Италијанската премиерка Џорџа Мелони за три дена ќе стане шеф на најдолговечната влада во повоената историја на Италија. Нејзиниот кабинет ќе наврши точно 1.413 дена на функцијата, со што за еден ден ќе го надмине досегашниот рекорд на Силвио Берлускони. Иако нејзината партија Браќа на Италија води во анкетите, политичкиот успех доаѓа во момент кога коалицијата се соочува со отпорот на опозицијата и со референдумски пораз за реформи во правосудството.

Во држава која со децении важеше за синоним за политичка нестабилност и смени речиси 70 влади за 80 години, Мелони успеа да го одржи истиот состав подолго од кој било нејзин претходник по Втората светска војна.

Пратеникот од нејзината партија Браќа на Италија, Марко Оснато, изјави за Франс прес дека овој резултат е повод за гордост. Според него, Италија има посилно влијание во Брисел, пред сè околу заострувањето на правилата за миграција и новите договори во енергетската политика.

Политичките аналитичари предупредуваат дека институционалниот рекорд не гарантира лесна победа на изборите закажани за 2027 година. Лоренцо Прељаско од институтот „ЈуТренд“ објаснува дека неодамнешниот неуспех на референдумот за правосудството испрати порака дека меѓу гласачите постои простор за алтернативно мнозинство.

Реформата на судот, зајакнувањето на премиерските овластувања и поголемата регионална автономија беа трите главни ветувања на десничарската коалиција. Опозицијата обвинува дека стабилноста не донесе суштински економски решенија, па политичкиот притисок врз премиерката расте токму кога нејзината влада влегува во историските книги.

The post ВЛАДАТА НА МЕЛОНИ, НАЈДОЛГОВЕЧНА ИТАЛИЈАНСКА ВЛАДА Претходно Италија смени 70 влади за 80 години appeared first on plusinfo.mk.

Владата предводена од ВМРО-ДПМНЕ во континуитет инвестира во капитални проекти кои се реализираат преку општините со цел поволностите од нив да ги почувствуваат сите граѓани во сите делови на државата, соопшти ВМРО-ДПМНЕ.

По позитивните резултатите што веќе ги дава првиот јавен повик за поддршка на општините, Владата објави втор, преку кои се создаваат услови за уште посилен инвестициски циклус и подобрување на условите и квалитетот на живот на граѓаните, додава партијата.

„Вкупно 18 милијарди и 449 милиони денари од унгарскиот кредит Владата им стави на располагање на општините преку двата јавни повика, наменети за реализација на инфраструктурни и капитални проекти. Ова не е само краткорочна политика, туку веќе станува модел во кој државата, преку децентрализација на средствата од централниот буџет, обезбедува финансиска поддршка, додека општините ги подготвуваат и предлагаат проектите согласно реалните потреби на граѓаните, со јасна цел, подобра инфраструктура, подобри јавни услуги и поквалитетни услови за живот“, соопшти ВМРО-ДПМНЕ.

Ваквите политики, се додава во соопштението, се од особено значење за помалите општини, кои имаат ограничени финансии, а сериозни инфраструктурни проблеми и потреби.

„Со цел да се создадат подобри услови за најмладите во општина Гази Баба, Владата додели финансиски средства за детска градинка во Инџиково и за спортска сала во основното училиште во Црешево. Со помошта на Владата во Центар се реконструира спортската сала „Работнички“, во Бутел се уредува и заштитува речното корито на Серава, во Чаир се гради водоводна и атмосферска мрежа, а во Гевгелија се реконструира Старата чаршија. Понатаму, во општина Аеродром, се уредува јавната површина зад ТЦ „Капитол“, во Охрид се гради катна гаража за да се реши деценискиот проблем со недостиг на паркинг места, во Ресен се реконструираат улици и се градат пешачки патеки, додека Кавадарци изгради нов модерен базен“, соопшти ВМРО-ДПМНЕ.

