Тинејџерство – фаза во која сè е „глупаво“, родителите се „напорни“, а погледот што зборува погласно од зборовите честопати прави да изгледа како светот да е најлошото место на планетата. Превртување на очите, кратки одговори и таа неизбежна реченица: „Ништо не разбираш“.

И додека многумина мислат дека ова е „резервирано“ за обични смртници, вистината е всушност многу позабавна, дури и најголемите светски ѕвезди не се поштедени од тинејџерските испади. Бидејќи без оглед на славата, црвените теписи и Оскарите, дома важат сосема различни правила. А колку брутално може да биде, откри и Шарлиз Терон за време на нејзиното гостување во „The Tonight Show Starring Jimmy Fallon“ со Џими Фалон.

Холивудската ѕвезда сподели урнебесна, но и брутално искрена анегдота од нејзиниот приватен живот – онаа за нејзината 14-годишна ќерка. И ако мислевте дека животот на добитничката на Оскар е полн со почит и восхит дома… размислете повторно.

– Мојата 14-годишна ќерка се врати дома од училиште пред некој ден и имаше таков израз на лицето како постојано нешто да ѝ смрди, започна Терон со смеа, опишувајќи типична тинејџерска фаза. – Знаете, она – „сè ѝ оди на нерви“.

Не, вистинското „изненадување“ допрва доаѓа.

Нејзината ќерка ја прашала, „мртва – ладна“: „Што правеше ти цел ден?“

– Ѝ реков: „Работев“, раскажува Терон, на што ќерка ѝ, како што самата вели, одговорило: „Која е твојата работа воопшто?“. Шарлиз ѝ рекла: „Снимам филмови“, а таа, раскажува Шарлиз: „Но, беше дома цел ден?“

Актерката се обидела да ѝ објасни дека работата не е само снимање пред камерите:

– Бев на телефон, имав состаноци преку Зум, одам во продукциската канцеларија… – набројала таа, но, без успех.

– Потоа ми вели, продолжи познатата актерка, „Јас цел ден бев на училиште“, на што публиката гласно се насмеа, а Терон додаде: – Демек, „направив нешто конкретно“. Во тој момент, Фалон исто така се вмеша со насмевка:

– Значи, тие сè уште не разбираат?

– Тие немаат поим, признала Терон, и објаснила: Мислат дека лежам во кревет цел ден. И покрај тоа што еедна од најпознатите актерки во светот и добитничка на Оскар, дома – нема попуст.

– Таа 14-годишна девојка буквално „ме растура“, а потоа доаѓам тука и сите сте толку фини, се пошегува таа.

Фалон веднаш се обиде да ја „спаси“:

– Луѓето освојуваат Оскари, не ги делат само така!

Но, се чини дека тинејџерската логика не препознава награди, слава или Холивуд.

The post 🎥 „ШТО ПРАВЕШЕ ПА ТИ ЦЕЛ ДЕН ДОМА?!“ Шарлиз Терон раскажа анегдота поврзана со нејзината ќерка-тинејџерка appeared first on plusinfo.mk.

Хари Стајлс е сега еден од најпознатите музичари во светот, но неговото патување до глобална слава започнало во еден многу обичен британски град. На 6 март, музичарот го издава својот четврти студиски албум „Kiss All the Time. Disco, Occupationally“ кој сигурно ќе ја воодушеви неговата бројна публика што го чека неговиот нов музички материјал од 2022 година.

Но, уметникот, кој неодамна наполни 32 години, помина долг пат од тинејџер што работи во пекарница до ѕвезда што ги полни стадионите и добива филмски улоги, а неговата кариера е една од најинтересните приказни во модерната поп музика.

Хари Едвард Стајлс е роден на 1 февруари 1994 година во Редич, Англија, и пораснал во малото гратче Холмс Чапел во Чешир. Неговите родители, Ен Кокс и Дес Стајлс, се развеле кога имал седум години, по што живеел со мајка си и постарата сестра Џема.

Тој покажал интерес за музика уште како дете. Во училиште бил член на бендот „Вајт Ескимо“, со кого победил на локален натпревар за бендови. Во тоа време работел и во локална пекарница, а токму неговата мајка го запишала на аудиција за телевизиското шоу „Икс Фактор“ во 2010 година.

