Жељко Керум, поранешен градоначалник на Сплит, беше уапсен синоќа по наредба на УСКОК, објави порталот „Индекс.хр“.

Апсењето е поврзано со истрагата за таканаречената афера „Коноба пршут“, која се однесува на угостителски објект во сопственост на Керум во Каштел. Во случајот се вклучени и неколку други лица блиски до Керум. Сè уште не е познато за кои конкретни кривични дела се товарат.

Керум бил уапсен во Вела Лука на Корчула, каде што присуствувал на настан посветен на Оливер Драгоевиќ. Меѓу уапсените се и внукот на Керум, како и Андрија Полиќ, поранешен виш стручен соработник за просторно планирање и градежништво во градот Каштел.

Порталот „Телеграм“ на почетокот на мај објави сторија за ресторанот „Пршут“, кој Керум неодамна го отвори во Каштел, во кој се тврдеше дека ресторанот и придружниот комплекс, кој вклучува базен, машинска просторија, капела и други објекти, се изградени нелегално.

Градежната инспекција ја утврдила нелегалната градба и наредила нејзино отстранување, но тој не бил урнат. Напротив, Керум продолжил да го проширува комплексот, и тоа на особено вредно обработливо земјиште. Овие градежни активности биле овозможени откако градските служби во Каштел издале решение за легализација, кое, според „Телеграм“, не одговара на фактичката состојба на терен.

Во следната статија, „Телеграм“ се занимаваше со одморалиштето „Перла“ во Рогозница, луксузен крајбрежен комплекс кој вклучува хотел, апартмани, вили, базени, ресторан и други објекти. Порталот напиша дека Керум нелегално градел и на неколку катастарски парцели на таа локација и наведе дека самиот Керум го признал тоа, наведувајќи дека „така се чувствува подобро“.

Во друга статија, „Телеграм“ објави дека Керум изградил пристаниште за јахти на поморскиот домен во Рогозница пред повеќе од 12 години, спроти одморалиштето Перла, кое со години се рекламирало како марина.

Порталот објави дека Високиот административен суд конечно пресудил дека постапката за доделување концесија е нелегална. По објавувањето на статијата, Министерството за море, транспорт и инфраструктура ја забрани употребата на пристаништето и нареди негово отстранување од поморскиот домен.

Керум, кој беше градоначалник на Сплит од 2009 до 2013 година, и претходно имаше проблеми со правосудните органи. Кон крајот на 2025 година тој помина две недели во затвор откако беше приведен поради серија тешки сообраќајни прекршоци и предизвикување сообраќајна несреќа додека управувал возило без важечка возачка дозвола.

The post УАПСЕН ПОРАНЕШНИОТ ГРАДОНАЧАЛНИК НА СПЛИТ Жељко Керум направил империја од нелегални градби appeared first on plusinfo.mk.

Работите на автопатот Прилеп-Битола добро напредуваат, дел од него ќе стане реалност до следната пролет, а целосно ќе биде готов во 2029 година, но се соочува со една опструкција – изјави вицепремиерот и министер за транспорт и врски Александар Николоски во настап на поткаст на порталот Курир.мк.

– Станува збор за десетина сопственици на диво изградени вили и хациенди со базени во околината на Прилеп. Имајќи предвид дека на целата траса помеѓу Битола и Прилеп затоа што е рамничарска положбата, поминува низ Пелагонија, не може да се најде материјал, народски кажано тампон, со кој што може да се гради овој автопат. И локацијата е во близина на месноста Ореовец. Таму има десетина буџовани кои ги штитат своите хациенди и вили и не му дозволуваат на изведувачот да пристапи кон наоѓаиштето иако на приватниот изведувач кој што има во соседството наоѓалиште, него му дозволуваат – рече Николоски.

Вицепремиерот вели дека штетата може да биде навистина голема. За него е јасно дека таму има агенда.

– Да знае јавноста дека штетата по однос на државниот буџет може да достигне до 100 милиони евра имајќи предвид дека сега сме приморани да купуваме материјал од приватни каменоломи и да плаќаме за неговиот транспорт. Кога ќе ја пресметате цената на материјалот и на транспортот може да стигне до 100 милиони евра кои што можеме да ги вложиме за целиот регион да се трансформира, а ние треба да ги даваме по приватни џебови. Јасно е таму дека има агенди, само се прашувам дали се агендите бизнис и политички или се само бизнис – рече тој.