Ѓорче Петров со владините средства ќе гради нова детска градинка, Тетово ќе гради водоводна мрежа и ново средно училиште, додека Демир Капија ќе реконструира фудбалско игралиште и ќе гради нов тениски терен, најави партијата.

„Виница доби средства за партерно уредување на просторот кај градскиот пазар, Конче за изградба на фотонапонска централа на покривот на општинската зграда, а Куманово за изградба на краци од секундарната гасоводна мрежа на неколку улици“, соопшти ВМРО-ДПМНЕ.

Ваквите инвестиции во сите делови од државата имаат најдиректен ефект врз секојдневниот живот на граѓаните, затоа што тие секојдневно ги користат улиците, училиштата, детските градинки, јавните установи и комуналната инфраструктура, се додава во соопштението.

„Политиката на Владата предводена од ВМРО-ДПМНЕ е развојот да не остане концентриран само во најголемите градови, туку секоја општина мора да има можност да напредува, да инвестира и да ги решава проблемите што со години останале нерешени. Суштината на поддршката за локалната самоуправа е повеќе инвестиции, подобра инфраструктура и поквалитетен живот за граѓаните во секој дел од државата“, соопшти ВМРО-ДПМНЕ.

The post ГРАДИНКА ВО ЃОРЧЕ ПЕТРОВ, СРЕДНО УЧИЛИШТЕ ВО ТЕТОВО, ГАСОВОД ВО КУМАНОВО Владата го поттикнува развојот низ целата држава appeared first on plusinfo.mk.

Ставот на Владата е јасен и се темели на меѓународно утврдените правни факти. Ратко Младиќ е правосилно осуден за геноцид, злосторства против човештвото и за воени злосторства од надлежниот меѓународен суд, велат од Илинденска.

„Ставот на Далибор Китановиќ е негов личен став и е неприфатлив за Владата. Владата ги гради ставовите врз основа на интересот на државата и граѓаните. Кога таквиот став е изграден тогаш истиот се почитува од страна на сите поединци во Владата. Волунтеризам е неприфатлив и Владата ќе побара од Китановиќ да го повлече ставот. Доколку Китановиќ не се согласува со политиките на Владата очекуваме негово повлекување од позицијата која ја извршува“, велат од Владата.

Актуелниот директор на Агенцијата за остварување на правата на заедниците, Далибор Китановиќ, објави скандалозна објава со која се велича осудениот воен злосторник Ратко Младиќ. Објавата се појави на неговиот профил на Инстаграм по смртта на поранешниот командант на Војската на Република Српска, кој почина во Хаг додека издржуваше доживотна затворска казна.

Китановиќ објави фотокомпозиција, очигледно изработена со вештачка интелигенција, на која Младиќ е прикажан заедно со повеќе личности од српската историја. Меѓу нив е и четничкиот командант Дража Михајловиќ, а врз композицијата со големи букви е напишано: „Генерали на небеската војска“. Со тоа крвникот од Сребреница е сместен меѓу личности претставени како национални херои и митски заштитници на српскиот народ.

The post КИТАНОВИЌ ДА ГО ПОВЛЕЧЕ СТАВОТ ЗА РАТКО МЛАДИЌ ИЛИ ДА СИ ЗАМИНЕ Владата има јасен став и не прифаќа волунтаризам appeared first on plusinfo.mk.

Опозициската СДСМ не може да се помири дека Македонија има најевтини нафтени деривати и најниска инфлација од земјите во регионот, тврди ВМРО-ДПМНЕ во соопштение.

Според ВМРО-ДПМНЕ, во време на една од најголемите светски кризи предизвикани од немирите на Блискиот Исток, Македонија успева да ги задржи цените на нафтените деривати на најниско ниво од сите земји во регионот.

„Тоа не дојде само по себе, туку тоа е директен резултат на мерките преземени од Владата предводена од ВМРО-ДПМНЕ.

Паралелно на тоа состојбите со цените на производите постојано се следи, а тоа се гледа и по последните резултати објавени од ДЗС кои велат дека инфлацијата во државата, која во континуитет се намалува, сега изнесува 2,3%.