Стајлс првпат ја извел „Hey, Soul Sister“ на групата Train на аудицијата, а на барање на Сајмон Ковел, извел уште една песна – „Isn’t She Lovely“ од Стиви Вондер и го воодушевил жирито. Иако не поминал како соло изведувач, судиите решиле да го поврзат со уште четири други натпреварувачи – Најл Хоран, Лиам Пејн, Луис Томлинсон и Зејн Малик, заедно формирајќи го бендот One Direction.

Иако завршиле на третото место во шоуто, тие брзо станале еден од најголемите машки бендови во историјата. Помеѓу 2011 и 2016 година, One Direction објавија пет многу успешни албуми: „Up All Night“, „Take Me Home“, „Midnight Memories“, „Four“ и „Made in the A.M.“, а хитови како „What Makes You Beautiful“, „Story of My Life“, „Drag Me Down“ и „Best Song Ever“ беа на врвот на светските топ листи. Бендот распродаде турнеи низ целиот свет и стекна милиони обожаватели.

Во овој период, Стајлс стана еден од најпрепознатливите членови на групата благодарение на неговата харизма, вокални способности и уникатен стил.

Во 2015 година, Зејн Малик го напушти бендот, а една година подоцна One Direction објавија пауза за членовите да можат да се фокусираат на своите соло кариери.

Својата соло кариера ја започна во 2017 година со албумот „Harry Styles“, кој доби одлични критики и комерцијален успех, а синглот „Sign of the Times“ веднаш стана огромен хит.

Неговиот втор албум, Fine Line, во 2019 година, го зацврсти неговиот статус на глобална ѕвезда. Песната „Watermelon Sugar“ освои Греми награда и стана еден од неговите најголеми хитови. Неговиот трет албум, „Harry’s House“, објавен во 2022 година, му донесе уште поголем успех, а синглот „As It Was“ стана една од најстримуваните песни на деценијата.

Покрај музиката, Стајлс имаше и филмска кариера. Се појави во воениот филм на Кристофер Нолан „Dunkirk“, а подоцна и во филмовите „Don’t Worry Darling“ и „My Policeman“. Покрај музиката, Стајлс стана и една од најголемите модни икони на денешницата. Тој е познат по својот смел моден стил кој често ги замаглува границите помеѓу машката и женската мода.

Во 2020 година, тој стана првиот маж кој се појави сам на насловната страница на американскиот Vogue, што предизвика огромна дебата за родовите норми во модата. Стајлс често се обидува да го држи својот приватен живот подалеку од јавноста, но неговиот љубовен живот редовно привлекува медиумско внимание.

Една од неговите први врски со висок профил беше со Тејлор Свифт во 2012 година. Нивната кратка романса инспирираше многу од песните на нејзиниот албум „1989“ и сè уште често се споменува во поп-културата денес. Оттогаш е поврзан со неколку познати жени, вклучувајќи ги Кендал Џенер, Камил Роу и Оливија Вајлд. Неговата врска со режисерката и актерка што ја запозна на снимањето на филмот „Не грижи се, драга“ привлече големо внимание од јавноста бидејќи Вајлд беше десет години постара од него, а нивната романса заврши во 2022 година. Неодамна, фотографите постојано го фотографираа со Зои Кравиц, која е исто така добра пријателка на Тејлор Свифт. Тој често зборуваше за важноста на приватноста и одби јавно да ја дефинира својата сексуалност, нагласувајќи дека не сака да биде етикетиран.

Денес, Хари Стајлс ги полни стадионите низ целиот свет и се смета за еден од највлијателните поп-артисти на неговата генерација. Неговите турнеи ги рушат рекордите на посетеност, а неговата музика и стил влијаат на новата генерација уметници.

Од момче кое работело во пекарница до глобална ѕвезда – приказната на Хари Стајлс е доказ за тоа дека соништата можат да се претворат во реалност.

The post НЕКОГАШ РАБОТЕЛ ВО ПЕКАРНИЦА, СЕГА ПОЛНИ СТАДИОНИ Како Хари Стајлс стана глобална ѕвезда? appeared first on plusinfo.mk.