Николоски очекува во најбрзо време да се отстрани таа блокада и да се почне и таму со работа.

The post 100 МИЛИОНИ ЕВРА ЌЕ НЀ ЧИНАТ БЛОКАДИТЕ ОД ДЕСЕТИНА ГАЗДИ НА ДИВОИЗГРАДЕНИ ВИЛИ СО БАЗЕНИ Вицепремиерот Николоски за опструкциите во изградбата на автопатот Прилеп-Битола appeared first on plusinfo.mk.

Грција останува најпосакуваната летна дестинација за македонските граѓани, но оваа сезона туристите ќе се соочат со нови правила кои стапија на сила. Македонците, како едни од најчестите гости во соседството, ќе треба да бидат подготвени на нови обврски при своето летување.

Грчките власти воведоа дополнителен надоместок за престој, како дел од мерките за заштита на локалното културно наследство и инфраструктурата, која трпи под големиот притисок на масовниот туризам.

Како што информираат од грчките институции, данокот за престој ќе се наплатува во зависност од видот на сместувањето и времето од годината. Тој ќе биде повисок за време на главната туристичка сезона, а ќе се наплатува по соба или сместувачка единица, без разлика на бројот на лица кои престојуваат.

Новина за ова лето е и воведувањето на дополнителен надоместок за патниците кои пристигнуваат со крстосувачки бродови на најпопуларните острови како Санторини и Миконос, каде што притисокот на туристите станал сериозен проблем. Само на Миконос, во еден ден во август минатата година, пристигнале 20.000 патници од осум крстосувачки бродови, што ја потврдува потребата од нов начин на управување со туристичките текови.

Собраните средства од новите давачки ќе бидат искористени за подобрување на одржливоста, обновување на инфраструктурата и решавање на еколошките проблеми на туристичките дестинации.

Иако цените на новите даноци варираат, важно е македонските туристи да бидат информирани дека овие надоместоци ќе се плаќаат директно на местото на престој или при пристигнување на одредени дестинации.

Грчките власти најавија и разгледување на воведување дигитален систем за контрола на бројот на крстосувачки бродови, со цел да се намали притисокот врз најпопуларните острови, но овој систем сè уште чека на парламентарно одобрување.

Колку ќе изнесуваат новите даноци во Грција?

Износот на данокот зависи од видот на сместување и времето од годината, а во текот на главната туристичка сезона, данокот се наплаќа по ноќ и ќе изнесува:

Хотели со 1-2 ѕвезди: 2 евра
Хотели со 3 ѕвезди: 5 евра
Хотели со 4 ѕвезди: 10 евра
Хотели со 5 ѕвезди: 15 евра

Апартмани, соби, апартмани (вклучувајќи Airbnb): 8 евра

Куќи и вили поголеми од 80 м²: 10 евра

Надвор од сезона (ноември – март), износите се значително пониски:

Хотели со 1-2 ѕвезди: 0,50 евра
Хотели со 3 ѕвезди: 1,50 евра
Хотели со 4 ѕвезди: 3 евра
Хотели со 5 ѕвезди: 4 евра
Апартмани и соби: 0,50 евра
Куќи и вили: 4 евра

Данокот се наплаќа по соба или сместувачка единица, а не по лице, што значи дека семејствата и поголемите групи можат да добијат подобра понуда.

Данок за патници од крстосувачки бродови

Новина е и надоместокот за патниците што пристигнуваат со крстосувачки брод, имено:

Санторини и Миконос: 20 евра по лице, на ден
Други острови и Атина: 5 евра по лице, на ден

ГРЦИЈА ВОВЕДЕ СТРОГО ПРАВИЛО ОД 1 АПРИЛ Пред да одите на море погледнете што не треба да правите

The post ОДМОРОТ ВО ГРЦИЈА ЌЕ НЀ ЧИНИ ПОСКАПО Еве колку чини таксата по ноќ appeared first on plusinfo.mk.

Странските медиуми објавија дека ќерката на некогаш моќниот казахстански претседател купила авион вреден 25 милиони долари, куќа од 8.75 милиони фунти во Лондон, па дури и приватна банка.

Назарбаева им дала упатства на двајца професионални финансиски советници да купат раскошни куќи, банка и луксузен авион, откако ги префрлиле парите во сложена мрежа на оф-шор компании што се протега од Лихтенштајн до британските Девствени Острови, пренесува британски Телеграф.