СДСМ, да имаа идеи за добри мерки, немаше во нивно време на власт инфлацијата да руши двоцифрени рекорди со 16%“.

Според ВМРО-ДПМНЕ, ако СДСМ сака да направи нешто корисно, како што велат, „нека седи, гледа и учи како се следат состојбите, како се води држава, како се развива економијата, и како се работи во интерес на граѓаните и државата“.

The post СДСМ НЕКА СЕДИ, ГЛЕДА И УЧИ Македонија има најниска инфлација и најевтини деривати во регионот appeared first on plusinfo.mk.

Владата на денешната седница донесе одлука со која се намалуваат цените на училишниот прибор во периодот од објавувањето на одлуката во Службен весник, односно од денеска, заклучно со 30 септември 2026 година.

Одлуката, како што изјави денеска портпаролката на Владата Марија Митева, има за цел да им се помогне на семејствата, да се намалат трошоците и да се заштити животниот стандард на граѓаните.

– ​Со оваа одлука, трговците на големо се задолжуваат цените на училишниот прибор да ги намалат за најмалку 10 отсто, додека пак, трговците на мало се задолжуваат да обезбедат намалување од најмалку 15 проценти – изјави Митева.

​Мерката опфаќа широк спектар на производи кои се неопходни за почетокот на учебната година: ранци и ташни; тетратки, блокови, колажи, моливи и пенкала; боички, пластелин, теста за моделирање, подлоги, фломастери и текст маркери; темперни, акрилни и водени бои и четки; ​линијари и дидактички материјали; ​острилки и гуми за бришење; ​детски ножици, футроли, лепила, шестари; ​дигитрони, украсна хартија, папки и картонски ташни.

Тука спаѓаат и материјали за изработка, практично сè што е потребно за стартот на учебната година.

– Особено важно е што со одлуката се обезбедува и транспарентност во однос на намалувањето. Трговците се должни, покрај новата намалена цена на производот, да ја прикажат и старата цена која важела на 1 јуни 2026 година, затоа што токму оваа цена се зема како базична врз основа на која се утврдува намалувањето, нагласи Митева.

Таа потсети дека одлуката важи од денот на нејзиното објавување до 30 септември 2026 година и тоа значи дека во овој период граѓаните треба да имаат можност да ги набават производите опфатени со мерката по намалени и јасно означени цени.

-​Ова е конкретна мерка насочена кон директна поддршка на семејствата во период кога имаат зголемени трошоци за подготовка на децата за новата учебна година. Намалувањето на цените на училишниот прибор е уште еден чекор во насока на заштита на животниот стандард на граѓаните, како и намалување на притисокот врз семејниот буџет. Нашата цел е јасна: родителите да можат да го обезбедат потребниот училишен прибор за своите деца по пониски цени, со јасно прикажана базична, но и намалена цена и со правила кои важат подеднакво за сите трговци, рече Митева во изјава пред Владата по владината седница.

The post УЧИЛИШНИОТ ПРИБОР ЌЕ БИДЕ ПОЕВТИН ЗА НАЈМАЛКУ 15 ОТСТО Владата им наложи попусти на трговците appeared first on plusinfo.mk.

Повеќе од 12 милиони евра се проектите што Владата ги финансира во Прилеп преку програмата за децентрализација на средства од централниот буџет кон општините, изјави денеска премиерот Христијан Мицкоски.

Мицкоски посочи дека програмата опфаќа повеќе од 1.200 градилишта во општините низ државата, оценувајќи дека проектите треба да придонесат за подобрување на квалитетот на животот на граѓаните.

– Овие проекти се многу значајни за сите општини во Македонија. Ова што го кажа градоначалникот на Прилеп, но и потпретседателот на Владата и министер за транспорт, дека со овие проекти додаваме вредност и го зголемуваме квалитетот на живот, е вистина – рече Мицкоски.

Тој додаде дека за Прилеп преку оваа програма се издвојуваат повеќе од 12 милиони евра, а на овие средства треба да се додадат и инвестициите што ги обезбедува самата Општина Прилеп, како и средствата од други владини програми и министерства.