Ријана можеби покрај своето име има и милијарди на сметка, но и натаму во набавка на намирници оди како обичен човек.

Таа влегува во супермаркет во Лос Анџелес во понеделникот облечена од глава до пети во црно, но и покрај тоа, е невозможно да не се забележи.

Дамата зад неа беше толку воодушевена што случајно ја зграпчи количката на Ријана, мислејќи дека е нејзина.
Ријана се смее за „инцидентот“, покажувајќи дека воопшто не е арогантна, особено затоа што нејзин приоритет во тој момент беше да купи компири.

Rijana koja prebira krtolu, sve sto sam trebao da vidim veceras pic.twitter.com/sk0nRvD6hi

— 𝗠𝗶𝗹𝗼𝘀 (@muskarac_koji) February 11, 2026

Сепак, ова не беше баш самостојно купување. Ријана беше внимателно следена од нејзиниот телохранител, а со себе имаше и личен готвач. Патем, таа купи и млад кромид, грозје, банани и уште неколку работи.

Кога заврши со шопингот, пејачката по потекло од Барбадос носеше саксија со цвеќе до нејзиниот автомобил, додека нејзиниот телохранител ги туркаше сите други намирници во количката.

The post 🎥 МИЛИЈАРДЕРКА Е, АМА САМА СИ БИРА КОМПИРИ Хит видеото на Ријана во продавница го обиколи светот appeared first on plusinfo.mk.

Регионалната музичка ѕвезда Северина, настапила во Птуј минатиот викенд, во склоп на тамошниот карневал. Пејачката со години е редовен гостин на карневалската сцена во Птуј, а сега се врати како една од главните ѕвезди на вечерта.

Публиката ги отпеа нејзините најголеми хитови заедно со неа, а не остана незабележан ниту нејзиниот интересен аутфит, пишуваат словенечките медиуми.

 

View this post on Instagram

 

A post shared by Severina (@severina)

А дека Северина била одлично расположена, може да се види и во видеата објавени на нејзиниот профил на Инстаграм.

Во еден момент, таа не сака да се симне од сцената дури ни кога Аленка Милано се обидува да ја „извлече“.

 

View this post on Instagram

 

A post shared by Severina (@severina)

– Да не беше Аленка Милано, концертите ќе траеја шест часа – напиша Северина.

Аленка е, за оние кои не знаат, жена чиј глас можете да го чуете во песните на речиси сите домашни музичари. Со години, овој мајстор на музичката уметност и култура стои веднаш до Северина на секој нејзин настап, како придружен вокал.

Покрај музиката, Северина и Аленка ги поврзува и долгогодишно пријателство бидејќи заедно оделе во средно училиште.

 

View this post on Instagram

 

A post shared by Severina (@severina)

The post 🎥 СЕВЕРИНА КАКО СУПЕРМЕНКА ВО ПТУЈ Пејачката не сакала да си оди од сцената, на крајот морале да ја „истераат“ appeared first on plusinfo.mk.

Во време додека хрватските портали се полни со вести за патувањето на поранешната претседателка на Хрватска, Колинда Грабар-Китаровиќ на Антарктикот, се појавија и фотографии од истото место, кои на својот Инстаграм ги сподели холивудската ѕвезда Никол Кидман.

Актерката била на патување на најстудениот континент на светот со своите ќерки, Сандеј Роуз и Фејт Маргарет и со својата најдобра пријателка.

Со ова патување на Антарктикот, Кидман ја заокружила својата импресивна листа – ги посетила сите седум континенти.

– Ви благодарам @SilverSea што ме однесете на мојот седми континент! Авантура што се случува еднаш во животот со семејството и пријателите – напиша Кидман покрај фотографиите од патувањето на кое отишла.

 

View this post on Instagram

 

A post shared by Nicole Kidman (@nicolekidman)

На објавените фотографии, Никол и нејзините ќерки позираат во црвено-црни одела за снег и со очила за сонце, додека други снимки ја покажуваат актерката на брод пред глечер, но и во порелаксирани моменти – со книга во рака, додека ужива во мирот и тишината на поларната експедиција.

