУСКИ ДРОНОВИ Украински командир спасил двајца тешко ранети војници appeared first on plusinfo.mk.

Русија соопшти дека во текот на ноќта нејзините системи за противвоздушна одбрана пресретнале и уништиле вкупно 315 украински беспилотни летала во повеќе региони низ земјата.

Според руското Министерство за одбрана, дроновите биле соборени над повеќе области, меѓу кои Белгородска, Брјанска, Воронежка, Курска, Ростовска и Тулска област, како и над Moscow, Краснодарскиот крај, Крим и Азовското Море.

Градоначалникот на Москва, Сергеј Собјанин, изјави дека бил пресретнат и трет дрон кој се движел кон руската престолнина. Тој додаде дека службите за вонредни состојби интервенираат на местата каде што паднале остатоците од беспилотните летала.

Засега нема официјални информации за евентуални жртви или поголема материјална штета.

Нападите со дронови врз руска територија зачестија во последните месеци, додека војната меѓу Русија и Украина продолжува со несмален интензитет.

The post РУСИЈА ПОД МАСОВЕН НАПАД СО ДРОНОВИ Соборени дури 315 летала, дел летале кон Москва appeared first on plusinfo.mk.

Украински напад врз руски град на Црното Море предизвика нафтена дамка во радиус од 77 километри. Градот Туапсе прогласи еколошка катастрофа. Мртви се делфини, а загадени се почва и вода.

Проруски канали ја споредиле ситуацијата со најтешките катастрофи во историјата.

„Ова е Хирошима, само без зрачење“, објавиле канали на Телеграм.

„Земјата, водата и воздухот се отруени“, напишал еден воен коментатор.

Илјадници кубни метри загадена почва и вода биле собрани, но загадувањето продолжува.

„Во некои области паѓа црн дожд, а воздухот е загаден со опасни честички“, се наведува во извештаите.

Измерени се високи нивоа на бензен, ксилен и саѓи. Предизвикан е нов пожар во рафинеријата, која веќе била тешко оштетена во претходни напади.

At least four fuel tanks are burning in Tuapse after the attack

OSINT analysts from “CyberBoroshno” say drones hit the refinery itself this time, not just the storage tanks as before.

There is a risk the fire could spread to nearby tanks. pic.twitter.com/pUwksPgiGa

— NEXTA (@nexta_tv) April 28, 2026

Станува збор за трет удар од украинските сили за помалку од две недели. Производството во објектот било прекинато.

Жителите пријавиле силни експлозии по 2 часот наутро. Пламен и густ чад се издигнале над градот.

„Пожарот е предизвикан од остатоци од дрон и нема жртви“, соопштиле регионалните власти.

Hell in Tuapse: authorities refuse to cancel school despite an environmental disaster

In the city, where an oil terminal has been burning for days, black rain is falling.

The concentration of harmful substances in the air exceeds the norm by 2–3 times. Residents report… pic.twitter.com/cvQBo0fl84

— NEXTA (@nexta_tv) April 23, 2026

Во гаснењето учествувале повеќе од 120 припадници на службите и десетици возила.

Еколошката штета станува сè поголема. На бреговите се пронајдени мртви делфини, риби и птици.

Граѓаните на социјалните мрежи ја обвинуваат власта дека ги минимизира последиците.

A key oil refinery in Russia’s Tuapse is reportedly burning after a new attack overnight. pic.twitter.com/A3yOgEaPH3

— UNITED24 Media (@United24media) April 28, 2026

„Луѓето гледаат сè, зошто велите дека се само остатоци?“, реагирал еден корисник.

Туапсе е важен индустриски и пристанишен град на Црното Море. Преку него се извезуваат нафтени деривати и суровини.

Рафинеријата е меѓу најголемите во Русија. Има капацитет од околу 12 милиони тони годишно.

The post 📽️ УКРАИНСКИ НАПАД ПРЕДИЗВИКА „РУСКИ ЧЕРНОБИЛ“ Градот Туапсе прогласи еко-катастрофа откако заврна црн дожд appeared first on plusinfo.mk.

Снимките од дрон кој удира во облакодерот „Грозни-Сити“ во срцето на Чеченија се автентични, пишува Би-Би-Си Верифај.

Претходно, проукраинските медиуми објавија за ударот пишувајќи дека, наводно, оштетени се повеќе катови, додека на 28. кат фасадата била целосно разурната.

Ројтерс на 4 декември ја објави изјавата на Рамзан Кадиров, лидерот на Чеченија кој изјави дека дрон удрил во покривот на зграда која се наоѓа специјален полициски режим и дека има жртви.

A drone strike hit the Grozny City complex early this morning, blowing out the facade of several upper floors in a tower that hosts key Chechen government offices. The blast occurred just down the road from Kadyrov’s palace. Russian channels blame intercepted UAVs, but the damage… pic.twitter.com/g26u07WEN8

— NOELREPORTS (@NOELreports) December 5, 2025

The post 📽️ УКРАИНЦИТЕ ГО ДУПНАА СИМБОЛОТ НА ЧЕЧЕНИЈА Дрон се заби во „Грозни Сити“ appeared first on plusinfo.mk.