– Тогаш доаѓаме до една огромна бројка и огромна бројка на проекти коишто ќе имаат за задача да го подобрат квалитетот на живот во Прилеп – изјави премиерот.

Мицкоски им се заблагодари на градоначалникот на Прилеп, советниците и пратениците од овој град за, како што рече, нивниот ангажман околу реализацијата на проектите.

Тој упати благодарност и до министрите и другите институции кои учествуваат во реализацијата на инвестициите.

– Нашата цел како Влада уште на самиот почеток беше да испорачаме што е можно повеќе проекти во рамките на нашите можности со коишто ќе го подобриме онолку колку што можеме квалитетот на живот на нашите сограѓани – рече Мицкоски.

Премиерот порача дека проектите треба да се реализираат во предвидените рокови и да бидат ставени во функција за граѓаните.

– Би посакал да се движиме во рамките на роковите коишто се зададени за да овие проекти бидат пуштени во употреба и ја имаат својата полна намена – додаде Мицкоски.

The post НАД 12 МИЛИОНИ ЕВРА ВЛАДИНИ ПАРИ ЗА ПРИЛЕП Мицкоски вели дека инвестициите треба да го подобрат животот на граѓаните appeared first on plusinfo.mk.

Владата интервенираше уште  од првиот ден откако се појави проблемот со водоснабдувањето на Гостивар, вели Ивица Томовски, директор на Службата за општи и заеднички работи.

На граѓаните на Гостивар во континуитет им беа доставувани најмалку по два шлепери вода дневно, односно околу 70 тони.

– Се издвоија околу 6 милиони денари (околу 97.000 евра) за целата оваа постапка. Можам да кажам дека во континуитет доставуваме по два шлепери, некогаш имаше и одредени поголеми количини, бидејќи имаше и компании коишто донираа дополнителни количини вода. Мислам дека покривме целосно за граѓаните, беше доволно, бидејќи кон крајот, како завршуваа деновите, дел од граѓаните имаа обезбедено и поголеми количини во своите домови – рече Томовски.

The post СЕКОЈ ДЕН ГОСТИВАРЦИ ДОБИВАА ПО 70 ТОНИ ВОДА ЗА ПИЕЊЕ Владата за оваа намена потроши 97.000 евра appeared first on plusinfo.mk.

Претседателот на Владата, Христијан Мицкоски, денеска, одговарајќи на новинарско прашање каква е споредбата на растот на јавниот долг и БДП во двата периоди, на владеењето на Владата на СДСМ и ДУИ и Владата на ВМРО-ДПМНЕ, ВРЕДИ и ЗНАМ, истакна:

– Кога водите еден процес, и во политиката мора да правите компаративна анализа. Ако не правите компаративна анализа, тогаш лутате во магла и не знаете каде ќе стигнете. Јас се обидов вчера да направам една компаративна анализа на неколку клучни параметри во економијата: еден од нив е јавниот долг, а втор е БДП. Со БДП можете да ја оцените силината на една држава, а состојбата на бруто-јавниот долг е практично колку сте позајмиле и вистински сте ги вложиле тие пари за да генерирате подобри економски резултати. Што е заклучокот? Ако се спореди периодот на претходната влада на СДСМ и ДУИ со периодот на оваа Влада на ВМРО-ДПМНЕ, ВРЕДИ и ЗНАМ, тогаш ќе дојдеме до следните параметри: за трипати пократок период БДП пораснал за 120 милиони евра повеќе. Значи, за 120 милиони евра БДП за овие две години е поголем отколку за претходните шест години од претходната влада. Притоа, јавниот долг е зголемен за нешто помалку од трипати. За нешто помалку зголемен јавен долг, а за трипати пократок период имаме зголемен БДП. Со други зборови — три спрема еден. Отприлика таков е и односот на рејтинзите на политичките партии, но такви се и резултатите во економијата. Дали е тоа доволно? Не. Дали треба уште да се работи? Да. Но, имајќи предвид дека до пред три години бевме убедливо на дното во регионот, сега сме на прво или второ место кога станува збор за овие параметри.