 

View this post on Instagram

 

A post shared by Nicole Kidman (@nicolekidman)

Патувањето доаѓа во чувствителен момент за познатата актерка. Според извори блиски до актерката, Никол во моментов особено го цени времето поминато со своите деца, а семејните моменти станаа приоритет за неа по неодамнешниот развод од Кит Урбан. Таа ги помина празниците во Австралија, а потоа се врати во Нешвил со своите ќерки, каде што, според изворите, семејството полека се враќа на својата секојдневна рутина.

И покрај личните промени, Никол Кидман е оптимист за иднината. Покрај исполнувањето на големата лична желба со патувањето на Антарктикот, таа има и исклучително возбудлива професионална година пред себе со неколку нови проекти во подготовка.

The post НИКОЛ КИДМАН ГО ОСВОИ АНТАРКТИКОТ Познатата актерка отпатува на поларна експедиција со своите ќерки appeared first on plusinfo.mk.

Холивудскиот актер Мики Рурк (73) се соочува со една од најкомплицираните фази од својот финансиски и професионален живот, но изненадувачки, тој одлучил да одбие разни понуди за работа кои, според неговиот тим, би можеле да му помогнат да излезе од финансиската криза во која се наоѓа.

Рурк се најде во центарот на вниманието кога кампањата за собирање средства стана вирална за да му се помогне на актерот да го отплати својот долг за кирија од речиси 60.000 долари. Доколку не го реши проблемот со својот станодавец, ќе мора да се исели од својот дом.

Во разговор за TMZ, менаџерката Кимберли Хајнс изјавила дека актерот добил неколку понуди за работа во различни формати во текот на изминатата недела, од улоги во независни филмови до фотосесии, јавни настапи и потпишување автограми. Всушност, во последните два дена, неговиот тим проценил најмалку шест предлози за актерот.

Но, и покрај очигледните финансиски проблеми што итно треба да ги реши, Рурк не е заинтересиран да ги прифати овие понуди под услови што смета дека се „под неговиот статус“.

Неговата менаџерка вели дека актерот би разгледал само работни места што му плаќаат „како ѕвезда од А-листата“, или околу 200.000 долари дневно, и што вклучуваат работа со „врвни“ актери и режисери, како оние што ги имал во текот на целата своја кариера.

Неговата одлука е зачудувачка за некој што рекол дека „живее од ден за ден“, меѓутоа, неговата менаџерка го поддржала ставот на Рурк. Хајнс вели дека ако актерот му дал предност на квалитетот пред квантитетот, „парите на крајот ќе дојдат“.

Мики Рурк се појави како ѕвезда во подем кон крајот на 1980-тите и почетокот на 1990-тите во филмови како „9 1/2 недели“ (1986), „Ангелско срце“ (1987) и „Барфлај“ (1987), при што последниот беше алтер его на поетот Чарлс Буковски.
По долга пауза од Холивуд во 1990-тите за да се занимава со професионален бокс – одлука што го чинеше сериозни повреди, повеќекратни реконструктивни операции и години далеку од големиот екран – неговата кариера се чинеше дека е во застој.

Спасот дојде во 2008 година, кога глумеше во филмот „The Wrestler“ („Борачот“), во режија на Дарен Аронофски. Таму, тој го играше Ренди „The Ram“ Робинсон, ветеран борач кој ги живее своите последни денови. Улогата му донесе номинација за Оскар за најдобар глумец, како и Златен глобус и БАФТА.

Мики Рурк продолжи да глуми во други блокбастери, вклучувајќи ги „Iron Man 2“ (2010.) и „The Expendables“ (2010). Меѓутоа, со текот на годините, неговата професионална кариера повторно забави.

Кон крајот на декември, актерот доби известување за иселување со кое му се наредува да плати 59.100 долари за заостаната кирија или ќе се соочи со губење на својот дом во рок од неколку дена.

Како одговор, тимот на актерот постави GoFundMe со цел да собере 100.000 долари за да му помогне да ги покрие непосредните трошоци и да избегне иселување.

Кампањата наречена „Поддржете го Мики за да спречите иселување“ брзо собра околу 96.000 долари, иако подоцна беше ставена на чекање.