Европската Унија направи катастрофални грешки со мигрантите, унгарскиот претседател Виктор Орбан не направи грешка и тој е почитуван од сите, а јас ќе го поддржам на претстојните избори во Унгарија, рече американскиот претседател Доналд Трамп на заедничката прес-конференција со унгарскиот премиер Виктор Орбан во Белата куќа.

– Мојот пријател Орбан врши фантастична работа. Тој е многу моќен човек во својата земја и е сакан. Тој раководи со навистина одлична земја и нема криминал. Ќе разговараме за трговијата меѓу нас. Ќе разговараме малку за Русија и за Украина. Ќе разговараме за енергијата и цените на енергијата кои во моментов во САД се многу ниски – рече Трамп.

Инфлацијата е речиси непостоечка, додаде Трамп, зборувајќи дека добро се справуваат со  затворањето на владата, што се случило затоа што „демократите се луди и им е гајле дали ќе ѝ наштетат на земјата“.

– Ние го одобривме отворањето на владата 14 пати, а тие продолжуваат да го отфрлаат тоа. И претпоставувам дека можеби повторно ќе го сторат тоа. Да видиме што ќе се случи. Тие сакаат да се случат многу лоши работи. Лоши работи за нашата земја. Нема да дадеме 1,5 билион долари на луѓе кои нелегално влегле во нашата земја. Нема да го направиме тоа. На луѓето што доаѓаат од затвори, од ментални институции, за дилери на дрога, тие сакаат да им пружат медицинска нега, 1,5 билион долари – рече Трамп.

Орбан рече дека се отвара ново поглавје во билатералните односи меѓу Унгарија и САД кои во време на демократската администрација беа уништени.

– Значи, по вашето заминување, претседателе, сè беше во основа блокирано, уништено, откажано, многу штета беше направена од претходната администрација. Во последните 10 месеци, претседателе, за она што го направивте, ние сме многу благодарни. Го вративте старото ниво на односите. Ги подобривте билатералните односи. Го поправивте она што беше лошо направено од претходната администрација. Значи, сега сме во доста добра позиција да отвориме ново поглавје. Да речеме, ова е златно доба меѓу САД и Унгарија и имаме многу предлози за економска соработка, воена соработка и за политичка соработка, а главното прашање, знаете дека сме соседи на Украина, која е во војна и тоа е најважното прашање за нас и би сакале да разговараме со вас како можеме да придонесеме за да ви помогнеме во вашите мировни напори – рече Орбан.

На новинарско прашање дали САД ќе направи исклучок за Унгарија во врска со нафтата што доаѓа од Русија Трамп рече секако.

– Го разгледуваме тоа бидејќи му е многу тешко да добие нафта и гас од други области. Како што знаете, тие немаат море. Тоа е одлична земја. Тоа е голема земја, но немаат море. Немаат пристаништа. И затоа, тие имаат тежок проблем. Постои друга земја што го има истиот проблем, патем. Но, кога ќе погледнете што се случи со Европа, многу од тие земји купуваат многу нафта и гас од Русија. И како што знаат, многу сум вознемирен од тоа бидејќи ние им помагаме, а тие одат и купуваат нафта и гас од Русија. Значи, тоа прашање би можело да се постави можеби попрецизно ако зборувате за многу европски земји, не нужно за Унгарија, затоа што Унгарија е во поинаква позиција, но многу европски земји купуваат нафта и гас од Русија и тоа е веќе со години. И јас се прашувам за што се работи – рече Трамп.

Орбан додаде тоа прашање е една од темите за разговор, јасно да се објасни какви би биле последиците за унгарскиот народ и за унгарската економија ако не добијат нафта и гас од Русија, затоа што снабдувањето е преку цевководи.

– Цевководот не е идеолошко, ни политичко прашање. Тоа е физичка реалност затоа што немаме поддршка, точно како што ви објасни претседателот. Затоа ќе преговараме за таа точка. Тоа е од витално значење за нас – рече Орбан.

На прашање дека Унгарија може да се снабдува преку цевководот од Хрватска, Орбан одговори дека треба да се одделат гасот и нафтата.

– Во врска со прашањето за гасот, што е многу важно за нас, зашто 90% од унгарските домаќинства користат систем за греење базиран на гас. Значи, имаме само еден цевковод што испорачува гас во Унгарија. Она што го добивме од Хрватска е дополнителен гасовод со многу мал волумен. Нафтата е друго прашање, доаѓа од цевководот ДУБА, кој е главен снабдувач, а тој е хрватски, кој е секундарен и дополнителен цевковод. Би сакале да ја убедиме хрватската влада да го прошири и да овозможи испорака на повеќе гас. Под овие околности, тоа не може да биде главен цевковод. Тој е само дополнителен. Но, подоцна, со некои големи инвестиции, би можело подобро да им служи на интересите на Унгарија – рече Орбан.