The post 120 МИЛИОНИ ЕВРА ПОВЕЌЕ ВО БДП ЗА ТРИПАТИ ПОКРАТОК ПЕРИОД Мицкоски направи споредба меѓу актуелната и претходната влада appeared first on plusinfo.mk.

Демократската унија за интеграција со соопштение ја поздрави подготвеноста што ја изрази премиерот Христијан Мицкоски за одржување предвремени парламентарни избори, доколку тоа го побара опозицијата.

„Го бараме тоа. Конечно и премиерот разбра дека оваа состојба е неодржлива и дека на државата ѝ е потребен нов политички мандат.

Владата го загуби легитимитетот да продолжи со европската изолација, влошувањето на меѓуетничките односи, нарушувањето на Охридскиот договор и слабеењето на застапеноста на Албанците во институциите.

Затоа ДУИ бара изјавата на премиерот веднаш да се претвори во конкретно дејствување.

Бараме во наредните денови да се утврди најбрзиот уставен рок, да започнат изборните подготовки и на граѓаните да им се даде можност да одлучат за насоката во која ќе се движи државата.

Доколку понудата на премиерот е сериозна, нема причина за одложувања, изговори или политички калкулации. Опозицијата го даде својот одговор. ДУИ е подготвена. Да се распушти Собранието, да се определи датумот, да одиме на избори“ – се вели во соопштението на ДУИ.

The post ДУИ ПОВИКУВА НА ПРЕДВРЕМЕНИ ПАРЛАМЕНТАРНИ ИЗБОРИ Да се распушти Собранието, да се определи датумот appeared first on plusinfo.mk.

Проблемот со водата во Гостивар е под надлежност на локалната власт, градските водоводни системи, како и гостиварскиот водовод, се под директна ингеренција на општината, реагира ВМРО-ДПМНЕ на соопштението од СДСМ.

„А, СДСМ во Гостивар е коалиција и дел од локалната власт, за што и самиот Венко Филипче си кажа кога бараше што поголем број партиски членови да се мобилизираат за да гласаат на локалните избори за Валбон Лимани. Затоа што заедно се дел од власта, СДСМ не бара ниту оставка, ниту го повикува на одговорност Лимани“, се вели во реакцијата.

Надлежните истражни органи водат постапка, целиот случај се истражува, а во предметот веќе се опфатени и веќе се приведени раководители на комуналното претпријатие под чија надлежност е снабдувањето на гостиварци со безбедна вода за пиење, додава ВМРО-ДПМНЕ.

„Тоа што беше под надлежност на централната власт, во најкус можен рок беше преземено, што резултираше за нецели четири недели градот да се врати во нормала со безбедна питка вода и целосно исчистен водоводен систем. И кога СДСМ зборува за шишиња вода, повторно ги прашуваме, колку шишиња вода однесоа во Гостивар во моментите кога на граѓаните им беше најтешко. Нормално, ниту едно. Додека СДСМ беше зафатен со ширење хистерија и броење чешми низ државата, Владата предводена од ВМРО-ДПМНЕ од прв момент беше со граѓаните на Гостивар и ги презема сите мерки за надминување на кризата, а гостиварци секој ден бесплатно ги снабдуваше со вода. Оттука многу јасно е дека срамот е единствено на талогот на СДСМ. Освен хистерија, конструкции и паника, граѓаните на Гостивар од нив не видоа ни една капка вода“, се вели во реакцјата на ВМРО-ДПМНЕ.

СДСМ денеска сооопшти дека ВМРО-ДПМНЕ во Гостивар ќе слави годишнина од основањето на општинскиот комитет и ја обвини дека „го отрула целиот град“.

The post СДСМ САМО ШИРИ ХИСТЕРИЈА И ПАНИКА ВО ГОСТИВАР Со конкретни мерки Владата ја надмина кризата со водата за пиење appeared first on plusinfo.mk.