Рурк реагираше со изненадување и иритација кога дозна за иницијативата. Набрзо објави видео на Инстаграм во кое ја опиша кампањата како „понижувачка“. Исто така, изјави дека не го одобрил собирањето средства, ниту пак имал намера да прифаќа „милостина“ од странци.

 

View this post on Instagram

 

A post shared by MICKEY ROURKE (@mickey_rourke_)

– Ако ми требаа пари, немаше никого да молам, ниту обожаватели, ниту странци… Тоа не е мој стил – изјави тој, видливо фрустриран, и ги замоли оние што донираа да побараат враќање на парите. Неговата менаџерка го припиша недоразбирањето на тоа што Рурк не знае како функционира платформата, а тимот го увери дека средствата ќе бидат вратени ако не сака да ги прима.

Додека неговата правна ситуација во врска со иселувањето сè уште се разјаснува, Рурк се пресели во хотел во Западен Холивуд, а трошоците ги покриваат неговиот тим и пријател продуцент.

The post 🎥 ЕДНАШ ЅВЕЗДА, СЕКОГАШ ЅВЕЗДА Мики Рурк одбива понуди за работа и покрај неговата економска криза appeared first on plusinfo.mk.

Ејми Шумер (44) официјално поднесе барање за развод од својот сопруг Крис Фишер, објавува Us Weekly.

Актерката го поднесе барањето на 6 јануари, во Врховниот суд на округот Њујорк, според документите до кои дошле од Us Weekly.

– Бла бла бла. Крис и јас донесовме тешка одлука да го прекинеме нашиот брак по седум години – објави Шумер преку Инстаграм на 12 декември 2025 година.

Многу се сакаме и ќе продолжиме да се фокусираме на одгледувањето на нашиот син. Ја молиме јавноста да ја почитува нашата приватност во овој период.

Потоа Шумер сподели фотографија од себе и нејзиниот сопруг како се смешкаат заедно во метрото во Њујорк. Шумер и Фишер почнаа да се забавуваат во ноември 2017 година, а неколку месеци подоцна се свршија.

– Начинот на кој мојот сегашен сопруг ми предложи брак беше сосема безвреден – се пошегува Шумер за време на нејзиниот монолог во Saturday Night Live во мај 2018 година.

– Беше тоа глупаво запросување. Беше утро. Спиев. Тој фрли кутиче кон мене и рече: „Ти го купив ова“. Но, тоа е реалистично запросување.“

И покрај помалку импресивното запросување, Шумер и славниот готвач се венчаа во февруари 2018 година. Двојката го доби своето единствено дете, синот Џин, во мај 2019 година. Шумер и Фишер продолжија да се поддржуваат еден со друг во текот на целиот брак, честопати соработувајќи на разни проекти.

Тие работеа заедно на серијата на Хулу серијата на Шумер Life & Beth, а Фишер беше консултант за сценариото. Во ноември 2025 година, се појавија гласини дека Шумер и Фишер имаат проблеми во врската.

Двојката го продаде својот дом во Бруклин за 11 милиони долари истиот месец. И покрај шпекулациите за разделба, Шумер го пофали својот сопруг на почетокот на декември 2025 година, потсетувајќи се на нејзината операција на ендометриоза во 2021 година.

– Ејми сè уште го обожава Крис, само не романтично – изјави извор ексклузивно за Us откако се појави веста за разделбата.

– Тој е одличен човек и уште подобар татко.

Изворот објаснил во декември 2025 година дека нивниот брак едноставно „ја изгубил својата искра“, истакнувајќи дека „немало голема, скандалозна причина за разделбата“. Потоа додава дека двојката веќе со месеци се обидувала да сфати како ќе изгледа нивната разделба, особено кога станува збор за нивниот 6-годишен син.

– Целта е преминот да биде што е можно помирен за да не се наруши дневната рутина на детето – изјавил изворот за Us. Една од многуте работи за кои се согласуваат е дека Џин и неговата среќа секогаш се на прво место.