Новинар го праша Трамп дали се согласува дека оваа средба е симбол на зајакнувањето на новата конзервативна светска алијанса и како ја гледа иднината на Европа, имајќи ги предвид луѓето како Орбан кои се спротивставуваат на бриселската бирократија и глобалистичката агенда.

– Тој е одличен лидер и е почитуван насекаде, но тоа не значи дека е сакан од некои од лидерите. Но знаете дека тие лидери се покажаа како промашени. Ако го погледнете неговиот став за имиграцијата и за други работи, а потоа ако ја погледнете Европа, ќе видите дека во Европа направија огромни грешки во врска со имиграцијата. Тоа навистина им штети. А Орбан не направи грешка во врска со имиграцијата. Значи, тој е почитуван од сите. Некои го сакаат и можам да ви кажам дека го сакам и го почитувам. Јас сум негов двојник. Го сакам и го почитувам и така се води Унгарија. Тие се водени правилно и затоа тој ќе биде многу успешен на претстојните избори – рече Трамп.

Орбан побара да се дообјасни, затоа што англосаксонската терминологија е различна од европската, а употребата на категории може да создаде недоразбирања.

– Би сакал да бидам што е можно појасен. Ние сме единствената влада во Европа која се смета себеси за модерна христијанска влада. Сите други влади во Европа се во основа либерални левичарски влади. Затоа, од 2010 година се обидуваме да направиме нешто што е различно од она што другите го прават дури и на филозофско ниво и на ниво на пракса. Значи, ние сме еден вид посебен остров на различност во либералниот океан во Европа и се сметаме себеси за модерна христијанска влада. Тоа е соодветната категорија за да се опише она што го правиме – додаде Орбан.

Трамп рече дека разговарале и за средба со Путин, затоа што Орбан го разбира Путин и го познава многу добро. Додаде дека Орбан смета дека војната може да се заврши во не толку далечна иднина, на што унгарскиот премиер рече дека се цврсто убеден во тоа.

– Прашањето е дали ние, луѓето од Западот, сме обединети или не. Проблемот е што претседателот има огромни мировни напори кои се едноставно одлични и многу позитивни за европскиот континент и за сите народи на Европа . Но, во исто време, не сме обединети бидејќи Брисел и Европејците имаат различен пристап кон војната. Значи, единствената влада што е за мир е владата на Соединетите Американски Држави и малата Унгарија во Европа. Како и да е, сите други влади претпочитаат да ја продолжат војната, бидејќи многу од нив мислат дека Украина може да победи на фронтовската линија, што е погрешно разбирање на ситуацијата. Значи, тоа е комплицирано прашање. Ќе разговараме за тоа – рече Орбан.

Додад дека би било чудо Украина да ја добие војната, на што Трамп додаде: „Да, точно така“.

На прашање која е пораката на Трамп до ЕУ која сака да ги наметне своите политики кон Унгарија американскиот претседател рече дека треба да го почитуваат Орбан многу силно, бидејќи тој беше во право за имиграцијата.

– Погледнете што се случи со Европа со имиграцијата. И имаат луѓе што ја преплавуваат Европа насекаде и тоа ѝ штети. Стапките на криминал се многу зголемени. Се случуваат многу лоши работи. Стапките на криминал во Унгарија се многу ниски. И тие се исти како што беа секогаш, што е многу малку криминал. Бидејќи тој ја задржа Унгарија онака како што треба да биде. Европа, мислам, не сакам да навлегувам во поединечни земји. Сите тие се мои пријатели. Тие грешеа. Ја преплавуваат Европа со луѓе од целиот свет и Европа станува поинакво место. И постојано им велам на лидерите, подобро да престанат или повеќе нема да ја имате Европа. Тоа што го прават е многу опасно – рече Трамп.

Орбан додаде дека бројот на нелегални имигранти е нула, затоа што никој не може да влезе на територијата на Унгарија без да добие дозвола од унгарските власти.

– Ова е едноставна регулатива. Која е последицата од тоа? Ние сме под санкции, финансиски санкции од ЕУ затоа што не дозволуваме нелегалните миграанти да дојдат во Унгарија, а исто така и во ЕУ. Мора да платиме, само да ве информирам, мора да плаќаме секој ден по 1 милион евра како казна на бриселскиот буџет затоа што ги запревме мигрантите. Ова е апсурдниот живот што го живееме сега во Европа – рече Орбан.

The post ТРАМП ЌЕ ГО ПОДДРЖИ ПРИЈАТЕЛОТ ОРБАН НА ИЗБОРИТЕ ВО УНГАРИЈА Европа многу згреши околу миграцијата и целосно се смени, а Унгарија – не appeared first on plusinfo.mk.