Британскиот медиум објави дека убавата Алија му наредила на својот тим да купи и имот во Дубаи во вредност од 14 милиони долари, вклучувајќи и вила на елитниот остров Палм Џумеирах.

The post ЌЕРКАТА НА НАЗАРБАЕВ ИМАЛА ГОЛЕМИ АПЕТИТИ Купила авион, банка и луксузни куќи appeared first on plusinfo.mk.

Во населбата се планирани шест различни типови куќи, според потребите на купувачите, ќе има дополнително 400 паркинг места, а во близина најавуваат парк од 5.000 метри квадратни кој ќе служи на сите граѓани, а во склоп на комплексот планирана е изградба на хотел и фитнес и спа-центар.

Во населбата се нуди високо ниво на безбедност од специјализирани служби како и следење 24 часа, преку сигурносните камери, вез нарушување на вашата приватност. Се нудат и додатни здравствени услуги, најсофистицирани во регионот, кои ќе бидат на услуга 24/7. Здравствената услуга вклучува: стоматологија, интерна медицина, општа медицина.

Во комплексот се планира да има детски игралишта, спортски терени, интернет, маркет, ресторани со традиционална кујна, пошта, банка, библиотека и книжарница, градинка, надворешен амфитеатар, спа-центар, фонтана, поликлиника, хелиодром, мини кино и друго.

На свеченоста присуствуваа премиерот Зоран Заев, претседателот на Собранието Талат Џафери, лидерот на Демократска унија за интеграција Али Ахмети, градоначалниците на Град Скопје и на Општина Сарај, Петре Шилегов и Блерим Беџети.

Премиерот Зоран Заев истакна дека исклучитекно значајно е тоа што градбата на целиот станбен-деловен комплекс зафаќа само околу 20 проценти од вкупната површина, а остатокот од 80 проценти припаѓа на зеленилото и природата.

– Креаторите на комплексот Планет се прилагодиле на природата и на еколошката функционалност на теренот и во средината на комплексот е централниот парк кој всушност го претставува веќе постоечката шума на границите на локацијата занеговата изградба. Вредоста на оваа инвестиција од 28 милиони евра е сериозно раздвижување и придонес и за нашата вкупна економија и затоа проектот ги заслужува сите пофалби и охрабрувања. Ова дополнително потврдува дека Северна Македонија е добро место за инвестиции. токму овој проект Планет е потврда за тоа што ние најмогу го посакуваме, а тоа е да си ги вратиме нашите луѓе дома, да бидат дома, да инвестираат дома, да го фонесат знаењето стекнато во светот и да го реализираат токму тука, на најубавото место на планетата – република Северна Македонија – рече Заев.

Спикерот на Собранието Талат Џафери истакна дека овој проект да биде поттик и за другите бизнисмени што живеат надвор од државата и порача тие да се вратат не како печалбари, туку засекогаш да се вратат во нашата земја.

Претседателот на ДУИ Али Ахмети рече дека подобра земја од нашата не видел и посочи дека се се постигнува со работа.

– Да создаваме можности, сме создавале услови бизнисмените да се вратат во нашата земја кои придонесуваат со отворањето на нови работни места. Во наши раце и можности оваа земја да ја промениме, оваа земја да ја направиме поубава и подобра од тие што ни ја оставиле во наследство, бидејќи живееме во време со многу напредување како во образование така и во науката за да им го направиме оваа земја среќна за живеење на новите генерации и тие да не си ја гледаат својата иднина во Запад, Америка, и Австралија, бидејќи сонцето подобро грее во својата земја – рече Ахмети.

– Ова е првата населба во Скопје која нуди поинаков концепт на живеење и првата елитна населба од овој вид која се гради како резултат на вашата упорност и визија. Навистина ми е драго што успеавте да препознаете дека политиките кои ги креираше Градот Скопје во изминативе 3 години, пред се, за рамномерен развој на сите делови од градот, помогнаа во вашата одлука да инвестирате во овој проект. Со нашата работа изминативе неколку години, активностите на Владата и општина Сарај, испративме порака до граѓаните и инвеститорите дека Скопје е град кој е еднаков за сите – кажа на промоцијата градоначалникот на Град Скопје, Петре Шилегов.

The post Луксузни вили, хелиодром, базени, фитнес и спа центар, вака ќе изгледа елитната населба во Сарај (ГАЛЕРИЈА) appeared first on plusinfo.mk.