The post СЛАВНАТА АКТЕРКА ПОДНЕСЕ БАРАЊЕ ЗА РАЗВОД ПО 7 ГОДИНИ БРАК „Многу се сакаме и ќе продолжиме да се фокусираме на одгледувањето на нашиот син“ appeared first on plusinfo.mk.

Таа е најпозната по тоа што глумеше покрај Леонардо Дикаприо во една од најпознатите несреќни романси на големото платно. Но, дури и нејзините најголеми обожаватели можеби не ја знаат првата љубовна приказна на Кејт Винслет, која исто така завршила трагично кога тој починал, истата недела кога беше објавен Титаник, пишува Дејли Мејл.

50-годишната актерка се мажела три пати и имала кратки авантури со актерот Руфус Сјуел и моделот Луис Даулер, но изјавила дека нејзиното прво момче Стивен Тредре бил другата половина од нејзината душа.

Човекот за кој станува збор бил актер и писател познат по создавањето на серијата на Би-Би-Си „Fish and writing за EastEnders, кој ја запознал Кејт на снимањето на научно-фантастичната серија на Расел Т. Дејвис на Би-Би-Си, „Dark Season“, во 1991 година – кога го имала своето деби на екранот.

Таа глумеше како една од трите главни улоги, додека Стивен се појави во една епизода, а Кејт брзо се заљуби во него, подоцна опишувајќи го како најважната личност во нејзиниот живот, покрај семејството.

Сепак, иако таа тврди дека тој секогаш ќе биде најголемата љубов во нејзиниот живот, врската предизвикала негодување поради фактот што Кејт во тоа време имала само 15 години, додека Стивен имал 27.
Таа потврди дека била малолетна кога ја започнала својата романса со маж 12 години постар од неа, а двојката се забавувала околу пет години, па дури и живееле заедно, пред да се разделат кога таа имала 19 години, откако на Стивен му бил дијагностициран рак.

И покрај раскинувањето, тие останале во постојан контакт во текот на неговата здравствена борба, во исто време кога нејзината ѕвезда почнала да се издига со „Heavenly Creatures“ и „Sense and Sensibility“.

Подоцна признала: Стивен и јас разговаравме секој ден. Тоа не беше некој на кого би му го свртила грбот.

Стефан за жал почина на 34-годишна возраст во декември 1997 година, што Кејт го опиша како „неверојатно срцекршачко“, изјавувајќи: Сè што ми остана е што останавме многу блиски до крајот.

Во подоцнежните години, таа беше искрена за тоа што никогаш не ја преболела неговата смрт, еднаш признавајќи: Зборувам за Стефан како да го сакам сè уште. Но, го сакам. Се надевам дека секогаш ќе го сакам.

Иако за повеќето луѓе врската помеѓу 15-годишна и 27-годишник е несоодветна, Кејт зборува за Стефан само со љубов и никогаш не ја призна можноста нивната романса да била таква.

Кејт е многу отворена кога зборува за тоа што била малтретирана во тинејџерските години, опишувајќи како сурово ја задевале во училиште, велејќи: Бев дебела, секогаш имав големи стапала, погрешни чевли, лоша фризура.

Тешкото искушение ја оставило со огромни несигурности, верувајќи дека „не е доволно добра“ и „нема совршено тело“, и призна: Страдав од синдромот „Никој никогаш нема да ме сака!“, уште во тинејџерските години.

Во текот на овој тежок период, кога таа се опишува себеси како „срамежлива и ранлива“, го запознала и почнала да се забавува со Стивен, кого го опишала како „голем извор на сила“.

Зборувајќи за својата прва љубов за „Лос Анџелес Тајмс“ во 1999 година, таа рекла:

– Тој беше 12 години постар од мене. Имав 15 години, а се разделивме кога имав околу 19 години. Тој беше некој што навистина ме натера да се држам до своите ставови и да верувам во себе и ме научи како да разберам која сум.

И неколку години подоцна, Кејт продолжи со радост да се сеќава на нивната врска – и покрај тоа што била толку млада кога започнала.

Додека повеќето би очекувале родителите на 15-годишна девојка да бидат огорчени од веста дека нивната ќерка излегува со маж 12 години постар од неа, Кејт инсистира дека нејзината мајка Сали не била загрижена.

Додека да наполни 16 години, Кејт го напуштила училиштето и работела во продавница за деликатеси, а потоа се преселила во стан во северен Лондон со Стивен, на 17 години.

– Стивен беше многу инспиративен. Ќе се разбудеше наутро, ќе ги отвораше завесите во спалната соба и ќе ми кажеше: „О, каков прекрасен ден! Ајде да излеземе!“ Имаше извонреден жар за живот. Мојот живот се вртеше околу него – раскажала таа.

Но, по дијагнозата за рак во 1994 година, здравјето на Стивен брзо се влошило додека Кејт била на средина на снимањето на филмот „Sense and Sensibility“.

– Немаше смисла во неговото страдање. Немаше причина за тоа. Тој живееше здраво. Секогаш изгледаше невозможно дека овој човек некогаш може да умре. Му беше отстранет тумор на ногата и многу хемотерапија. Јас бев таму. Се возев со воз за спиење од Девон, каде што го снимавме филмот, и едноставно бев во болница со него – рекла Кејт.

Таа открила дека токму Стивен одлучил да ја прекине нивната врска за време на неговата борба со ракот, што го сметала за „чин на љубов“, но за што секогаш жалела.

Признавајќи ја својата млада возраст во тоа време, добитничката на Оскар објаснила: Кога Стивен се подобри и неговиот рак беше во ремисија, раскинавме. Не знам зошто.

Кога ќе се сетам на тоа, бев толку млада, имав само 19 години. Како можев да оставам човек кој беше толку болен? Мислев дека Стивен ќе биде добро.

Кејт често признаваше дека никогаш не ја преболела неговата ненадејна смрт, инсистирајќи дека нивната врска опстојала до самиот крај.

И повеќе од една деценија по смртта на Стивен, во 2008 година, во интервју за Телеграф таа се расплака зборувајќи за тагата и жалењето што сè уште ги чувствува.

– Не го преболуваш тоа, учиш да живееш со тоа. Се осврнувам на тоа и… Извинете, сè уште се вознемирувам кога зборувам за тоа. Стивен ме пушти, и тоа како чин на љубов од едно човечко суштество кон друго беше преголемо. Кога се осврнувам наназад, посакувам да не беше така. Тој многу брзо си замина и – сè уште ги преиспитувам тие моменти во главата.

Кејт ја пропушти американската премиера на „Титаник“ за да присуствува на погребот на Стивен, подоцна откривајќи дека шефовите ја советувале да не го прави тоа и ја предупредиле дека одлуката може негативно да влијае на нејзината кариера.

– Тие разговараа со мене, велеа работи како: Разбираме, ова мора да е многу тешко време, а потоа продолжуваа да велат: Но не мислите ли дека Стивен би го сакал тоа?

– Не, Стивен би сакал да бидам на неговиот погреб и јас ќе бидам таму – рекла таа.

Кејт открила дека на неговиот погреб пеела песна што тој отсекогаш сакал да му ја пее.

– Беше толку тешко. Знаев дека ако прво кажам неколку зборови, ќе почнам да плачам и нема да можам да пеам. Па пеев, и во секундата кога престанав, почнав да се задушувам.

За време на појавувањето на подкастот Happy Sad Confused минатата година, таа размислуваше за значењето на пропуштањето на премиерата за да присуствува на погребот.

Кејт рече дека кога ќе се осврне на тој период кога се здобила со светска слава благодарение на рекордната популарност на „Титаник“, може да види дека се справувала со многу работи, додавајќи: Имав многу болка и бев збунета околу тоа кој сум.

The post ТИНЕЈЏЕРСКАТА ТАЖНА ЉУБОВ ШТО СЀ УШТЕ ЈА ПРОГОНУВА КЕЈТ ВИНСЛЕТ „Сè уште го сакам, се надевам дека секогаш ќе го сакам“ appeared first on plusinfo.mk.

Обожавателите на Ла Тоја Џексон изразија поголема загриженост за пејачката откако таа објави монтажа од слики на кои се гледа нејзината слаба фигура.

69-годишната Џексон сподели на Инстаграм фотографии од себеси, во црвен топ со долги ракави, црни панталони и златни потпетици со шпицест врв. Таа носи и дебел ремен со синџир и нараквица преку десниот зглоб.

Нејзината слаба фигура беше особено е забележлива кога се врти во профил.

Таа напиша на објавата: Среќен понеделник момци! Ви посакувам на сите прекрасна недела! Останете безбедни, здрави и многу љубов за сите вас!

 

View this post on Instagram

 

A post shared by La Toya Jackson (@latoyajackson)

Додека многу обожаватели дадоа негативни коментари за нејзината тежина, други ја бранеа Џексон, забележувајќи дека таа е природно „ситна“.

– Ла Тоја отсекогаш била ситна и нормално е да се губи мускулна маса како што старееш – напиша еден обожавател. Шегите што некои од вас ги правите се навистина непотребни и груби.

– Ве молам, не бидете нељубезни, мислам дека Ла Тоја има некои здравствени проблеми – забележа друг обожавател.

Минатиот месец, Ла Тоја сподели видео од лекарска ординација, иако не откри зошто бара медицинска помош.

– Здраво луѓе, се надевам дека сите сте добро. Повторно сум кај докторот, па се надевам дека сè ќе помине добро, сите резултати се добри. Ви испраќам љубов и светлина на сите! Ве молам, останете безбедни и, секако, најмногу од сè здрави! – напиша таа во описот на својата објава.

The post ШТО СЕ СЛУЧУВА СО СЕСТРАТА НА МАЈКЛ ЏЕКСОН? Ла Тоја ги шокираше обожавателите со својот слаб, речиси анорексичен изглед appeared first on plusinfo.mk.

Џенифер Анистон конечно го направи она што нејзините обожаватели го чекаа со месеци – јавно го покажа своето ново момче, Џим Кертис. Таа ја објави нивната заедничка црно-бела фотографија на Инстаграм, прва официјална откако се заедно, по повод неговиот 50-ти роденден.

– Среќен роденден, љубов моја. Скапоцено – напиша Џенифер покрај фотографијата на која го прегрнува нејзиниот партнер одзади, додека двајцата се смеат толку искрено и опуштено – како луѓе кои уживаат во моментот, а не позираат за светот.

Објавата, секако, предизвика лавина од реакции. За само неколку часа, собра милиони лајкови, а коментарите на обожавателите се полни со ентузијазам дека познатата актерка конечно е среќна. И додека многумина сè уште се прашуваат кој е всушност Џим Кертис, Џенифер му даде официјален печат со овој гест.

 

View this post on Instagram

 

A post shared by Jennifer Aniston (@jenniferaniston)

Интересно е што Кертис се „појавил“ на нејзиниот профил и претходно, но никогаш толку јасно. На пример, во септември таа објави фотографија од маж фотографиран одзади како го гледа зајдисонцето – иако во тој момент не го откри неговиот идентитет, многумина претпоставија дека е тој.

Врската првпат беше потврдена со папарацо фотографии од јули, кога Џенифер и Џим беа фотографирани на Мајорка во друштво на нејзиниот долгогодишен пријател и колега Џејсон Бејтман. Тие го поминаа летото патувајќи, а во август беа видени и на вечера со Кортни Кокс и нејзиниот партнер Џони Мекдејд, додека заедно шетаа по улиците на Њујорк на почетокот на септември.

Џенифер, која ќе го прослави својот 56-ти роденден во февруари, зад себе има два познати брака – со Бред Пит и Џастин Теру. Куртис, од друга страна, е поранешен продуцент и претприемач, а има и син, Ејдан, од првиот брак со Рејчел Наполитано.

Иако двајцата се „сингл“ долго време и го чуваат својот приватен живот подалеку од рефлекторите, се чини дека сега се подготвени да споделат дел од својата среќа со светот. И судејќи според фотографијата што ја објави Џенифер, тие се среќни токму онака како што секој би сакал да биде во своите педесетти години: мирни, спокојни и заљубени.

The post ЏЕНИФЕР АНИСТОН КОНЕЧНО ОБЈАВИ ФОТОГРАФИЈА СО НОВИОТ ДЕЧКО Познатата актерка никогаш не изгледала посреќна appeared first on plusinfo.mk.